منو مثلي ما تحب تلعب مع عيالها تعالوا نشجع بعض

السلام عليكم ورحمة الله ..
اسمحي لي انتي غلطانه .. العبي مع عيالج محد بيشوفش ترى العب معاهم بيكون علاقة قوية بينك وبينهم..وبتكوني مخبئ اسرارهم لمن كبروا .. بتكتشفي ميولهم وذكاهم والابداع الطفولي في خلق حوار انتي ما تتوقعينه.. بالاضافة انك راح تحسي بطم الطفولة الي غاب عنا نحن لكبار وسط زحمة الحياة وهموم المعيشة..
الالعاب تعتمد بالدرجة الاولى على اعمارعيالش.. يعني الي عمره سنة ممكن تلعبي معه كره.. المكعبات.. الغميضة.. تغنوا مع بعض.. تسوي حركات رياضية.. والي اكبر يعني 3 سنوات عند لعب الطين.. بالدمى اذ كانت بنت.. لعبة البطاقات الحروف والارقام منو فيكم يقدر يركب كلمة او صورة.. او يعرف الارقام.. الرسم ( انتي ترسمي وهي ترسم وكل واحد يشوف منو احلى)، ممكن تلعبوا وتتعلموا بنفس الوقت ممكن تعليمها الطبخ يعني اشياء بسيطة مثل صنع شراب زعفران وهي تحرك السكر داخل الشراب بالملعقة.. ممكنمع الاولاد تلعبوا دكتور والمريض، المحاسب، لعبة الحيه، الجري في حوش البيت، لعبه انسان حيوان جماد عرفتها صح، ممكن لعبة صيد السمك ولكن بطريقية تعليمية تجيبي صور وحروف وتسجريهم بالوسط وبعدين بمسطرة فيها مغناطيس يحاولوا يصيدوا الصورة.. العاب كثيرة.. بس قبل العب لزم تهيئ نفسك وتكوني مرتاحة ومب معصبة ومالك مزاج.. تراهم بيملوا منك .. الله يحفظ عيالك ويحميهم

رايي من راي الاخت ملكة الصمت ا نتي غلطانه لازم تلعبي وياهم تراني ملوله بس قدر الامكان العب ويا ولدي لان هذا الشي واجب واجب شي من حقهم حاولي قدر الاستطاعه تخصصي وقت للعب وياهم بالتوفيق .

الظاهر اني مثلك

انا للحين ولدي صغير 8 شهور

بس انا ملوله كثير وماعندي طوله البال

أختي أسمحي لي آقولك غلطانة من حقهم عليج ان تلعبين معاهم.. أنا عندي ولد واحد له أربع سنين وعشانه بروحه يحب حد يلعب معاه فطبعا مافي حد غيري أنا وأبوه،، فيوم نلعب دكتور هو الدكتور وأنا المريضة،، يوم نلعب سوبر ماركت بآلة الكاشير واحد يشتري وواحد يحسب.. مرات نلعب Puzzles ، مرات نلعب لعبة الحية snake & ladder ومرات xo. تعرفين ومرة رحنا تويز ار اس وكنت أنتظر صديقتي وعيالها، فولدي كان بروحه ومو متشجع والله بعباتي دخلت بيت الكور وركبت فوق وأنا متسلقة ماتعرفين شلون ولدي أستانس وكان في قمة الوناسة، حتى صديقتي يوم وصلت تدورني وأشرت لها أنا فوق،، تقول مو مصدقة شلون ركبتي فوق... ولا صورتني وطرشت الصورة حق صديقتنا الثانية ومتنا يوم ثاني بالدوام من الضحك شلون حجمي الصغير خلاني أدخل مع ولدي...


أشتري الألعاب الجماعية... ولعبوا فيها كلكم.. مثل الحية وGuess Who والعاب كثيرة موجودة بالمحلات...
إذا عندك بنات لعبي معاهم كوافير.. صدقيني أني مابتتعبين لأنك بتقعدين في مكانك وهو الللي يسشتغلون عليك...

انضم مع الشلة

اي و الله حتى انا

لو ما امي و الحضانة ولدي ما يلعب خخخخخخخخخ

انا الصراحة العب مع عيالي بس موكل يوم واكثر الالعاب الي العبها معاهم الغميضه والا ادغدغهم واركض وراهم وابوسهم اليما يصيحون ....

اما عن الالعاب حمود ما يخلي حد يدق لعبتهولا يكسرهم.... ومريومه العب معاها بالعرايس احيانا

انا احيانا ...لاني صراحه ماعندي وقت شغل البيت كل علي وهبابه بس احصل لي وقت علشان انبطح لي شوي ....

