شو القصد من ها الفحوصات

ليش ما تردون الله يخليكم لازم أتزعلوني منكم

حبيبتي يمكن يسوون لج سونار (الترا ساوند) داخلي او خارجي....هذا ما منه خوف لو كنتي انشالله حامل...

والله يرزقج ويرزق كل محروم يارب...

حبيبتي كل وحده تأخرت بالحمل لازم تسوي كل هالفحوصات من تحليل دم والسونار الداخلي

وكل هالفحوصات الفايده منها للتأكد شنو سبب التأخير

وتحليل الدم اللي في ثاني يوم الدوره عشان يشوفون اذا كان التبويض عندج ضعيف ولا لأ

والسونار الداخلي ضروري لان في شغلات ما تبين بالتحليل تبين بالسونار الداخلي اكثر مثل القرحه والتكيس والاورام لا سمح الله


لا تخافين وسوي كل هالفحوصات عشان ترتاحين وانشاءالله مافيج الا الخير


الله يرزقنا كلنا يا بنات بالذريه الصالحه

جزاكم الله خير خواتي الغاليات على ردودكم تسلمون والله ... بس السونار الداخلي إلي تقولون عنه خبروني إني أكون شاربه ماي وايد قيل التصوير يعني راح يكون داخلي أنا توقعت بس تصوير عادي

اختي السونار الداخلي ما يحتاج تشربين ماي

والسونار الخارجي لازم تشربين قبله ماي

ان شاء الله رب يرزقك لا تخافين

يزاكم الله ألف ألف خير يا خواتي العزيزات

الله يرزقج الذرية الطيبة

دكتورتج شكلها شطارة انا رحت لاكثر من دكتورة ولا احد سوى لي تحاليل انا من نفسي طلبت من الدكتورة ابي اسوي تحاليل الهرمونات وكتبتهم لي يعني انا اللي قاعده اتعب على نفسي وادور سبب التاخر الدكاترة مافي الا كلوميد وابررر تحليل الهرمونات ماسووها لي الله يهديهم مع ان احسهم مهمين وايد

foofa_q8;6230301:
اختي السونار الداخلي ما يحتاج تشربين ماي

والسونار الخارجي لازم تشربين قبله ماي

هذا الكلام صحيح


الفحوصات ثاني يوم الدوره عشان الهرمونات والغده الدرقيه وووووووو تقريبا كل فحوصات الدم ثاني يوم الدوره

واليوم 21 عشان هرمون الإباضه إذا فيه إباضه ولالا

وإذا قصدج بالتصوير الأشعه مال الأنابيب لازم ما تكونين حامل لأنهم يحطون سائل داخل الرحم ولأنه الأشعه السينيه خطيره على الجنين ولازم يتسوى تاسع يوم دوره أو عاشر أو إذا أخر أخرما يأخر عن 11 لأن في هالأيام مايواحي يستوي حمل ونحن حبيبتي كلنا سوينا هالفحوصات كلها لا تخافين الله يوفقج ياربي ويرزقج بالذريه الصالحه المعافاه عاجلا غير آجل اللهم آآآآآآآآآآآآآآآآآآآآآآمين

أما السونار العادي مال فوق الصوتيه (اللألتراساوند ) فعادي بأي وقت

أختي تحليل الدم ثاني يوم الدورة لمعرفة مستوى هرمون الحليب



أما التحليل في اليوم 21 من الدورة فهو لمعرفة مستوى البروجسترون




والألترا ساوند للإطمئنان على الرحم




الله يرزقك الذرية الصالحة

الله يرزقك الذرية الصالحة يااااااااااارب

والبنات ماقصروا في الاجابة

عاادي انا سويتها والسالفه بسيطه وماتخوف تحاليل الدم واشعة الرحم كلها عشان يتاكدون انك سليمه وماعندك شي يمنع الحمل انشالله توكلي على الله والله يرزقك بالحمل قريب (( حسبي الله لا اله الا هو عليه توكلت وهو رب العرش العظيم ))

البناات ماشا الله ماقصرن
ان شا الله تكوونين حاامل ان شا الله

الله يارب يرزقج الذريه الصالحه والبنات مشالله ماقصروا

ياحبيبتي تحليل الدم اللي في اليوم 21 من الدوره ضروري لمعرفة هرمون البرجسترون اذا مرتفع فوق العشره في تبويض اذا تحت العشره يعني عندك ضعف في التبويض انا كان صفر ودحين الحمدلله ارتفع لمن اخدت الكلوميد ولااااازم يكون اليوم 21 من الدوره وباقي التحاليل اكيد هرمون الحليب وهرمون lh هادي تتعمل ثاني يوم الدوره والله يرزقك عاجلا غير اجل يارب

يـــــــــــــــــــزاكم الله خيــــــــــــــر كلكم يا خواتي العزيزات وتسلمون على الرد والدعوات الطيبة ... ما جصرتوا والله ... الله يرزقنا كلنا عاجلا غير آجل يارب العالمين ...اللهم آمين