المغتربات السودانيات

فرح المواسم ازيك ..... انا ساكنة في ابوظبي وعندي بنية ...... طبعا مشاء الله اطفالك حلوين ربنا يحفظهم ليك يا رب....
وتسلمي على الماسكات دي ....طبعا عايزة اقول ليكم حاجة انا لاحظتها بالنسبة للمغتربات بالنسبة للعناية بالوجه والجسم عموما ماعارفة لو انت لاحظتيها ...طبعا الكريمات عندنا في الغربة متوفرة من جميع الانواع لكن بعد ده في اهمال في العناية لاحظتو للنسوان والبنات في السودان مهتمين كيف ..... ماشاء الله قبل اسبوع جانا شريط عرس ود خالتي من السودان طبعا زي ما بقولوا الواحدة تحرد نفسها تياب بقت ما بجبوها من طرف السوق وخلاص لا بقت تفصيل المكياج على اخر صيحات ومع الموضة .... رقم الطقس الحار في السودان اللي ما مساعد لكن برضو بعرفو ليهم كريمات كده براااااهم ....غايتو اللي عندها فكرة تورينا الناس دي بعملوا شنو ....؟ والله ما بقت في واحدة شينة ...
ولا انته رايكم شنو؟

فرح المواسم مرحب بيك ألف مرحب وحبابك ألف يا أمي..
سكر بني كيف تمام..طبعاً أنا قاعدة بذاكر لكن لما قريت كلامكم قلت إلا أرد..
طبعاً يا سكر أنسي بس..بنات السودان ونسوان السودان حاجة كدة..أنا سافرت قبل ٣ اسابيع عرس أختي ..
والعروس لما شافتني لما إتصدمت والعرس كان بعد يومين..قامت ودتني لي خبيرة تجميل..
المرة زعلت بالجد..قالت لي معقولة انتي في ألمانيا بلد الكريمات على قولا..
المهم في ظرف يومين أنقذت ما يمكن إنقاذه في وشي..والحمدلله طلعت نايرة في الصور ..ربك ستر بس.هههه
أما بنات أهلي وأختي العروس اللي في السودان أنسي ..مشاالله تبارك الله..
حاجة كدة..
بعد ده الناس دي ما بتفهم إنو النفسيات عامل أساسي في البشرة ..والأهتمام داير تشجيع..
غايتو المتزوجات فيكم لازم تشدو حيلكم ..لأنو المنافسة بتاعت التياب مبالغة ..
كدي ننتهي من الامتحانات دي ونديكم شمار الكريمات ..
دعواتكم بس.

اهلا بيكم يا حلوات بصراحة انا لما بشوف واحدة فى التيلفزيون بحرد نفسى وبزعل على عدم الاهتمام منى بالرغم من انى بجتهد بس برضو ما ظاهر من تغير الجو وعلى فكرة انا بشاهد برنامج مراسى الشوق كل جمعة بس عشان اشوف غادة لابسة كيف والحناء بتاعتها حتى زوجى قال لى انتى غير غادة لابسة شنو ما عندك حاجة تانى يا بتى ديل عندهم وقت وعندهم فى البيت اللى بمسك ليهم العيال احنا فى الغربة لما تكون نفسك فى حاجة ولحدى ما العيال يهدو ويناموا تكونى انتى وصلتى السرير بعد سلت روح من التعب عايزين نهتم كيف غايتو بس الله يكون فى عون الجميع

ونستكم لذيذه بجيكم راجعه بمهله انا في هولندا ونفسياتي زيكم واحد

اههههههههههه قعدت ليكم كويس
اها انا اول شي ارحب بالناس الجديدهبرهانيه سكر بني وفرح المواسم وام رياض انا متزوجه لي تلاته سنين ونص وعايشه في امستردام وعندي بنوته عمرها سنتين ونص وبقرى هنا بعد ماقطعت جامعتي في السودان وكنت بقرى هندسه الكترونات المهم عرست وجيت والحمد لله
والله يابنات السودان الناس بقت تجيب النفسياااااااااااااااات نظييييييييييييييفه انا لمن مشي الناس كلها بتسال انا وين وانا بكون قاعده مابعرفوني

السلام عليكم أخواتى السودانيات
مشتاقييــــــــــــــــــــــــــــــــــــــــــــن والله
شوقتونى لقعدات الونسة الذيذة فى السودان فى الحيشان وبالذات لما تقطع الكهرباء بالليل ويكون الجو لذيذ كل واحد يجر له كرسي ويبدأ (((الحــــــــــت))).
أتمنى التواصل مع الكل...سودانية مقيمة فى السعودية فى الرياض وعندى بنت وولد ربنا يخليهم ويحفظهم..بالرغم من أنى بنزل السودان كل سنة بس برضو بشتاق لهو لحظة ما أركب الطائرة فى مطار الخرطوم...ربنا يجمعنا في ساعة خير ويجعلها جمعة طيبة ومليانة وناسة




فى إنتظــــــــــــــــــــــــاركم......:15::15::15::15::15:

مرحب بالاخوات مشتاقة والاختhado فى تجمعنا واتمنى منكن الاستمرار مشتاقة انتى من وين فى السودان وانتى يا hado برضو من وين عايزين نتعرف بيكم بس خليكم بنات نشيطات واتمنى لكن التوفيق والسترة فى الغربة والرجوع الى الوطن فى احسن حال :Zd_bye_3::1_3:

