السلام عليكم ورحمه الله وبركاته..
بنات شلونكم عساكم بخير ان شاء الله طيبين .. طبعا محدمترتاح .. اول وحده بتقرى السطر الاول بتطلع منها تنهيده طويله عريضه ,, وتفكر في الي شاغل بالها .. عاد الي يطلع . معرس ريل خاين بخيل .. دراسه .. امها ابوها اخوانها صديقتها الي تهاوشت معاها .. فستان تبي تشتريه .. مانخلص...
وعقب ما تخلصون التفكير .. قولو الحمدالله على كل حال ... لان غيركم عايش اصعب ترى ...
عموما انا اطلب منكم تتحملوني شوي .. يمكن اطول عليكم . مادري ابس في كم شغلي في بالي ابي اسولف لكم عنها .. أحسن من اسميها نصايح صح ..
شغلات لاحظتها ... ما قول مب عاجبتني لان الناس احرار .. في تصرفاتهم .. بس اتمنى ان يغيرون هلاطباع..
أول شغله ابي اتكلم عنها ..هي موضوع ( أنا )
مشكله بعض الاخوات لمن يكتبون موضوع أو مشكله .. وهالشي لاحظته في الكثير من المواضيع من قضايا ... وحلول خصوصا.. وبعض المواضيع الثاني .. لمن تبدى بكتابه مشكلتها . تبتدي .. في اول سطرين .. وبعدين تقول أنا فتاه او زوجه .. جميله رشيقه واسوي كذا وجسمي كذا والكل يقول اني كذا ,, وانا طيبه ,, وانا غشيمه ,, وانا على نياتي .. وأنا.. احب الناس .. وانا مو مغروره . ,وأنا وأنا... طيب وبعدين بنخلص...
لمن تكتب الوحده جذي .. نقعد نفكر .. لو فعلا هي جذي طيب ليش كاتبه المشكله دام هي اصلا تقدر تحلل نفسها وعارفه كل شي .. يعني لو كان احد سألها مب مشكله .. ممكن الواحد يكتب عن نفسه .. بس لمن يكتب الواحد انا وانا وانا .. يعني مادري ... ما احسها حلوه ,, وفيها نوع من التكبر .. واستخدام الكلمه ذي كلش مب حلو ... وياليت يلغونها من قاموسهم ... يعني لمن تكتب وحده .. انا زوجي يخوني ... مع اني جميله ,, ورشيقه ,, واطبخ وافعل واغسل ومادري ايش ..
طيب ياحلوه يمكن زوجك لمن طالع برع ... ما يبي جميله ورشيقه وتطبخ .. يمكن يبي وحده تسمع له بس .. وتسكت .. ما تبربر عليه .. انا ماقول .. ان الزوج مظلوم انا قاعده اوصف احد الاسباب...
الشغله الثانيه ..
الي هم تضايق . بنات لا تسترسلون في وصف حياتكم الشخصيه .. يعني .. مثلا تجي الوحده تقول انا والله بخير ,, وعندي فلوس ومب قاصرني شي , وعندي مادري شنو بس ودراستي كذا ,, واهلي من العوايل الكبيره .. بس ماجاني معرس ... اختي انتي بالطريقه هذي قاعده ترسمين صوره كريهه لنفسج من غير ما تحسين .. ويقولون الناس ايش هالبنت المغروره .. مع ان انتي يمكن ماهو قصدج تبينين غرورج ,,, بس اخطأتي بالكتابه ... بدل ما تكتبين عن مشكلتج قاعده تكتبين ستايل حياتج شنو ... وبالطريقه هذي تخلين الحساد يحسدونج اكثر وما تتوفقين وبدل ما تحلين مشكلتج .. تزيدين الطين بله ...
الشغله الثالثه والي تزعج صج ..
اكره شي يابنات .. ان تكتبون خصوصيات وحميمات زوجيه بالانترنت ..وجنسيه .. هالشي عيب ياناس في اسلوب ثقافي حضاري .. راقي لكتابه هلاشياء .. وفي اقسام مختصه للاشياء هذي يعني اكره شي لمن وحده محترمه تكتب في الانترنت .. يمكن كم واحد ,, اشدد على كلمه و احد ,, ووحده يقرون كلامها .. حتى لو ما يعرفونها بس تكوين الفكره .. عنا كبنات خليجيات اولا وعرب ثانيا .. يشوهه الصوره ..
الشغله الرابعه ..
