السلام عليكم و رحمة الله و بركاته
بنات أيش أخباركم ؟ أن شاء الله الكل بخير و عافية
موضوعي هادي المرة .... أبغى أنزل من وزني 15 كيلو و أن شاء الله اذا قدرت أكثر شويه
بس محتاجه تشجيعكم و دعمكم
و بما أنه أنا ما يزبط معايا الرجيم أبداً دوبي قرأت موضوع لأحد الاخوات على نظام غذائي الكل نزل عليه في أسبوعين 6 كيلو و أنا شايفة أنها مره كويسة لاحظوا أنه من غير رجيم
بس لازم تشربي قبل كل وجبة 4 كاسات ماء فاتر و بعدها ب 45 دقيقة تبدأي الأكل
و الغداء كلي الي في نفسك بس بعدي عن النشويات و الدهون و السكريات و اذا مره ما قدرتي خففي على الأقل
أما العشا حاولي أنه يكون بدري يعني قبل ما تنامي ب 6 او 5 ساعات مثلا و يكون زبادي قليل الدسم أو أي شي خفيف أنا عن نفسي أمكن أسوي عصير الأناناس الي قلتلكم عليه حتلاقوه في هذا المنتدى الي ما شافته 12 كيلو في أسبوع أرجعولوا اذا في أحد ما شافه
أما بين الوجبات اذا جعتي كلي تفاحة أو خياره أو أي شي أنا عن نفسي ما أحب هذي الأشياء و لما بأجوع بأكل شبس تشيتوس
و أخر شي الرياضه عشان تساعدنا على الحرق في اليوم من 30 دقيقة الى 45 دقيقة مشي
و دحين أبغى منكم التشجيع عشان ننزل للوزن الي نبغاه أبغاكم تشتركوا معايا حتى لو العدد قليل
أهم شي أننا نشجع بعضنا اذا انت مستعدين حددولي متى نبدأ
أنا وزني 75
و طولي 165
أبغى انزل كهدف أول 70
هدف تاني 65
هدف ثالث 60
يريت كل وحده تسوي زي تحدد الوزن و الطول و 3 أهداف
بشرط أننا ما نقيس وزننا الا بعد ما ننتهي أول أسبوعين
أنتظر ردودكم
رد مع اقتباس
المشاركة الأصلية كتبت بواسطة rasseess