السلام عليكم
شكرا"umriyadh على ترحيبك بنا.....ونتمنى نتواصل أكتر وأكتر
أنا من أم در ...الناس الحنــــــــــان.....وأنتى من وين؟

سلام جاكم يا اخياتي
وانا اقول ريحة النيل جاتني من وين
وعصير القنقليز وشايفه كمان عندكم ملاح روب وعصيده يا سلام
انا جايبا ليكم معاي فسيخ وبسكويت وكعك لي شاي المغرب

اولا مرحب بيك يا اخت توحيد فى تجمعنا وتانى شكرا على الصينية المليانة الحلوة وعلى فكرة من مجانين الفسيخ بس يا خسارة هنا فى لندن ما عندنا يعنى امكن فى السنة مرة وعلى فكرة انا امس سالت زوجى منه قلت ليه نفسى فى فسيخ بس مش عارفة من وين اجيبو

اهلا بيك ياتوحيد ومنوره بس ماتكوني زي النعسانات ديل اها اخباركمشنو والله انا الايام دي بجهز للسفر ماشه السودان في ابريل عرس اخو راجلي اها وروني الحاصل شنو ؟؟؟؟التياب والكريمات والحاصل شنو وناس بريطانيا واللح احنا عندنا النيه نجي عنكم الوضع كيف والعيشه والسكن وكل حاجه منتظرااااكم

في احد منكم
في امريكاا
ولايه تكساس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سلام يا بنات بلدي انشا الله كلكن عافية..معليش والله أنا طولت يا داب انتهيت من الإمتحانات وتاني خاشة في إمتحانات تانية ..الله بس يسهل لينا ..أصلاً قراية برا دي كدة كلها جري في جري..
دايرة أول شي أرحب بي كل الموجودات وكمان الجونا جداد من غير فرز ..انشا الله كلكم أموركم تمام وماشة بسبوسة وطحنية..
طبعاً بما اننا كلنا سودانيات دايرة نتكلم شوية عن حاجاتنا المشتركة وخصوصاً في الغربة..مثلاً أنا صحي طالبة وجيت بدري شديد..لكن بشوف عوائل سودانية ووالله مرات بحن على نفسي بقول على الأقل دي معاها زول مثلاً..لكن في الحقيقة والله لازم أحن عليهم هم..النسوان برا ذي الرجال واحد..والوحدة لزم تعمل كدة ..لأن الراجل شقيان شديد وجاري شديد وده كلو عشان التوفير ..وطبعاً أغلب المغتربين ما بس على رقبتم..كمان لازم يساعدو أهلهم في السودان ودي حاجة حميدة لكن..بس أنا رأيي إنو بالجد الضغط بكون على الواحدة فيهم شديد جداً..مثلاً يعني أنا شفت كذا مرة كم وحدة بيتولد براها عشان مافي طريقة تجيب أمها والراجل مسكين ببقة بدل الأم..أو الراجل بشتغل بالليل ويجي الصباح ..بالتالي هي لازم تودي الشفع المدارس وتجيب مستلزمات البيت و و و -..ربنا يكون في العون..عشان كدة مافي زمن للجيهة أو إنو الوحدة تهتم بنفسها شديد ..يعني لا الجو بتاع البلد مساعد ولا حتى النفسيات ..أنا بس بنصح بالصبر أول حاجة وتاني حاجة الزول مهما كان لازم يستفيد من الغربة وما يتحسر بس..يعني لازم يخلق ليهو برنامج مع إنو صعب شديد ..
طولت عليكم ..بس دايرة أعرف بتوافقوني الرأي ولا كيف؟
مستنية ردودكم ..وأفوتكم بعافية

slamat, i study in johannesburg south africa.. not married, no children
i'd love to join you

اهلا وسهلا بي بنات بلدي...انا عاملا زي الطير المهاجر..بس كل يوم ف بلد لكن اللحظة دى انا ف ارض الوطن الحبيب لو احتجتو اى حاجة من عيونى.....انا كنت ف ماليزيا..وكمان مسافرة مصر بعد شهرين..عندى ولد واحد عمرو سنة ونص

زوجة رجل مهم*;9352386:
اهلا وسهلا بي بنات بلدي...انا عاملا زي الطير المهاجر..بس كل يوم ف بلد لكن اللحظة دى انا ف ارض الوطن الحبيب لو احتجتو اى حاجة من عيونى.....انا كنت ف ماليزيا..وكمان مسافرة مصر بعد شهرين..عندى ولد واحد عمرو سنة ونص

مرحب بيك يا حلوة انا كمان سودانية ومتزوجة وعندى بنت وولد ومقيمة فى لندن من خمسة سنوات ونص وان شاء الله ربنا هون مسافرة السودان فى نص شهر 6 والله البلد وحشنى شديد ولمة الناس فى الحوش المساء بس ربنا يسهل علينا غربتنا ويردنا للاهل سالمين تاميين ان شاء الله :15:

ازيييكم بنات السودان ..عاوزة اتعرف عليكم ..انا مقيمه فى السعوديه وعندى بنتين ...

اهلا بيكى بين اهللك وناسك ويسعدنى اكون صديقة ليك

شكرا يا زوجه رجل مهم وانا كمان يسعدنى اتعرف عليك...