أفيدوني (دكتوره بالقصيم مجربه)؟؟؟؟؟

عليكم السلام و رحمة الله و بركاته

شوفي اختي بكذب عليك ان قلت مجربه دكتوره !!

بس سابقاً كانت عندي نفس مشكلتك احراج بمعنى الكلمه مع ان حب الشباب اللي عندي مو مره مره

المهم .. كلمت دكتوره بمستشفى السلام الخاص ( بعنيزه ) قالت لي نسوي لك تقشير بأحماض الفواكه يفيد بالحالات هذي و اجلس افكر بالموضوع ..

عاد أنا خوافه بشكل :D

مالك بالطويله ..

قالت لي وحده من قريباتي ان وحده تعرفها تعاني من نفس المشكله و جربت كريم Retin-A و صابونه طبيه .. من غير تفكير جربت الكريم صدق ان خشتي تقشرت و صار شكلي الله لا يوريك بس الحمد لله مع الأيام خفت الحبوب تدريجياً و رجعت البشره عاديه (y)

يمكن انا تهورت و استخدمته من غير استشارة طبيب بس الحمد لله جات العواقب سليمه :D

ان شاء الله تفتكين من حبوب الهم هذي <<<<<< حاسه بمعاناتك :(

يا جعلك بالجنه يا أصيله على الرد
يعني استخدم الرتن عادي ؟ انا استخدمت الدوكين تقريباً شهرين ولا كأني استخدمت شي :(:(:(:(
شكلي بجرب الرتن وعلى مسؤوليتك خخخخخخخخخ لا أمزح من زمان ودي اجربه بس خايفه والحين بجربه ان شاء الله
بس كم جلست خشتك :D تتقشر ? أكثر من أسبوع تقريبا؟

ياحبيلك ياأصيله والله يجزاك مليوون خير على الإفاده ويارب تكون بشرتك أحلى بشره وانا بعد :cool:

Rana_20;6253595:
يا جعلك بالجنه يا أصيله على الرد
يعني استخدم الرتن عادي ؟ انا استخدمت الدوكين تقريباً شهرين ولا كأني استخدمت شي :(:(:(:(
شكلي بجرب الرتن وعلى مسؤوليتك خخخخخخخخخ لا أمزح من زمان ودي اجربه بس خايفه والحين بجربه ان شاء الله
بس كم جلست خشتك :D تتقشر ? أكثر من أسبوع تقريبا؟

ياحبيلك ياأصيله والله يجزاك مليوون خير على الإفاده ويارب تكون بشرتك أحلى بشره وانا بعد :cool:

الدوكين كذا لحاله ما ينفع !!

شوفي يا خيتي يا رنا .. الرتن أي يبغاله حذر أول شي تحطينه على بشره نظيفه قبل النوم و اذا صحيتي الفجر اغسليه بمويه فاتره أو تميل للبروده نوعاً ما مو مشكله المهم انتبهي من المويه الدافيه :eek:

# ممنوع الجلوس بالشمس أو بالأماكن اللي إنارتها عاليه ( عشان كذا اقولك حطيه قبل النوم )

استخدمي لبشرتك صابونة Acne-Aid طبيه و مخصصه لحب الشباب و ان شاء الله ما منها ضرر ( موجوده في الصيدليه )

طبعاً التقشير يبين من ثاني أو ثالث يوم و الله يعينك على الاحراج :(

لكن كل شي يهون في سبيل صفاء الخشه :cool:

بالنسبه لي استخدمه ثلاث ايام و اوقف لحد ما يخف التقشر ( كم يوم ) و أرجع ثلاث ايام و هكذا الين تبين معاك النتيجه اللي تعجبك بإذن الله (y)

بغيت انسى شغله مهمه احرصي على الترطيب اليومي و الا تراك بتقولين مثل غيرك من البنات ( !! رتن أي يسبب التجاعيد !! ) و لا تنسين تقرأين التعليمات اللي تجي مع الكريم سطر سطر و كلمه كلمه و سمي قبل تحطينه على خشتك و ان شاء الله ترجعين تبشريننا ببشره تلق لق :D

ياحبيلك ياأصوله :15:
إن شاء الله بتبع نفس طريقتك تحمست لها
بس تقولين إذا قمت من النوم أغسل وجهي بمويه بس ؟ أو عادي استخدم صابونه
وبالنسبه للمرطب وش استخدمتي ؟ أنا وجهي دهني عشان كذا مااحط شي على وجهي لأنه يزيد الحبوب
وش رايك بزيت اللوز ؟

معليش حبيبتي أصيله والله طولت عليك بس والله مالي إلا انتم اللي بالمنتدى يعني تحمليني الله يجزاك خير ياارب

Rana_20;6257542:
ياحبيلك ياأصوله :15:
إن شاء الله بتبع نفس طريقتك تحمست لها
بس تقولين إذا قمت من النوم أغسل وجهي بمويه بس ؟ أو عادي استخدم صابونه
وبالنسبه للمرطب وش استخدمتي ؟ أنا وجهي دهني عشان كذا مااحط شي على وجهي لأنه يزيد الحبوب
وش رايك بزيت اللوز ؟

معليش حبيبتي أصيله والله طولت عليك بس والله مالي إلا انتم اللي بالمنتدى يعني تحمليني الله يجزاك خير ياارب

شدعوى يا خيتي اذا ما نفعنا بعض ما فينا خير !!

طبعاً عادي تغسلينه بالصابونه بس عن نفسي أحياناً - الصباح - اغسله بالمويه بس :(

خصوصاً إذا البشره بدت تتقشر تصير حمرا و حساسه بزود :ss:

أما بالليل - قبل تحطين الكريم - ضروري تغسلين وجهك بالمويه و الصابون و تجففينه عدل مدل ..

و الكريم لا تكثرينه على بشرتك و لا يقرب منطقة العيون و الأنف (i)

الترطيب بصراحه بصراحه يا استخدم زيت زيتون ( حبيبي زيت الزيتون بالنسبه لي هو أساس الجمال :wink: ) أو زيت لوز أو فازلين و أكرر لا تطلعين بالشمس خلال فترة العلاج :eek:

للأمانه بقولك شغله عشان ما تخافين أو تستغربين ،، انا أول اسبوع استخدمته زادت الحبوب و صارت خشتي خريطه حتى اخوي كان بالرياض و يوم جا و سلمت عليه قال وش صاير بوجهك انتي ؟! <<<<<< أنواع الإحراج :confused:

قلت شكلي بكحلها عميتها :o

لكن بديت لازم اكمل و الحمد لله بالنهايه ارتحت من المشكله (y)

برسل لك على الخاص رابط موضوع استفسارات عن نفس الكريم اخاف احطه بالعام و ينحذف لأنه منتدى غير !!

مشكووووره أصيله :15::15:
والله أفدتنيني كثييييييييير الله يجزاك خير ويوفقك:15::15:

ماجربتي منقوع المره

الكل يمدحه

انا اختي في بريده راجعت بالمستشفى وعالجت

وسوت تقشير والحمد لله صارت بشرتها جنان

هلا أختي شفوق (f)
جربت المره بس أسبوع وماحسيت فيه شي متغير ومليت وتركتها
والحين ان شاء الله بجرب الريتن يارب يفيد
بس أي مستشفى اختك تعالجت عنده ؟
الله يعطيك العافيه تسلميين على الرد (f)

Rana_20;6272560:
مشكووووره أصيله :15::15:
والله أفدتنيني كثييييييييير الله يجزاك خير ويوفقك:15::15:

العفو اختي .. ما سويت إلا الواجب (f) :o