انقذوني كيف اتعامل مع ابن الثلاث سنوات ؟؟!!!

سبحان الله ام احمادية كأنك تتكلمين عني لأني انا بعد في حملي الثاني وعندي
بنت عمرها 3سنوات وزي ماقلتي صايرة عصبية مرة وتقول الفاظ غبية وهبلة وماتستحين...الخ
ومجننتني.... وانا بعد ودي في حل معاها

على كلا انا قرأت في مجلة اني المفروض اتقرب من بنتي في هالفترة
واحاول العب معاها وخليها على استعداد لأستقبال الضيف الجديد مثل
اني اقول لها ان اخوها او اختها يحبها كثير وانه اذا جاء بيلعب معاها وكذا بتتحمس له
وحتى لو كنت مو فاضية وجاء ولدك حاولي تتركي الي بيدك وتتفرغين له كذا بيحس انك
مهتمة فيه
اما بالنسبة للألفاظ اللي يقولها حاولي تعلمينه ان هذا عيب وخليه يحس انك زعلانه منه
وانه اذا قالها مرة ثانية ماراح تلعبين معه

طولت عليك في الكلام حبيبتي بس انشاء الله تستفيدين

تحياااااااااااتي

ياربي انا ولدي من نفس عمر ولدج ونفس ما تقولين صاير عصبي يمكن لاني وايد اعصب عليه واضربه والفاظه صايره وقحه كله غبيه حيوانه حماره

الله يعينك
نفس المعاناه مع بنتي ام اربع سنوات بس الله الله بالاسلوب والصبر والتشجييييييييييييييييع
بس انتي ليه خليتيه على الرضعه والبامبرز لها العمر الواجب بعمر سنتين وقفتي الله يخليه لك
واذا على الالفاظ انا بنتي كذا تدرين كيف تركتها اول ماقالت الكلمه جبت الولاعه<القداحه> وجلست اصرخ عليها طلعي لسانك ابحرقه لانه صار وصخ<<اسلوب شديد بس وش اسوي الله يرزقني طووووووووووول البال
بس والله فاد معاها وتابت
الله يخلي للجميع
اتمنى اكون افدتك ودعواتك
تحياتي

دفاية زيت;6247471:
الله يعينك
نفس المعاناه مع بنتي ام اربع سنوات بس الله الله بالاسلوب والصبر والتشجييييييييييييييييع
بس انتي ليه خليتيه على الرضعه والبامبرز لها العمر الواجب بعمر سنتين وقفتي الله يخليه لك
واذا على الالفاظ انا بنتي كذا تدرين كيف تركتها اول ماقالت الكلمه جبت الولاعه<القداحه> وجلست اصرخ عليها طلعي لسانك ابحرقه لانه صار وصخ<<اسلوب شديد بس وش اسوي الله يرزقني طووووووووووول البال
بس والله فاد معاها وتابت
الله يخلي للجميع
اتمنى اكون افدتك ودعواتك
تحياتي