لمن وحده تكتب شي .. وتبي تسترسل .. وهالحجي للمتزوجات .. تلقينها تكتب .. انا عندي مشكله .. ,طبعا تعرف عن نفسها وتلقينها تسترسل في حياتها الشخصيه .. وبعدين تكتب أنا زوجي مدلعني ومهنيني .. وماعطيني ومسوي لي ,, ويسفرني ويشتري لي . ونفس الشي المخطوبات ... خطيبي عطاني شرالي .. وسوالي ... ياناس... الحسد الحسد الحسد... كم من فتاه تطلقت من مجرد كتابه حياتها الشخصيه في الانترنت والمنتديات .. وصار الحسد.... هي قصدها شي ... والي صار شي ثاني لها ... يعني بدل ما تفيد نفسها تضر نفسها اكثر.. وبدل ما تحل مشكله تصير عندها ثنتين..
الشغله الخامسه...
بنات .. التوكل على الله التوكل على االله .. والله اني اشعر بالاسى لمن اشوف وحده تسترجي زوج بالانترنت .. وتطلب الدعاء والتوسل .. لها عشان يمشي حالها .. ناسيه ان هالشي قسمه ونصيب ... معلش ندري انج تكبرين و العمر يفوتج والناس الي اصغر منج عرسو وانتي لا... بس وين الايمان والتوكل .. وين الصبر .. وين لمن تشغلين وقتج بشي ثاني . افضل وابرك من التفكير بالزواج والتصفح بالانترنت على فساتين الزواج ,,, والتصاميم ... وتسمعين اغنيه فطومه ..هب السعد . وتعيشين الحلم وتطيرين .. وتتقصين فلانه عرست فلانه انخطبت و,, وتعيشين بنفسج بجحيم ماله اول ولا تالي ...
عموما انا كتبت هالشي شي داخلي يقرقع .. أنا مب مصلحه اجتماعيه ولا انا مفتيه ولا انا يايه اتفلسف عليكم ... اقولكم شي كان خاطري اقوله واعلق عليه.. لان اشوف بزياده من خلال فترتي الطويله بالمنتدى ...
شاكره لكم وقتكم الكريم على قراءه الموضوع ...
ام جنى
نصيحه لكل فتاه ومتزوجه من ام جنى
u
04-06-2008 | 12:42 PM
u
04-06-2008 | 02:08 PM
تمنيت لو احد علق على الموضوع من الي قروه ..بس دام قريتوه يعني وصلت المعلومه
M
04-06-2008 | 03:27 PM
صح معاكي حق والله وموضوعك كتييييييير مهم ومفيد وياريت توصل الرسالة ونحاولو نعملو بيها يسلم ايدينك على الكلام الموزون مشكورة
ا
04-06-2008 | 03:40 PM
والله كلامك صحيح ميه بالميه بس هذا الزمن الناس تغيرت وايد حتى حياتنا كلمن يقول ياروحي وبس مدري شصار بالدنيا وبصراحه كلامك كله صح بس مين يسمع الله يهدي الجميع ان شاء الله ومشكوره
أ
04-06-2008 | 04:59 PM
تسلم ايدك يا ام جنى والله عندك حق
وخصووووووووووووصا
الشغله الثالثه والي تزعج صج ..
اكره شي يابنات .. ان تكتبون خصوصيات وحميمات زوجيه بالانترنت ..وجنسيه .. هالشي عيب ياناس في اسلوب ثقافي حضاري .. راقي لكتابه هلاشياء .. وفي اقسام مختصه للاشياء هذي يعني اكره شي لمن وحده محترمه تكتب في الانترنت .. يمكن كم واحد ,, اشدد على كلمه و احد ,, ووحده يقرون كلامها .. حتى لو ما يعرفونها بس تكوين الفكره .. عنا كبنات خليجيات اولا وعرب ثانيا .. يشوهه الصوره ..
وخصووووووووووووصا
الشغله الثالثه والي تزعج صج ..
اكره شي يابنات .. ان تكتبون خصوصيات وحميمات زوجيه بالانترنت ..وجنسيه .. هالشي عيب ياناس في اسلوب ثقافي حضاري .. راقي لكتابه هلاشياء .. وفي اقسام مختصه للاشياء هذي يعني اكره شي لمن وحده محترمه تكتب في الانترنت .. يمكن كم واحد ,, اشدد على كلمه و احد ,, ووحده يقرون كلامها .. حتى لو ما يعرفونها بس تكوين الفكره .. عنا كبنات خليجيات اولا وعرب ثانيا .. يشوهه الصوره ..
