كريمات البشره

حنان الهاجري 04-06-2008 4 رد 1,202 مشاهدة
ح
خواتي العزيزات من جم يوم يالسه اسولف ويا بنت خالي وهي اكبر عني باربع سنين تقريبا قالت انا خلص كريمي متعايزة اسير باريس جاليري اشتريه جان استغرب واقول بخاطري مع اني انا احب اهتم ببشرتي لكن عمري ما فكرت اني استخدم هلكريمات اللي يبيعونها فباريس جاليري يعني الماركات هاي انا الصراحه استخم كريم هملايا فازلين نيفيا اي شي عشان ارطب ويهي او جسمي يعني هل انا على خطا ..
ارجوكم وضحولي انا اطبق بعض الماسكا ت والخلطات اللي اشوفها عالنت واحاول اهتم فويهي قد ما اقدر
الحين شو رايكم يا جماعه ؟؟
D
والله يااختي انا كنت نفسج وبشرتي ماتتغير ولاتتحسن ياهته ومصفره

لين استخدمت مقشر من سيسلي مع التونيك وجربت

ومجموعه ترطيب للبشره الجافه من كنيبو

واخذ من الصيدليه بعض االكريمات من بيوديرما ونمبر سفن وفيتشي وبصراحه تاثيرهم اروع من هيميلايا وغيره من الخلطات
ح
مشكورة الغاليه عالرد تسلمين والله
ل


ما أدري بس احس البشرة بحاجة لعناية مستمرة خاصتاً أذا كانت البشرة جافة محتاية لترطيب يومي طوال اليوم....

مثل كريمات الصباح والليل أو واقي الشمس أو منظف الوجه هذيلا الكريمات أشياء اساسية أما الباقي أحس تقدرين تستغنين عنه أذا عتمدي على ماركة طبية مضمونة ....

أن شاء الله تستفيدين من رأي وراي البنات....










ا
والله امي عساني فداء رجولها وجهها منور وبيضاء ماشاء الله تبارك الله وماقد غيرت الفازلين وانتم عارفين قد ايش امهاتنا عانوا من الكرف والشمس وانا مستخدمه كريمات وخلطات اشكال وانواع ..... لكن سبحان الله من كثر مااناظر وجهي الا لازم اطلع خطاء ياحبه طالعه بالعرض ولا نقط في خشمي ولانقاط صغيره ماتنشاف الا بالمكبر.................. ومع ذلك ماحد يلاحظها غيري
البنات الي بشرتهم حلوه لايغامروا ويستخدموا اشياء يمكن تظرهم وماتنفعهم انا عن نفسي اذا كنت بروح زياره لحد......... اخلط فازلين مع كريم اساس ماكس فاكتور منها ترطيب ومنها مكياج.......وبلتوفيق ياحبيباتي
X