ماني مصدقــهـ .. زوجي وحبيبي يمكن يسوي كذا ! .. فهموووني

السلام عليكم

كيف حالكم بنات ؟؟

انا ماكتبت هالموضوع الا وانا ضايقه بي الدنيا وافكاري مشتته
ماني عارفه الصح من الغلط ..
انا متزوجه تقريبا من 8 شهور .. وحملت .. وماتصور حياتي من غير زوجي
احبـــــــه واموووووووت فيه .. وهو بعد يحبني
بس صار شي من شوي .. نشف الدم بعروقي
من قبل كم يوم .. فتحت جواله ولقيت رقم غريب دق عليه كذا مره
وكان توقيت المكالمه على اخر ليل .. بس مدة المكالمه صفر
يعني اللي يدق عليه مايرفع له
جاني احساس اني اعرف منو هذا اللي زوجي حريص انه يدق عليه
بآخر الليل .. وكلفت المهمه لصاحبتي تعطيه اخوها
واليوم جاتني بالخبر .. ان الرقم على طول مغلق ومايفتح الا نص الليل:ss:
ولما يرفع صاحب الرقم مايرد .. او يشغل مقطع صوتي لرجال !!
اللي فهمته من ذا كله ان صاحب الرقم اكيد بنت 90% وماتبي ترد ..
وانا بتابع الرقم الين مااسمع صاحبه ولد ولا بنت ..
وفي حاجه شككتني بعد .. انو زوجي كاتب بجواله بالاوضاع (( نهاية حب جديد)) !!
وماعرف لها تفسير ...........:(

انــــــــا صراحه انصدمت ولحد الحين مو فاهمه شي ..
مو معقوله حبيبي يسوي فيني كذا :confused:
الدنيا صارت سوده .. وعيوني ماوقفت من دمعها .....

وكنت ناويه افاجأه بحفله بعد يومين .. بمناسبة خطوبتنا
ومجهزه كل شي .. بس لما صار هالموقف .. افكر اني ألغيه:(

على فكره .. زوجي مايشتغل بنفس المدينه اللي ساكنه فيها
يعني يجي الاربعاء وخميس وجمعه ..


ساعدوووني تكفووون ..
(w)