دماغى هتنفجر

السلام عليكم ورحمة الله وبركاته

بصراحة تردت كتير قبل ما اكتب عن مشكلتى ولكن بغيت من ورا كتابتى دعواتكم لعل تكون واحدة منكم مستجابة الدعوة وربنا يقبل منها ومنى ان شاء الله

مشكلتى هى انى انسانة معقدة شوية بس مش دايما يعنى تلاقينى مرحة جدا فى اوقات وفى اوقات اخرى تلاقينى معقداها على الاخر :rolleyes: ومن فترة كبيرة تقدم لخطبتى واحد مش هقول فى حقه غير حسبى الله ونعم الوكيل لانه بعد ما دخل البيت وشافنى وبعت لى ناس عشان يشوفونى موافقة عليه ولا لا ووافقت انا طبعا لانه كان اول واحد يدخل البت وكان اهتمامه واضح ولكن جاءت السيدة امه عشان تشوفنى وبعدها انقطعت اخباره تماما

انا بصراحة ما كنتش معلقة بيه ولا اى حاجة ولكنى انسانة حساسة جدا جدا فالحكاية دى سببت لى مشكلة نفسية كبيرة اكبر من حجمها الطبيعى ودة بسبب حساسيتى الزيادة وانا اعترف بهذا المهم مرت اشهر وانا ادعو الله تعالى ان يرزقنى بالزوج الصالح وفعلا تقدم لخطبتى اكتر من واحد فى هذه الفتر ولكن ابى لم يوافق لعدة اسباب وهى انهم مش مناسبين على حد قوله ورايته للموضوع وبعدها زادت ضيقتى مع العلم بان ولا واحد منهم دخل البيت بس كانو يشوفونى من الخارج ويعجبو بى ويتقدمو من الخارج ويترفضو ايضا من الخارج

الى ان جاءت الطامة الكبرى تقدم لخطبتى واحد فيه جميع المواصفات اللى كنت انا وابى وامى نتمناها ولكنه كان يتكلم من الخارج ويبعت ناس وما يدخل البيت وكان عايز يشوفنى خارج البيت عشان يعرف اذا كنت هاعجبه ويعجبنى ولا لا ولكنى رفضت رفضا تاما وهو دة اللى خلاه يتمسك بى ويقرر يدخل عندنا البيت وانا من ناحيتى ما ان سمعت انه هييجى الا وعفاريت الدنيا ركبتنى وحسيت بضيق شديد يا الله كأنه قتل لى قتيل او بينى وبينه خلاف من زمان مع انى ما شوفته قبل كدة ولااعرف عنه غير كل خير

ولكن وكما تضح لى بعد كدة انى كرهت مجيئه بسسب انه يرفضنى او يروح وما يرجعش زى اللى قبله وبدا الشيطان عليه لعنة الله يوسوس لى باشياء غريبة بانه مش هيقبلنى وامه مش هتحبنى خالص وانى الاحسن انى اقعد وما اتكلمش خالص وانى لو تكلمت معاه او مع امه فهذا معناه انى موافقةوهيقلل من قيمتى قدامهم والافضل انى لاابين مطلقا موافقتى حتى لااصدم مرة اخرى وفعلا دخلت عليهم من غير نفس وسلمت على امه وهو رميت عليه السلام وخلاص وقعدت طول القعدة وانا ساكتة وامه تقولى اتكلمى ماتتكسفيش وهى بصراحة كانت معجبة بى الا انى خيبت ظنها وبقيت ابتسم واسكت ونفسى من جوايا انى اتكلم اقول اى حاجة ولكن حاجة منعانى وفى الاخر الولد اخد بعضه وقام يمشى هو وامه لما لقينى مش راضية اكلم امه او حتى انظر له
انا عارفة انه قمة الغباء اللى انا عملته وانه ما يستحق منى اللى عملته معاه هو وامه ومع انه اول ما شافنى كان مبسوط بى ولكن غرورى وجهلى سيطرو عليا ومعرفتش اتعامل مع الموقف الا بالصورة اللى حكيتها ومن ساعتها وامى زعلانة منى ولكنها لما عارفة انى ممكن تحصلى حاجة من كتر الضغط على عاملة نفسها ان الموضوع قسمة ونصيب ولكن هى من جواها بتبكى على اللى راح وعلى حالى

وبعد عدة ايام حسيت بغلطتى وندمت ندمت ندمت اشد الندم على اللى عملته وعلى تفريطى فى انسان كان مشترينى هو وامه وحسيت انى بعت الغالى بالرخيص ايوة بعت اللى كان مشترينى بسبب الى باعنى زمان وانا الان كل ما افتكر اللى حصل احس ان دماغى هتنفجر من الغيظ من اللى عملته فى نفسى وفى اهلى حاسة بندم شديييييييييييييد

ومش قادرة ا قولكم قد ايه انا ندمانة عليه لانى ضيعت اللى كنت مستنياه العمر كله ومش عارفة اذا كان هيرجع تانى ولا لا وان مارجعش انا عاذراه بس نفسى موت انه يرجع

امانة عليكم اللى تحس انها مستجابة الدعوة تدعيلى بان ربنا يصلح حالى ويسخر لى قلب احب عباده اليه وانه يسامحنى على اللى عملته ولا يؤاخذنى با كسبت يداى

غفر الله لى ولكم
سبحانك اللهم وبحمدك اشهد ان لا اله الا انت استغفرك واتوب اليك