خطيبى حيسيبنى خلاص... ارجوكم محتاجالكم

اختي العزيزة هل حصل بينكم مشكلة تستدعي انه يقولك كدة؟ ولا هو اتغير كدة فجأة
و انتي مسألتيهوش لية قال كدة؟
عموما انتي استمري و متتصليش بيه و تعالي على قلبك و اضغطي عليه
و شوفي هايرجع لك ولا لا ولو لك نصيب فيه ان شاء الله ربنا هايتم زواجك منه على خير

انا والله حاسه بيكى لانى حصلى الموقف ده قبل كده بس كان علشان مشاكل خارجه عن اراده خطيبى
بس والحمد لله ربنا سهل شويه

انتى اهم تخليه يحس انك مش ضعيفه واوعى تتصلى بيه وفهميه بتصرفاتك انك مش لعبه فى ايده

بس وانا معاكى اون لاين دلوقتى ومتابعه موضوعك ردى

دي اول مشاركة ليه في المنتدى وبما انك بنت بلدي انا هنصحك نصيحه انتي اديلو فرصه يبعد فيها شويه زي ما قال بس لو رجع حاولي تغيري في نفسك يعني شوفي الحجات اللي كان بيكرها وبطلي تعمليها ادلعي شويه حسسيه انو هو كل حاجه عندك وفي نفس الوقت متدلقيش عليه اوي عشان الرجالة مش بتحب البنت المدلوقه وحاولي دايما تحسيسيه انو لو بعد عنك هو اللي هيخسر مش انتي

السلام عليكم
اختي العزيزة
بالبدايه اسألك هل حصل مشكلة بينكم مشادة كلاميه موقف ما .....؟؟؟
وما سبب قرارة في الابتعاد للتفكير ...؟
اختي العزيزة انتظري وشوفي شنو الله كاتب لج ...؟؟
والله يكتب اللي فيه الخير يارب


دمتم سالمين
اختكم شريفة

خلي ايمانك بربنا كبير وثقي في نفسك اكتر من كده وحبي نفسك قوي

وخللي اللي ييجي ييجي واللي يبعد يبعد

احنا مش هنفضل نجري ورا الرجاله طول عمرنا

احنا احسن من كده بكتير وعندنا اراده نختار مش نستني نشوف هيتعطفوا علينا ولا لا

علي فكره انا مش ضد الرجال ولا حاجه بس انا ليا موقف واتعلمت منه

والحمد لله خطيبي ربنا يهنيني معاه ويتمملي علي خير وفعلا الانسان مش بيتعلم بالساهل وانا الحمد لله

اتعلمت واتعملت كتير قوي

علشان كده مبسوطه جدا مع خطيبي وربنا يتمملنا علي خير باذن الله ويرزق جميع بنات المسلمين بالازواج

الصالحين الطائعين اللي يريحوا قلوبهم ويعيشوهم ملايكه

معلش نسيت اقوللك علي حاجه مهمه ملعون الحب اللي يذل صاحبته ويخليها هتموت علي الراجل وهو قاعد يتلاعب بيها يمين وشمال

الحب لازم يكون منه اقوي من كده بكتير ولو بيحبك بجد عمره ما يقدر يبعد عنك يوم ولا غيره ولا

هيقدر يقوللك نبعد عن بعض شويه

معني انو قاللك كده يبقي عاوز يعيد حساباته من اول وجديد ومعني ذلك انو حاسس انو اتسرع في الاختيار


طب وليه فهميه انتي كمان انك انتي اللي عاوزه تعيدي حساباتك

وصدقيني الدنيا مبتقفش والناس ياما اتعرضت لمواقف مشابهه وهو لا اول ولا خر راجل في الدنيا

وان كان ليكي فيه خير ربنا يقدمهولك بس طبعا بعد ما تحسسيه انك ضغطتي علي نفسك

علشان ترجعيله

مش هو اللي يقرر لوحده

وان كان ربنا مش كاتبه ليكي تاكدي ان انتي تستاهلي واحد انسب ليكي مش هقول احسن منه

لانه جايز يكون كويس وكل حاجه بس طباعه متفقتش مع طباعك

ممكن ربنا يبعتلك واحد يستحملك ويبقي حنين عليكي ويعرفك معني الحب الحقيقي من قلقه

وخوفه وهو اللي يسال عليكي والله شتان بين الحالتين انك تعرفي كويس قوي يعني ايه انتي

هتموتي علي واحد وهو مستغل النقطه دي

وانك تحسي ان واحد عاوز يموت نفسه علشان يجيبلك حته من السما

انا والله بقوللك الكلام ده وياريت متزعليش مني وباتمنالك من قلبي كل خير

وزي ما قلتلك كلامي عن تجربه كبيره جدا وشخصيه وعلمتني ازاي احب نفسي قبل ما استقبل حد تاني في حياتي احبه



والرجاله بطبعهم يحبو الواحده تكون واثقه بنفسها قوي وتتقل عليهم بس كله بحدود طبعا

ربنا يهديهولك يا قلبي ويطمن قلبك ويريحك من التفكير

في رعايه الله

تسلموا يا بنات على اهتمامكم... بجد انا مجتاجه لوقوفكم جنبى........
الى حصل ان احنا كان بقالنا فترة كبيرة بنتخانق كتييير لان اسلوبه جاف اوى معايا فى التعامل....
و امبارح كنا بنتكلم عشان نحط حد للمشاكل دى... لاقيته فاجأنى بكلامه.... طبعا انا بكيت و انهرت و قلتله انه مش بيحينى و لو كان بيحبنى مكانش عمل معايا كده... بس هو اكد لى انه بيحبنى بس هو حاسس انه اتهز من جواه من كتر المشاكل و انه محتاج فترة يكون مع نفسه عشان يفكر.... انا خايفة اوى يا بنات.... ارجوكم خليكم جنبى الفترة دى... ربنا يكرمكم