&
04-06-2008 | 05:10 PM
مشكوووره حبيبتي ام جني على الموضوع الحلو
ورسالتك وصلت اتمنى من الكل فهمها والعمل فيها
ورسالتك وصلت اتمنى من الكل فهمها والعمل فيها
ب
04-06-2008 | 05:36 PM
مشكورة يا غالية على الموضوع
وصح كلامك فيه بنات ما ينتبه لكلامهم ويدخلوا في تفاصيل شخصية
لا علاقة لها بالمشكلة والموضوع لي طرحوه
ومشكورة لتسليط الضوء على باقي الملاحضات المهمة
n
04-06-2008 | 05:46 PM
مشكورة يااختى على النصيحة وكلامك يمكن مايعجب ناس كتير بس هو كلام صحيح
وفعلا عندك حق فية
ربنايبارك فيكىىى
وفعلا عندك حق فية
ربنايبارك فيكىىى
م
04-06-2008 | 05:52 PM
ما شاء الله نصائح طالعة من القلب فعلا...
بارك الله فيكي أختي أم جنى...و يا ريت الكل يقرأ و يعمل...
بارك الله فيكي أختي أم جنى...و يا ريت الكل يقرأ و يعمل...
&
04-06-2008 | 06:01 PM

ماشاء الله .. م,ضوع ولا اروع طبعته يداكي عزيزتي ام جنى
فعلا يستحق التميز..
كم هو جميل ان نرى اخواتنا العضوات يخافن على بعضهم وكانهم عائله واحده..
نصائحك حكيمه ومنبهه لبعض العضوات وطريقة طرحهم الموضوع ..خصوصا اذا كان الموضوع شخصي
فعلا كثير نقرأ كلمة انا قبل الوصول للمشكله .. او حتى عد الموضوع تعطينا صاحبة الموضوع ايجابيات شخصيتها او شكلها ..ناسيين ان كل شخص لا يرى عيوبه .. وكل عيب في عين صاحبه صفه حسنه
اما بالنسبة لموضوع الحسد .. معظمنا نتكلم بحسن نيه ناسيين الحسد ومدى خطورته ..
ومن شر حاسد اذا حسد
اما بالنسبة للاسرار الشخصية .. مهم جدا الحفاظ عليها .. اذا ما كانت محفوظه بين جدران البيت .. فهالبيت معرض لخطر التففك
اشكرك على مشاركتنا رأيك .. واتمنى البنات يسفيدوا من الموضوع

ع
04-06-2008 | 06:23 PM
الشغله الثالثه والي تزعج صج ..
اكره شي يابنات .. ان تكتبون خصوصيات وحميمات زوجيه بالانترنت ..وجنسيه .. هالشي عيب ياناس في اسلوب ثقافي حضاري .. راقي لكتابه هلاشياء .. وفي اقسام مختصه للاشياء هذي يعني اكره شي لمن وحده محترمه تكتب في الانترنت .. يمكن كم واحد ,, اشدد على كلمه و احد ,, ووحده يقرون كلامها .. حتى لو ما يعرفونها بس تكوين الفكره .. عنا كبنات خليجيات اولا وعرب ثانيا .. يشوهه الصوره ..
والله موضوع جميل وفي الصميم
مشكورة اختي ام جنى
حتى انا كنت لما اقرا بعض المواضيع كنت اقول مايصير كده
ان الوحدة تحكي عن حياتها الشخصية مع زوجها وتجي اي بنت تقرا الموضوع وطلع وراه آآآآآآآآهات
مايصير كده
الوحدة بتحكي واللي يجي يقرا الموضوع يقعد يتخيل فيه مع الكلام
الله يهدينا ويهدي جميع البنات المسلمين آمين يارب العالمين
جزاكي الله خيرا على موضوعك الجميل.
ا
04-06-2008 | 06:49 PM
مشكورة على النصايح
ا
04-06-2008 | 07:15 PM
بصراحة يااختي ام جنى هذا الشي لاحظته اكثر من مره وخصوصا بركن قضايا وحلول
وفي نقطة ثانية في كثير من البنات يدخلوا لكي يكتبوا مشكلاتهم وبعدها يخرجون نعطي حلول وكل واحده مننا تحاول ان تجد حلا انطاقا من مفهومها وفجأه نشاهد عدة صفحات نستطيع القول انها حلول ولكن اين هي صاحبة الموضوع لا نعلم اختفت
يمكن ان اقول ان هذه النقطة كان سببا في قلة دخولي الى هذا الركن
ماشاء الله عليك اختي ام جنى اجدك بالفعل انسانة واعية وحكيمة
الله يسعدك
وفي نقطة ثانية في كثير من البنات يدخلوا لكي يكتبوا مشكلاتهم وبعدها يخرجون نعطي حلول وكل واحده مننا تحاول ان تجد حلا انطاقا من مفهومها وفجأه نشاهد عدة صفحات نستطيع القول انها حلول ولكن اين هي صاحبة الموضوع لا نعلم اختفت
يمكن ان اقول ان هذه النقطة كان سببا في قلة دخولي الى هذا الركن
ماشاء الله عليك اختي ام جنى اجدك بالفعل انسانة واعية وحكيمة
الله يسعدك
ا
04-06-2008 | 07:42 PM
يعطيج العافيه على النصايح
ا
05-06-2008 | 01:04 AM
الله يعطيك العافية
تستاهلين التميز
تستاهلين التميز
م
05-06-2008 | 02:27 AM
بسم الله ما شاء الله ..
