عاجل ..دكتورة من فضلك

السلام عليكم ورحمة الله وبركاته ..

كيفك دكتورة .. ان شاء الله بخير

عندى سؤال مهم لحضرتك بس أرجوكى علشان تعرفى حالتى بالظبط أقرأى اللى تحت السؤال ...

سؤالى هو هل ينفع أخد أعشاب وخلطات لتنشيط المبيض بالرغم من أنى عندى أنديمتريوزس

والتصاقات شديدة ؟ لأنى الشهر اللى فات أخدت عصير أناناس ومرمرية وتعبت جدا لما جاتنى

الدورة مغص شديد زى اللى كان بيجينى أول ما أكتشفت الأنديمتريوزس

وألم شديد جدا فى الجماع لا أتحمله .. اعذرينى دكتورة لو طولت عليكى بس عايزة أشرحلك

الحالة علشان لو رديتى عليا تكون حالتى واضحة ليكى

كنت متزوجة قبل الأن زوج أخر وأول سنة فى الزواج جانى مغص جامد- الدكاترة قالوا دى أكياس دم وتكيسات على المبيض ومرض داء البطانة بتاعة الرحم يعنى اسمه انديمتريوزس ولازم أعمل عملية سريعة علشان ألحق قبل الأكياس ما تنفجر فيا وأموت وطبعا أتخضينا وجريت قلت للدكتور ياللا العملية
المهم فتحوا بطنى زى القيصرية بالظبط ولما فوقت من البنج قالوا لقينا أشى أحمر وأصفر وأخضر حسسونى أنها بالونات العيد !!!!!!!!!! حسبى الله - وما أدونى أى تقرير ولا غيره وخرجت من المستشفى وأنا جالى ألتصاقات شديدة جدا على الجزء الشمال من الجسم كله المبيض والحوض والتصاقات لغاية الأمعاء وطبعا طوال 6 سنين بروح لكل ألوان الدكاترة وأشهرهم وأدخل عمليات ومناظير وابر تفجيرية وهرمونات وغيره
حصل طلاق ليا من سنة ونصف وبعدين تزوجت تانى من 9 شهور بالظبط وبعد شهرين من زواجى روحت حقن مجهرى مع زوجى الجديد لأن كل الدكاترة قالوا هو ده الحل للحمل لكن !!!!!!!!! أراد الله أن يفشل ولم يحدث ذلك فقط ولكن الدكتور فاجأنى وقالى يا مدام أنسى موضوع الحمل ده نهائى أنت ما عندكيش سائل فى البويضات ينفع يتلقح يعنى بويضاتك فارغة !!!!!! قلت له يعنى أيه مش فاهمة ؟ قال يعنى تنسى الخلفة أنت لو سافرت حتى أمريكا مش هتحملى

مع العلم أن دورتى منتظمة جدا كل 28 يوم وبحس بأيام التبويض وبعرفها وعلاماتها بتنزل عليا يبقى ازاى ما عنديش تبويض

أيه رأى حضرتك ؟ أتمنى تردى عليا .. عايزة أعرف بس لازم أروح لدكتور تانى علشان أتابع موضوع أكياس الدم دى ولا أعمل ايه

وشكرا ليكى ويجزيك الله خيرا