المغتربات السودانيات

مرحب عسلية بغدادية ربنا يصبرنا جميعا علي الغربة وترجع العراق لي اهلها
بلدنا بخير والحمدلله وانشاءالله السلام يعم كل الوطن العربي

كيفكم يابنات بلدي انا عايشه في امستردام متزوجه وعندي احلى بنوته وبدرس لكن الغربه صعبه شديد اناعمري 24 سنه ومتزوجه لي 3 سنين

اهلا يا هادو .وانشاء الله نتواصل دائما,ليك كم سنه مغتربه,وكيف مع تربية الاطفال في البلد دي,وذي ما قلتي الغربه صعبه وربنا يصبرنا.

اهلا اخواتى السودانيات
عايزين نتواصل اكتر من كدة
لازم نترابط مع بعض...ونحل مشاكلنا سوا
اختنا هادو بيقولو امستردام حلوة شديد
اخواتى اللى فى امريكا بسمع ان الحياة فيها ما سهلة الله يكون فى عونكم ويعينكم يارب فى غربتكم
اخواتى المغتربات انتو بتشتغلو ؟ ام بتدرسو؟
ياريت كل واحدة تدخل تحكى تجربتها مع الغربة
انا فى اسكندرية معاى امى ماحاسة بغربة شديدة
وبشتغل فى مجال عالمى ممكن اى واحدة فيكم لو محتاجة شغل تراسلنى وانا اقول ليها تفاصيل الشغل
معليش طولت عليكم
سلام

يا جماعه انتوا وين مختفيين كده,كيفك يا ريريسار انشاالله تمام,انا اتخرجت صيدله واشتغلت في السودان لكن اتزوجت وجئت امريكا البلد البعيده دي لي سته شهور فيها تقريبا,وناويه اشتغل انشاالله ,طبعا هنا الحياه سهله جدا لكن الغربه فيها صعبه لاختلاف الدين والعادات ,الشعب الامريكي شعب طيب في معاملته والحمدلله حتي الان لم اجد منهم غير المعامله الجيده.

مرحب ريريسار انا عايشة في ماليزيا وعندي ولدين وبادرس طبعا الدراسة زايد الغربة
حالة صعبة انت في اسكندرية اكيد ماحاسة بالغربة لانه امك معاك وبعدين مصر قريبة
من السودان .وسلاااااااااااااااااااااااااااااااااام لاحى مدن البحر الابيض انا عاشقة اسكندرية
موووووووووووووووووت وبصراحة حاسداااااااااااااااااااااااااااااااااااااااااااك

اهلا يادودى
كيف حالك ؟ عساكى بخير
الله يعينك على غربة امريكا
انتى فى اى ولاية؟
اتمنى نتواصل دايما

هلا اختى ام السفير(f)
انا شااااااااااااااااااكرة لردك ومرورك
وانا حاسداكى على ماليزيا لانى بصراحة اتمنى ازورها:wink:

قريب كان عندنا مؤتمر فى ماليزيا بس للاسف ظروف منتعتنى من الحضور
لكن باذن الله ازروها واشوفك
اى خدمات من اسكندرية انا حاضرة

ازيكم يا اخواتي كيفك ام السفبر واللع يعينك علي القرايه ,انا كمان بديت اقرا والله يسهل.كيفك ريريسار انا في ولاية شيكاغو,هسه تكوني اندهشتي اني في شيكاغو الناس كلها بتخاف من الولايه دي,لكن الحمدلله انا ما شفت منها حاجه وربنا يستر,كيف مصر انا بحبها شديد ودائما كنت بجيها في الاجازات. وبختك امك معاك,ما تتخيلي اني مشتاقه لامي كيف.

هلا بالغالية دودى
مشتاقين كتير والله
ايوة انا اسمع ان شيكاغو ولاية صعبة شوية
بس طالما معاكى زوجك مافى مشكلة
اكيد بتكونى بامان
وباذن الله تشوفى امك قريب وتبلى شوقك

ويييييييييييييييييينكم يابنات السودان؟
لازم نتواصل ونتكلم ونحكى
برجاااااااااااااااااااء عدم التقصير
حقيقى القسم دة بيخفف كتيييييييير فى غربتنا

كيفكم يابنات بلدي انا مولوده في السعوديه وقريت هناك وبس السودان بديت الجامعه هندسه الكترونات وبعد سنه اتزوجت وجيت هولندا بعدكم شهر حملت وبقيت في دوامه حمل وولاده والبيبي صغير المهم رجعت السودان حاولت اواصل لكن تعبت وبتي عيت جيت راجعه واسي جاني قبول من الجامعه هنا بس طبعا الدراسه بالهولندي وحانزل بعد اسبوع وحالتي صعبه

ام السفير وريني كيف قاره تنظمي يومك بين البيت والقرايه والاولاد في البلاد المافيها زول يساعدك

اهلا بيكى ياهادو
الله يعينك يارب وتقدرى توفقى بين الدراسة والبيت
بس قالو امستردام روعة
يابختك
تقبلى تحياتى

ازيكم يابنات
انا سودانية ومقيمه في هولندا
متزوجه وعندي 3 اطفال ربنا يخليهم لي يارب
يلا اها وروني شماراتكم سريييييييييييييييييع ؟؟
انا منتظراكم

اهلا دلوعة السودان ,كيفك نورتي الملتقي , والله الناس ديل كسلانين ما بدخلوا كتير,انتي في هولندا ليك كم سنه وشغاله ولا ربة منزل.

هلا بأخواتي اهل السودان

بس 6 سودانيات في المنتدى؟؟؟

انا عديت عددكم وطلعتو بس 6،، عسى ربي يسعدكم ويعينكم على الغربه،، والله الغربه صعبه،، والله لا يردكم لديرتكم سالمين وغانمين والله يرجع الماي لمجاريها


انا من قطر وحبيت اسلم عليكم وادعي لكم

موفقين حبيباتي

ياهلا بيكي سفيرة فوق العادة
نورتي ملتقانا المتواضع

هلا بيكي دودي
انا في هولندا لي 6 سنين

يلا عرفيني عنك يادودي