إن للـــه وإن الـــيه لــراجـــعــون...دعواتكم لي

السلام عليكم ورحمة الله وبركاته

غبت عنكم فتره وكان عندي امل ارجع وابشركم وافرحكم معاي
لكن قدر الله وماشاء فعل...
جيت وجاره معاي احزاني واطلب منكم تواسوني في محنتي...

تاخرت علي الدوره اسبوع وماكنت متوقعه ابدا اني حامل..
حللت بالبيت وطلعت النتيجه ايجابيه مااوصف لكم فرحتي..

رحت للدكتوره قالت حامل بالاسبوع السادس وعطتني مثبتات لاني مسقطه من قبل

رجعت البيت في نفس اليوم وخذت المثبتات..وبليل بدت الافرازات البنيه

قعدت اصييييييييح اول ماشفتها زوجي قال اصبري وارتاحي وان شاء الله خير...

رحت للدكتوره قالت ارتاحي بس واستمري على المثبتات..وتعالي بعد اسبوعين..
تميت في السرير مرتاحه ماتحرك الا للصلاه والحمام وكل شوي اشيك الافرازات
عشت فتره من الخوف و القلق وكانه صراع بيني وبين هالافرازات الي
تهدد حملي مثل اول حمل لي...
تعبت وايد كل مااشوف الافرازات اصيح ولما مااشوفها افرح وارتاح...واظبت عليها وخفت
الافرازات وايد وكنت فرحاااانه...قلت الحمدالله شكله الحمل بيثبت...افرح وااخاف اني افرح
فاقعد استفر الله واقول ان شاء الله يثبت حملي واخبر الكل...لاني ماخبرت احد...

امس كان موعدي مع الدكتوره

دخلت عليها وانا فرحانه لان الافرازات تقريبا اختفت..
قالت خير خلني اكشف عليكي بالسونار...

وكانت المفاجاه...شافت كيس الحمل وحجمه تماااام ثمان اسابيع

بس الجنين ماله اثر....تقول مافي جنين
هنا قلبي وقف ماعرفت ارد...
قالت بكشف عليج من داخل نشوف...كشفت من داخل دققت اكثر
قالت في جنين بس صغير مره...عمره يبين ثلاث او اربع اسااابيع بس....

يعني توقف نموه...

انا للحين في صدمتي..وقالت لي خلاص وقفي مثبتات وخله ينزل

ولو مانزل تعالي بعد اسبوع نسوي لك تنظيف...

طلعت من عندها مصدومه مو قادره حتى اعبر عن حزني حتى البكى مابكيت
الى هاللحظه احس بشعور غريب من الخوف والحسره...

ان لله وان اليه لراجعون...