كيف استقبل الخادمة الجديده

اختي الله يوفقك في خادمة شاااااااااطرة وتخاااف الله وهذا أهم شي
أولا أختي إذا كانت أول مرة جاية وناوية تشتغل<<<<<وهذا أهم شي
خليها تروح المطبخ مثلا و قوليلها تخلي الشنطة وفتشيها وهي ماهي بعندك من دووون ماتحس وعلى راحتك ولا تاخذين اغراضها نهائيا عندك وتقولين راح اجبلها جديد لانها بذي الطريقة تحقد عليك وتحطك ببالها
بعدين ناديها ووريها غرفتها ونصيحة من قلب لو تعرفين تتكلمين لغتهم لو الشي اليسير راح يسهل عليك نص المشواروفي مواقع كثيرة على الانترنت خليك حازمة معها لا تعطينها وجه (زيااادة)في حدود المعقووول ابتسااامة خفيفة كوني طيبة معها الا اذا قصرت في الشغل فهميها باسلوبك أن الجزاء من جنس العمل ان احسنت تحسنين وان اساءت ستسيئين لها
لا تخلينها تطبخ أبد مهما كانت الظروف والله تاكلون لبن وعيش أحسن من كاسة موية من يدها
نصيحة نصيحة
لا تخلينها تدخل غرفتك مهما كانت الاسبا ب ترى فيهم حسد موطبيعي غير ماتدرين شو تسوي من خرابيط وسحر بعيد الشر عنك ياروحي بس الاحتياط واجب والله مايتأمن لهم وشو بعد......لاتخلينها مع الاطفاااال فترة طويلة راقبيها حسسيسها انك وراها وفي طريقة عجبتن لوحده من الاخوات ما أذكر اسمها تقول حطيت كاميرااات ما تشتغل وقالت لي شو هذا يا مدام قلت عشااان اشوفك اش تسوين في كل مكان تقول واخترعت الشغالة سااارت تسوي شغلها مثل ماتبي
طووولت عليك
أتمنى أن الله يوفقك في شغالة سنعة

[FRAME="10 70"]
المفروض ان تجلسي معها اولا وتفهميها طباعاك وكيفية الشغل يعني الروتين اولا الحمامات مثلا ثم الفطار ثم الخ الخ .... وبعدها تقومين بان الاهم هو الامانة ثم الامانة ثم الامانة وبعد ذلك تشرحي الامانة في الشغل كمان مهمة يعني الامانة في القول والفعل وتجربيها في اشياء عدة وخلي عينك عليها من بعيد لبعيد وربنا معاك





:9_28::9_28::9_28:
[/FRAME]

قبل كل شي خلي تسوي فحص دم وتعرفين وش الامراض الي فيها
لان خدامة اختي بعد اسوبع اكتشفت سوت لها التحليل طلع فيها وباء كبد ماادري ايش
المهم نيموها المستشفى ولازم تسفيرها ما تنفع
انتبهي من هالنقطه
وبعدين الباقي سهل جدا تفاهمي معها وضعي قواعد وقوانين اساسيه لازم تمشي عليها
وصيري شديده معها زي المديره في المدرسه بما يرضي الله بدون ظلم يعني
وعادي اول ما تجي فتشي اغراضها عدل وانتي بكيفك اذا تبين لها جوال او لا
مع اني ما انصحك لان بتفسد وبتكلم رجال
خليها تكلم اهلها من بطايق في البيت افضل لك
واهم شي اتعبي معها بالنظافه اول اسبوع بعدين هي بتمشي على مزاجك
ولا تخلي زوجك يتدخل فيها تهائيا انتي سيطري على الوضع علشان ما تصير مشاكل واحتكاك زايد
وتندمي بعدين
تحياتي

شكرال

برايي انك تفتشيها قدامها وهي تشوف مثل مااسوي انا بشغالتنا وبتشوفي اغراضها من مكياج قولي لها هذا ماتحطين منه هنا وبتشوفين اشياء غريبه مثلا ازرار مغلفه في قماش قولي لها ايش هذا ماعرفت ترد خذيه عندك وقولي لها بعدين اعطيك ياه وبتشوفين صابون وعطر طبعا رحيحته احنا مانحبها وخذيه واشتري لها احسن منه علشان تشمين فيها ريحه تفتح النفس من صابون شامبوه مزيلات الجسم اذا تتكلم عربي كويس فهميها امور البيت وخلك وراها كل شهر او شهرين فتشيها وهي ماتدري احتياطا عن لسحور
بالتوفيق

عزيزتي الغاليه

بالبدايه اقول لك الله يعطيك خيرها ويكفيك شرها ان شاء الله (حشى سياره )

أختي ان كانت الخادمه اول مره تعمل بدوله عربيه

راح تلقين صعوبه بالتفاهم معها

ولهذا لا تستطيعين ان تعطيها كل التفاصيل المهمه والجدول اليومي لك

بسهوله بيوم وليله ...

اول ما توصل الخادمه ..