موضوع ولا أروع .. و لو أنك ما خليت لي مجال أتكلم
بس يا ليت كان مثبت في قسم قضايا و حلول .. هناك فايدته أكبر و بيشوفوه بنات أكثر ..
خسارة تندفن الللآلئ البحرينية هذي هنا !!
أم جنى ..
لا تحرمينا من قرقعاتك ..
موضوع ولا أروع .. و لو أنك ما خليت لي مجال أتكلم
بس يا ليت كان مثبت في قسم قضايا و حلول .. هناك فايدته أكبر و بيشوفوه بنات أكثر ..
خسارة تندفن الللآلئ البحرينية هذي هنا !!
أم جنى ..
لا تحرمينا من قرقعاتك ..
أ
05-06-2008 | 03:33 AM
جزاكى الله كل خير فعلا كل الملاحظات الى حكيتها مضبوطه والله معاكى حق واكثر شيء الى بتكلموا عن حياتهم الجنسيه وتحسي انه الناس للاسف ما صار عندهم حياء ....الف شكر اختى ام جنى على نصائحك الغاليه
و
05-06-2008 | 08:59 AM
مشكووووورة على النصايح وان شاء البنات يأخدوا كلامك بلاعتبار
ف
05-06-2008 | 09:08 AM
نصائح مفيدة
فعلا لابد من الحذر والانتباه لما نسجله من كلمات ونضع في فكرنا أن هناك الكثير سيطلعون عليه
اللهم اجعل حروفنا في سبيلك
جزاك الله خيرا على هذه الملاحظات المفيدة ولاحرمك الله الأجر على مجرد تفكيرك في طرحها على أخواتك فالدين النصيحة .................. لك أحلى تحية
فعلا لابد من الحذر والانتباه لما نسجله من كلمات ونضع في فكرنا أن هناك الكثير سيطلعون عليه
اللهم اجعل حروفنا في سبيلك
جزاك الله خيرا على هذه الملاحظات المفيدة ولاحرمك الله الأجر على مجرد تفكيرك في طرحها على أخواتك فالدين النصيحة .................. لك أحلى تحية
ح
05-06-2008 | 09:43 AM
تسلمين يالغالية موضوعك فمحله وياريت الحسد هذا ينتهي لاني بصراحة تعبت من الحساد
زميلاتي في الفصل يحسدو بعض محد يتمنى الخير للغير وتمني الخير للغير هذا شئ يحبه الله
وربي لو كل وحدة او واحد يتمنى الخير للغير راح يعجب ربي وربي يعطيه كل الخير لكن في هذا الزمان
مستحييييييل نادراً ماتلاقين احد مايحسد بركي انتي تكوني حسودة بس بدون ماتحسي الحسد داء لا دواء له
والتكبر وماأدراك ماتكبر انتي ياأختي تتكبري على ايش اولاً انتي مخلوقة من طيييييييييين افهموا يعني شنو طييييين
اللي تشوف لها وحدة مو عاجبتها الحمد لله ووووووو وكلام فاضي هذي اللي تتكلمين عنها يمكن تكون احسن منك عند ربي بس شنو ماسوينا وعملنا ماراح نحل هل المشكلة
اتمنى اني اكون ماازعجتكم لاني في حالة انفعال وان شاء الله ماأكون طولت عليكم بالكلام
زميلاتي في الفصل يحسدو بعض محد يتمنى الخير للغير وتمني الخير للغير هذا شئ يحبه الله
وربي لو كل وحدة او واحد يتمنى الخير للغير راح يعجب ربي وربي يعطيه كل الخير لكن في هذا الزمان
مستحييييييل نادراً ماتلاقين احد مايحسد بركي انتي تكوني حسودة بس بدون ماتحسي الحسد داء لا دواء له
والتكبر وماأدراك ماتكبر انتي ياأختي تتكبري على ايش اولاً انتي مخلوقة من طيييييييييين افهموا يعني شنو طييييين
اللي تشوف لها وحدة مو عاجبتها الحمد لله ووووووو وكلام فاضي هذي اللي تتكلمين عنها يمكن تكون احسن منك عند ربي بس شنو ماسوينا وعملنا ماراح نحل هل المشكلة
اتمنى اني اكون ماازعجتكم لاني في حالة انفعال وان شاء الله ماأكون طولت عليكم بالكلام