اشيل شعر وجهي والا لا

انا ماأنصحل تشيلينه لاني مره شلت شعر وجهي بالخيط وطلع حبوب واجد:confused: وكثر الشعر

اول شى الف مبروك على الزواج مقدما
بس بالنسبه لشعر وجهك اذا كان وايد شيليه قبل العرس باسبوع على الاقل علشان البشره ترتاح وبعد ما تشيلينه مباشره حطى عليه الثلج علشان ما يلتهب لان اول مره تشيلينه بعدها عليك بالمسكات الطبيعيه للتهدئه اما اذا كان الشعر خفيف ممكن تشقرينه بالمشقر انا اقصد الشعر اللى حنب الاذن مثل اللحيه هذا يكون بالمشقر انا زوجه اخوى سوت جذيه
حبيت افيدك :D

الغاليه انا شليت شعر ويهي كامل مره وحده بس وما تغير فيه شي نفس قبل والحين اشيل الشارب واليبهه واشقر ويهي بس ..اللي تشتغل بالصالون نصحتني اني ما اشيله قالت لي انه راح يزيد ويغلظ ..

[ALIGN=JUSTIFY]هلا فيك اختي صباح

مبروك الزواج مقدما

انا قبل فترة كان زواج صديقتي وهي من النوع اللي مرة مرة مرة مليانة شعر عكسي انا الحمد لله مافيني شي ومن غبائي رحت شلت وجهي تخيلي وانا مافيني الا وبر خفيف مرة مرة مرة وهي اللي مشعرة وعروس ماشالت وجهها وبعدين رحت البيت وتحممت صار وجهي كله حبوب صغيرة مرة وصرت كاني محروقة تأسفت كثير طبعا الشعر زاد شوي بس الحمدلله انه لسه خفيف وفي زواجي انشاءالله بعد ثلاثة شهور مستحيل افكر اني اشيله بس اذا كان فيك شعر كثير انصحك تشيلنه في مكان متخصص في هالشغلات وشيليه قبل الحفلة بوقت كافي عشان لو طلع لك حبوب تروح وغسليه بموية ورد باردة ولا تقربين من الموية الدافية لمدة اسبوع تقريبا من وجهك لانه لو كان عندك شعر كثير ومع كريم الاساس بيصير شكله قبيح بس لو كان الشعر خفيف خليه مكانه ابرك لك ولا تفتحين على نفسك باب بعدين تضطرين انك تشيلينه من وقت للثاني

تحياتي

وبالبركة اختي

انا انصحج اذا شعرج خفيف وما بيبن لا تشيلينه بس شقريه ...


واذا كان يبين فسويله ليزر بياخذ مدة 3 الى 4 شهور لين ما يرجع يطلع....


ومبررررررروك عزيزتي

الله يبارك فيكم ومشكورين على الردود :eek:

انا مشكلتي نفس الاخت صباح !! بس هم ما فهمت اشيله و لالأ !! هو خفسف .. بس يبين ... بس معقوله عروس و ما اشيله ؟؟؟؟ مو صعبه شوية ؟؟؟

عزيزتي اذا خفيف شقريه احسن من انج تندمين عقب تطلع لج حبوب


كبار ويصير الشعر غليظ ...

انا ما انصحك با التشقير لانى كنت اشقر شعر وجهى وزاد مع التشقير

أنا عن نفسي انصحج انج اتشقرين بدل ما اتشيلين