مثل ما قالوا لك البنات تباشرون بعمل التحاليل لها ولعل هالتحاليل

راح ياخذ اشوي وقت يعني اعتقد انكم مثلنا بالبحرين لازم تاخذ ثلاث ابر خلال اسبوعين او ثلاث

على حسب مستشفياتكم ...

ولهذا اخذي الحيطه اولا

تعطينها كوب خاص فيها وحده للحليب والاشياء الحاره والثانيه لشرب الماء والعصاير

تعطينها ملاعق بلون خاص فيها وكمان صحون خاص فيها

ولو تخصصين درج خاص لها بالمطبخ يكون افضل لها


تعطينها شنطه فيها شامبو وصابون للجسم ومفركه للجسم ومشط لشعرها
ومعجون اسنان وفرشاة اسنان ومزيل العرق ... يعني الاشياء المهمه الي المفروض تستخدمها ...

اول ما توصل خليها تتعرف على افراد اسرتك

وبعدها تتعرف على اجزاء واقسام البيت

وبعدها وديها غرفتها وخليها تفتح شنطها وانتي جالسه

شوفي ثيابها ان كان في شي محتشم فخليها تغسله بالبدايه وبعد ما يجف تحطه بدولابها

أما الباقي تسكر عليه عدل مدل وما تفتحه الا وقت سفرها ..

إن كان عندها عطورات قولي لها ممنوع استخدام العطورات نهائيا

عطيها مزيل عرق افضل لها ...

ان كان معها مكياج ومدري وشو وضحي لها من البدايه ان ممنوع انها تحط منه دام هي

تشتغل عندك ...

نصيحه مني لك ..

انا اول ما يجون على طول اعطيهم الحجاب وهم داخلين

يعني اول ما تسلم اعطيها الحجاب

وااشر على زوجي واقول لها حتى لو بالاشاره انها لازم تتحجب بالبيت الا اذا كانت متأكده ان

ما في رجال بالبيت تاخذ راحتها بغرفتها فقط ..

تجين انتي تشوفين مقاسها وتشترين لها ملابس خاصه بالعمل محتشم

وحجاب الافضل يكون من النوع الحجابات الاندونسيه الي كامل مسكر من كل الجهات

يعني من النوع الي تدخل براسها وخلاص الحجاب ما يتحرك وقت ما تشتغل

طبعا ما يكفيها حجاب واحد يعني عدد اربع يكفي

اما الملابس تقريبا سته ومعهاهم الملابس الداخليه المريحه ...

فوطه للوجه وفوطه للجسم وكريم لليد وقفازات خاصه فيها لوقت العمل وحده للحمام ووحده للمطبخ ..

......................

حاولي التفاهم معها بالاشاره اشري وقولي الاسم مثلا تأشرين على المطبخ وتقولين هذا مطبخ

ان كانت هي تكتب بلغتها فأنتي محظوظه

وان كانت تتكلم انجلينزي فيا زين حظك

المهم ان كانت تعرف تكتب عطيها قلم وورقه

انتي قولي لها مطبخ وهي تكتب بحروفهم مطبخ وتكتب معناته

ووقت الفراغ تحفظ الكلمات العربيه

حاولي انك تكثرين معها الكلام بشكل واضح

وان كانت ما تعرف تكتب

شوفي خادمه من قرايبكم او الجيران قديمه ومن نفس جنسيتها

خليها تجيك مره وحده بس ولا تخلينها تسولف معها الا الكلام الي انتي

قاعده تقولينه

مثلا تقولين لها ابيها الصبح تسوي كذا وكذا

والظهر كذا وكذا

وتصحى هالساعه وتنام هالساعه

وتعطينها الملاحظات وهي تترجم لخادمتك ...

:::::::::::::::

المعامله :::

اختي الشي الطيب ما يجي منه الطيب كله

يعني خليك طيبه معها ولكن كوني حازمه معها انها تأدي واجبها بأكمل

وجه ...

ابتسمي بوجها اول ما تصحين وقبل ما تنامين

وباقي اليوم خليك معها عاديه

لا تسولفين معها بأشياء تخصك او تخص عائلتك

وان كانت من النوع الملقوف قولي لها لا تسئلين هذا شي ما يخصك وبس ..

ان عملت شي غلط

ركزي بهذي الجمله عدل عطيها ملاحظه على عملها ولكن مو على شخصيتها

امنعي اطفالك انهم يقولون لها شغاله او خدامه خليهم يسمونها على اسمها

يبي لك تقريبا شهر انك تشتغلين معها يعني تسوين كل شي قدامها عشان تتعلم اسلوبك بالنظافه

كل يوم تمسكين مكان وتقلبينه فوق تحت عشان تعرف ان كل يوم تمسك لها مكان وتنظفه تنظيف عميق وطبعا باقي الاعمال اليوميه ما تتغير من مسح وشطف وغسيل وغيره

في بعض الخدم يا اختي

ممكن انهم يخربون لك حاجات بالبيت مره ومرتين وثلاث

او يحرقون الملابس بالكي ..