ملكة الصمت >>>>الف شكر عطيتيني افكار لكن الي عندي بنااااااات بس اشلون لعبة البطاقات الحروف والارقام ؟وياليت اذا عندج العاب كتسليه مو دراسه تعطيني من افكارج علشان ما يمولووون؟

رانيا البحرينيه >>>يعطيج العافيه بس ياليت توضحين لي شنو لعبة الحيه وبعض اللي ذكرتيهم؟

اني احب العب معاهم حتى لما كبرو نجلس على النت سوا ويسرقو مواضيعي ونزلوها في منتدياتهم

هم صغار 12 سنه و 9 سنوات وبنتي تحب الون معاها

اما الصغيره العب معاها لكنها ماتمل اني اتمللمن التكرار وهي تقول عيدي

والحين دايم العبي معانا معاريس تضرب على شي وتقول غني--هههه قايلين لها مطربه

اردد معاها اناشيد الروضات وتصدق

بما اني ام جديده طفلي عمره 3 شهور ونص
بس اتوقع احلى لحظات بين الام وطفلها وقت العب

وانا من الحين العب وياه ادغده وناغي له على طول تشوفينه مرره مبسوط

بس مبادرة منك طيبه انك تبي تحاولي تلعبي معاهم

بصراحه أني بعد وايد مقصره نع عيالي فاللعب

ولكني نادرا ما ألعب معهم بالرغم توافر الألعاب عندهم

راح أزيد من لعبي وياهم وبشاركهم أكثر ان شاء الله


مشكوره أختي انج نبهتيني شوي عشان أقوي علاقتي وياهم عن طريق اللعب

انا اعيالي يتمنون العب معهم بس ماعندي وقت عندي بنتي الله يخليها عمرها 8سنوات

بعض مرات تقولي ماما العبي معي واكسر ابخاطرها ....

ومعندي معرفه كيف العب معهم ان شاء الله اشجع معاكم والعب معهم احاول اعود نفسي

وياااريت الاخوات يوضحوا لنا وشي لعبة الارقام والحيه

ابني احلى شي عنده اكس او .... الكل يعرفها اكيد

وفيه لعبة النقط نتقطين الصفحة وكل واحد منكم يحط خط نم نقطه للثانيه ولماتكونين مربع تحطين حرفك فيه واكثر واحد يكون مربعات هو الفائز

لعبة تكوين كلمة ... تحطين خطوط حسب حروف االكلمة والجهة الثانية من الصفحة حطي خط طويل واطلبي منه يجيب حرف اذا صح حطيه في مكان واذا غلط حطي خط صغير طالع من الخط الطويل واقل واحد عندةخطوط صغيرة هو الفائز

اتمنى افدتكم

انا مشكلتي بعد ان بناتي اعمارهم متقاربه ( 6_5_4) يعني لو العب مع وحده الثانيه تبكي خصوصا العب بقلم والورق ........علشان جذيه ازهق واهون واخليهم ........ او انهم ما يخلصوون لو خلصت يبون بعد <<<اظاهر فيهم نقص ويبون يعبونه <<يا قلبي يا عيالي حارمتهم .....

يالله كل وحده تكتب شنو سوت اليوم ؟...من لعب علشان نتشجع ........انتظركم وببتدى اليوم

يحليلكم كلكم تبون تلعبون مع عيالكم ، بس بعضكم مايشتهي. وبعضكم ماعنده وقت...

المهم لعبة الحية هي snake & ladder




او ممكن لعبة Guess Who للي عيالهم شوي كبار..

انا عندي بنوته عمرها 2 وثلاث شهور والعب معاها دايم بس احياناً تمللني من كثر العب

مشكورة أختي الفدعة على هالموضوع الحلو
والله فتحتينا على موضوع ما كنت أعطيه اهمية لهالدرجة بس طلع وايد مهم
أنا احاول اني اوفر لهم اللعب بس لما ينادوني للعب اقولهم ما اعرف العب او مالي خاطر وخاصة يوم يلعبون البلي ستيشن ....

رانيا >>>>مشكووره بس اشلون العب فيها <<تذكرتها

وين اللي يبوون يتشجعووون ؟؟؟؟

اليوم حاولت الاعبهم اكس او <<<تهاوشت بنتي الكبيره مع الصغيره وشققت اللعبه من ايديني ........لاعبتها لعبة النقط <<< وقالت لي باااااااايخه <<<<<<<<تحطيييييييييم