باجر بتطلق في المحكمة.. يارب الصبر ورحمتك

السلام عليكم

خواتي وحده وحده .. وعروس وعروس

حبيت اقولكم اخر اخباري.. واللي هالمرة اخبار للاسف مااعرف شو اقول عنها.. واللي موب عارف مشكلتي يلاقيها تحت عنوانا مالجه من شهر وافكر في الطلاق من زوجي المجنون...اناما اسوي دعايه لنفسي عشان اكبر عدد يدخل موضوعي..حاشا لله.. اصلا الوضع اللي انا فيه ما يساعد على اي شئ.. واقسم لكم بالخالق ان هذا اللي قاعد يصير معاي

باجر بنروح المحكمة عشان نطلق...انفجر الوضع فجأة بينا .. وترجيته وتوسلتله وذليت عمري انه ما يطلق وامي كلمته وحاولت تخليه يتراجع حتى هددني ان رحتله مكان عمله او سكنه بينزل يضربني قدام الناس.. لكن لله الامر من قبل ومن بعد.. هو مصمم وراكب راسه

انا اكتب لكم الحين والموبايل جنبي ارسله رسايل اتوسله انه لا يخلي الشيطان يلعب براسه ويحرضه على الطلاق,, لكن مافي اي رد منه.. ومصمم

عموما خواتي اللي كتبولي وردوا علي وساعدوني بردودهم الطيبه سواء الخاص او العام.. اشكركم جميعا..وربي يسترها معاكم دنيا واخرة ولا يحط اي وحده في موقفي.. خاطري ابكي لين عيوني تنعمي من البكا.. لكن شو الفايده.. كل شي راح
حتى صديقه ما عندي اشكيلها وارتاح معاها........كان هو كل دنيتي .. لكن .. خلاص

استودعكم الله