لاحول ولا قوة الا بالله
حرام عليكي تخوفينها بالنار
بسم الله عليها

انا اقولكم الطريقه في التعامل بس تكفون يابنات ادعولي بالزوج الصالح اللي يسعدني وادعولي بالشفاء انا مو متزوجه والحمدالله بزران قرايبنا كلهم يحبوني ولد اخوي عمره 4 سنوات ينام عندي بالاسابيع واذا خذوه اهله اسمع صوته يبكي بالشارع مايبغى يتركني والله العظيم لدرجه انه يبوس كفوفي
اهم شي الصبر الصبر الصبر واحمدوا الله على النعمه نعمة الاطفال غيركم محروم منها
بالنسبه للتعامل
اول مايصحى الطفل من النوم رحبي فيه وبوسيه وضميه وهلا حبيبي ومن هالكلام
الاكل نصيحه مني خليه على نفس السفره يجلس معاكم بس حطيله بصحن لحاله
خليه يعتمد على نفسه بالاكل البدايه راح يحوس عليك الدنياء بس الصبر مثل ماقلتلك
بعدين راح يتحسن اكله ويحوس وهو صغير احسن من يحوس وهو كبير
العبي معاه شاركيه اللعب شجعيه حاولي تحسسينه كأنه هو المنتصراو الفائز بكل شي واذا سوى شي قولي ماشاء الله عليك والله انك بطل
تسابقي انتي وياه سوي نفسك بطيئه وخليه يسبقك
واذا تكلم ناقشيه وكأنه رجال
احيان افرضي عليه النقاش
حسسيه ان رايه مهم مثلا قولي حمودي وش رايك انت ماشاء الله عليك حلو وش البس هذا او هذا
اعطيه كراسه قولي حمودي ارسملي سيارة بابا او ارسم بيت
وقوليله حمودي ان شاء الله اذا كبرت توديني للسوق بالكلمه يحس انه رجال
اذا تكلم حتى لو انتي مشغوله التفتي له ولاتسفهينه
كل شوي ضميه كل شوي بوسيه
اعطيتيه عصير قولي هذا لقلبي وحبيبي
وقت النوم وهو اهم وقت القصه القصه القصه يحبها كل طفل قصي له قصه حتى لو تأليف من راسك مع بوسه ولمسة حنان على راسه
انتبهي الضرب انسيه واتفقي مع ابوه على هالتعامل وخناق لاتخانقونه واذا غلط احرميه من شي يحبه يعني لو غلط قولي بكل هدوء خلاص انا زعلانه ماراح اقص لك قصه او ماراح اوديك للملاهي او ماراح العب معك
الطفل لو اعتذر ينسى ويعيد نفس الغلط بس انتبهي لاتضربينه وتجاهلي الموقف
واهم شي احترام الطفل وخاصه في التجمعات العائليه

انا هذا تعاملي مع الاطفال لدرجه ولد اخوي يقولي ماما وناسي امه ليش لانه حصل الحنان والاهتمام

ولاتقسين عليه وتندمين مثل بنت خالتي كانت تضرب ولدها ويوم مات ندمت وكل ماتذكره اوتشوف احد بسنه تجلس تبكي
وقبل تمدين يدك عليه خوفي نفسك بس انك لو ضربتيه راح يتأذى او يصير له شي وصباح ومساء حصنيه واقري عليه امشي على هالتعليمات اسبوع وبشريني بالتطورات برساله خاصه

ولاتنسيني من الدعاء لاني محتاجه للدعاء والله يصلح عيالكن ويخليكم لبعض ان شاء الله

أختنا حلوة حيل راكبة خيل،، ماشاء الله ماقصرت أفكارها ذهب.. أخذيه بالهداوة وأنت الحين عشانك حامل شي طبيعي بتزيد عدك العصبية منه.. هيئ له الجو عن البيبي القادم بالطريق...وكان الله بالعون.. أنا مريت بهالحالة بس آشوف الحين خف كل ماقرب يدخل الأربع سنين..

مشكورات خواتي على النصايح الحلوه وعلى الاهتمام .. ادري اني مش بروحي في هالمعاناه بس والله الوحده منا ما تتمنى الا ان يكونون عيالها احسن الناس ..

انا تأخرت في اني اعوده على الحمام لاني جربت قبل وما فلحت والحين من فتره باديه ووالله معاناه بس احس به يفهم بس قبل مووووووووووول ما كان مستوعب فكره الحمام ..

واما بالنسبة للمرضعه رديت عليها لان امي هزبتني وقالت انا عمري ما جبرت حد منكم يودر المرضعه لين ما تركتوها بنفسكم لان صياحه هذا كله من الوله على المرضعه بس هذا ياهل وما يعرف يعبر ومن رديت المرضعه تقولون شي نازل عليه من السما يعني صدق رد حمودي الي اعرفه من عقب ما صار عصبي وصياح 24 ساعه

الله يعين جميع الامهات والله التربية ابدا مب سهلة

أختي ام احماديه الله يسامحك
كلمه الله يوفقك ولو جبر خاطر

اخت حلوه مشكوره ماقصرتي
الله يرزقك بالزوج الصالح والذريه الصالحه يارب
بالتوفيق
والله يسهل عليكم

ملاك الدموع;6281468:
اخت حلوه مشكوره ماقصرتي
الله يرزقك بالزوج الصالح والذريه الصالحه يارب
بالتوفيق
والله يسهل عليكم

اللهم آمين وه ياقلبي والله لو انتي عندي كان حبيت راسك على هالدعوه
الله يوفقك يارب وين مارحتي