ياحبيبتي هدي اعصابك كلنا معاكي واهم شي ام الله سبحانه معاكي ومعنا انتي ادعي ان الله يسهل امركم وطبعا لاتكلميه واستغفري واكثري من الدعاء الله يرده لكي يارب

بقوللك ايه كل المخطوبين بيمروا بمشاكل لا اول لها من اخر بس الفرق انهم بيبقوا متمسكين ببعض ومحدش يقول للتاني انا اتهزيت من ناحيتك

ليا راجعه ليكي يا قمر لاني خارجه دلوقتي اخلص جهازي لاني فرحي قرب

دعواتكم ليا ربناا يتمملي بخير يا قمرات

الله يهدي النفوس ويرجع لك خطيبك ومايفرق بينكم ..اللهم امين

على فكرة يا اخت ريحانه القلوب انت عندك حق... انا مش عارفة اثق فى نفسى و لا احب نفسى... انا تعبانه اوى و خايفه جدا... شكرا اوى على ردك بس قوليلى اعمل ايه

على فكرة يا اخت ريحانه القلوب انت عندك حق... انا مش عارفة اثق فى نفسى و لا احب نفسى... انا تعبانه اوى و خايفه جدا... شكرا اوى على ردك بس قوليلى اعمل ايه

kitty_cat85;6269708:
تسلموا يا بنات على اهتمامكم... بجد انا مجتاجه لوقوفكم جنبى........
الى حصل ان احنا كان بقالنا فترة كبيرة بنتخانق كتييير لان اسلوبه جاف اوى معايا فى التعامل....
و امبارح كنا بنتكلم عشان نحط حد للمشاكل دى... لاقيته فاجأنى بكلامه.... طبعا انا بكيت و انهرت و قلتله انه مش بيحينى و لو كان بيحبنى مكانش عمل معايا كده... بس هو اكد لى انه بيحبنى بس هو حاسس انه اتهز من جواه من كتر المشاكل و انه محتاج فترة يكون مع نفسه عشان يفكر.... انا خايفة اوى يا بنات.... ارجوكم خليكم جنبى الفترة دى... ربنا يكرمكم

انا عاوزه اقولك ان الراجل وخصوصا العصبى مش بيحب كتر الخناق والمشاكل بتخليه يبعد بمشاعره عنك انتى غلطى لو انتى اللى كنتى بتعملى الخناقات ديه او حتى مكنتيش بتتفديها معاه
انا اتعلمت والله كتير فى موضوع الخناقات اللى كل شويه ديه لانى لاقيته بدا يزهق منى ويبعد

انتى عارفه كان ساعات يسمعنى كلام زى السم ويقفل فى وشى او يقفل موبايله خالص لتانى يوم وقبل كده سبنى اسبوع كان خصام بينى وبينه بس انا مكلمتهوش ابدااااااااااا

انا اللى عوزاه منك تهدى اعصابك خالص وانتى هتلاقيه بعد كام يوم بيتصل بيكى وبيقولك وحشتينى كمان بس انتى اصبرى واهم حاجه اتعلمى من اخطائك وديه تبقى فتره كمان انك تقعدى مع نفسك وتشوفى ايه اللى خلاه يعمل كده وحاولى تغيرى من نفسك ومن اسلوبك معاه

يعنى انت حاسه انه ممكن يرجع يا ام سما؟؟؟ انا و الله معترفه انى كترت الخناقات الفترة الى فاتت بس هو كمان كان جاف اوى معايا... يا ترى انا فقدته خالص و لا ممكن يرجع؟؟؟

اصبري الغاليه وخلي ايمانج بالله قوي ان شااء الله راح يرجعلج وتتوفقين يا حبوووووبه

kitty_cat85;6269945:
يعنى انت حاسه انه ممكن يرجع يا ام سما؟؟؟ انا و الله معترفه انى كترت الخناقات الفترة الى فاتت بس هو كمان كان جاف اوى معايا... يا ترى انا فقدته خالص و لا ممكن يرجع؟؟؟

ان شاء الله هيرجعلك

بس هو قالك ده عشان يحسسك ان كتر الخناقات ديه ممكن تعمل ايه فيه بعد كده ( بيعلمك يعنى من دلوقتى انك متنكديش عليه )

الراجل مبيحبش مراته تكون نكديه
وابقى طمنينى عليكى اول باول واحنا لنا هنا اخوات فى المنتدى واسره واحده وانتى كانك وسط اهلك بالظبط فاى حاجه بنات عروس كلهم معاكى

انا بجد مش عارفة اقولك ايه يا ام سما... انا فعلا محتاجه لتشجيعكم ليا و محتاجه احس ان فيه حد معايا لانى حاسه بالضياع... ابقوا اطمنوا عليا يا بنات ربنا يخليكم

اختي كيتي
عطي الريال الحين مهله يفكر سبيه لوحده مع نفسه يعيد افكاره
وانتي بعد فكري بحياتج
وليش الخناقات هذي كل شي بالتفاهم حلوو
وانتظري عليه يومين وبعدها طرشي له مسج شوق وحب
وانتظري شنو راح يرد عليج
وبعدها اذا ماراد قوليله بكل شي في قلبج انج تحبينه والفتره الاخيره صارت الخناقات كثيره بس انتي توعدينه ان كل شي راح ينتهي ونفتح صفحة جديده والله يسهل اموركم
انتي الوحيده اللي تعرفين شلون تتعاملين معاه وتعرفين الاسلوب المناسب لكم ولحياتكم
والله يهدي ويسخره لج يارب


دمتم سالمين
اختكم شريفة