اصبري عليها وان شفتيها ما تغيرت قولي لها بخصم من راتبك وراح تلقينها حريصه انها

ما تعيد الغلط مره ثانيه ...

ان بوزت بوجهك لانك قلتي لها شي ما عجبها لا تراضينها

خليها براحتها هي انسانه ومن حقها ان تاخذ بخاطرها وتاخذ وقتها بالزعل

خليها وهي راح تهدى .. من نفسها ...

عشان ما تتعود انها تزعل على اتفه شي وهي تنتظر مراضاتك لها ..

ان شفتيها قايمه بكل شغلها لمدة شهرين او ثلاث

قدمي لها هديه بسيطه عباره عن لبس جديد او ساعه سعرها مناسب

تقدر تلبسه وقت ما تطلع معك

ولا تنسين انك توفرين لها فوطها الصحيه ومنبه انتي بنفسك وقتيه عشان

تصحى على الساعه الي انتي تبينه ..


بالنسبه للمكالمات للخارج

قولي لها ان ممنوع انها تستخدم موبايل اي احد من افراد الاسره او الهاتف الثابت

على الاقل اول مكالمه خليها تتكلم على حسابك هذا بعد ما توصل بثلاث ايام

وبعدها قولي لها ان كانت تبي تخابر اهلها هي تدفع قيمة البطاقه

كل ما تبي تتكلم مع اهلها

بعد ما تنتهي من المكالمه على الاقل كوني مهتمه انك تسئلينها عن صحة والدتها ووالدها

وان كانت حزينه بعد المكالمه عطيها بريك تختلي بنفسها اشوي ...

ان كان عندك ضيوف خليها تجهز كل شي من بدري

عشان ما تروح وتجي قدامهم وتحس بنظرات الضيوف تلاحق تصرفاتها

في بعضهم يحسون بالخجل خصتا ببداية اقامتها معكم بالبيت ...

:::::::::::

علميها انها تكون مقتصده بكل شي

يعني الصابون النشاف ..... كل شي

عطيها صابون وقولي لها وخليك واقعيه يعني لا تطلبين شي خيال

انتي ربة بيت واكيد تعرفين انك انتي لما كنتي تغسلين كم علبه من فيري

يلزمك خلال شهر مثلا

قولي لها هذا لشهر واحد بس

يعني شوي شوي عليه هههههههههههه

بالنسبه للملابس علميها مكيال الي تستخدمينه

ونفس الشي للرز وغيره ....

::::::::::::


والله يوفقك ان شاء الله

واي استفسار حاضرين لك يا اختي ...

اذ تعرفين دعاء الريح قوليه اول ما تشوفينها ) وقولي اللهم اكفينيها بما شئت وكيفما شئت انك على كل شي قدير

مشكورات الله يجزاكم خير اسعدتني ردودكم ونصايحكم كثيرا ان شاءالله استفيدمنه الله يوفقكم يارب

اب.....

اب...

هلا وغلا ..

اولا ً انا ماعندي خبره بس بقولج تعامل الوالده مع الخدامه ،،

اول مايت راحت الغرفه وتبي تصلي ،، المهم خلصت صلاتهاا ،، وطلعت برع غرفتها جان اتقولي مدام انا ابي مفتاح غرفه .... نعم !!

ماشئ مفتاح ،، بوزت ودشت الحجره ..

اخوي سمع الي صار جان يقول هالخدامه شكلهاا ناويه اتسوي مشاكل وعندها بلاوي ..

المهم قالي روحي قولي حق الخدامه اتسويلي همبرجر ،، قتله نعم شو همبرجر الحين تالي الليل والحرمه مابتسوي انا الي بسوي ،،

جان يقول لأ انا ابيها هي الي اتسويه ،، عاد اخوي عنيد ،،

المهم قلت انا ميخصني وامي الي راحتلهاا <<<<<<<<<< بل قالت قصه حياتهاا خخخخخ

المهم راحت سوت همبرجر ،، واول ماراحت على طول امي دخلت غرفتهاا وفتشت اغراضهاا بس مالحقت عليهم كلهم ..


ثاني يوم راحت السوق واشترت لهاا بنطلون استريش علشان تلبسه من تحت الجلابيه ..

حضرتهاا يايه من دون بناطلين الي تنلبس تحت الجلابيه ..

المهم بعدين بين فتره وفتره روحي غرفتهاا وسوي تفتيش ..

وساعات عامليها معامله هاديه ساعات رصي عليهاا ..

والا تراها بتركب براسج ،،

وبتدخل في الي عليها والي مب عليهاا ...

واذا عندج عيال بليز ديري بالج على عيالج من الخدم والله من كثر مانسمع عن سوالفهم ،، شاب شعر راسناا ..

والاكل الي روح سوي ،، بس خليها اتساعدج مثلاً اتقص الدياي او بصل وغيره

وكل اسبوع خليهاا اتغسل الحمامات 3 مرات ..

واهم شئ انها اتكون نضيفه ..

واي شئ تلبيه تسألج عليه لان البعض منهم يحبون يرمسون الرياييل ..