الحكة في الشهر السابع

حبيبتي ضروري تروحين الطوارئ .. لأن مش كل الحالات تكون عادية ..

لازم يشوفونج ويسوون لج فحص دم ويشيكون على البيبي ..

هو عاده تطلع حبوب حمرا صغيره وحكة .. بس لو وايد تخوف ..

وان شالله ماعليج شر .. توني افكر فيج .. شوفي ماشالله تبارك الله وصلتي السابع.. على كثر ما خوفتينا عليج هههههه

تقومين بالسلامة ان شالله وتقر عيونج بشوفة المولود اليديد

حبيبتي الف سلامه عليج
انصحك تروحين للدكتوره

انا جتني الحكه دي بالشهر التاني
بس كانت برجلي من اولها لاخرها

رحت للدكتوره وعطتني كريم عادي اسمه كيو فيQV

الصراحه راحت منى الحكه على طول
وللحين تجيني حكه بس في بطنى واستعمل نفس الكريم والحمد لله تروح على طول

لا تخافي انشالله شي بسيط
وطمنينا عليج

هذي حساسية الحمل انا جتني من نهاية الشهر الثالث ولا رحت لدكتوره لين جا موعدي وكانتت لاعبه في
جسمي مشوهتني بشكل فظيع عطتني الدكتوره علاج مثل الحليب حلو بس يجفف الجسم وعطتني جل

والحمدلله راحت بس بمجرد اني رجعت استخد م كريم البطن بالمرز اللي مايترك اثر لتشققات رجعتلي الحساسيه وانا الان رجعت للعلاج وتركت بالمرز شكله هو السبب 00 انصحك اللبسي قطني وسيع ولا تجلسين في الحر خليك في مكان بارد وخذي مفرش مريح ناعم واشربي سوائل واتركي اي كريم تستخدمينه
وقبل هذا كله لازم تروحين لدكتوره

خلاص بنات انا عندي ارتفاع في ضغط الدم وبنزلون البيبي عني

واتخبلت يوم عرفت الخبر بعد الفحوصات وانا قاعدة اصيح ادعولي

حملي مامنه فايدة خطر على صحتي

شفتوا قلت لكم حملي في شي غير طبيعي

ادعولي انا بغيب شهور عنكم

لا حول ولا قوة اللا بالله ..

زين بينزلونه وانتي في السابع .. يعني ان شالله خيير .. اذا صحته زينه وكل شي واللا شو قالوا لج بالضبط؟

خلي املج بالله كبير .. والله كنت فرحانة لج انج وصلتي السابع بسلام ..

بس ليش ينزلونه..يعني انا ادري يرقدون الوحدة عندهم و يراقبونها ويحاولون ينزلون ضغطها .. هم على طول قرارهم جي ؟

طمنينا عنج الغاليه