¦◦˚εïз˚◦¦ تعــالوا جـوفـوا آخر التطورات في الرسم الرقمي ¦◦˚εïз˚◦¦

(الموضــوع ثقيــل..فنطروا عليــه شـوي )
:o

طبعـــاً يمكن أغلبكم يعرف عن أدوات الرسم الرقمي (Digital Painting) و اللي ظهر بكثره في هالفتره الأخــيره..

للي ما يعرف شنو هو الرسم الرقمي, هو الرسم بإستخدام أدوات خاصه في برامج التصاميم العاديه مثل برنامج الـ Photoshop , الـ Corel Painter , الـ PaintShopPro و غيرهم.

الأدوات هي قلم رقمي (Digital Pen) مع اللوحه الرقميه (Tablet) الخاصه به, و هاي بعض من أنواعهم:

مثل ما تجوفون, القلم يشبه قلم الرسم التقليدي, و فيه درجة حساسيه هي اللي تخليه مثل القلم العادي.و هاي الحساسيه للتحكم بدرجه كثافة اللون. يعني لين تضغط على القلم بخفيف, يصير عندك خط خفيف, و كل ما تزيد الضغط يغمج اللون. و فيه حبات تمثل يسار و يمين الماوس.و المعروف شركة Wacom هي من أفضل الشركات المصنعه لهذي الادوات.

و يمكن البعض يعتقد ان الرسم بهالأدوات سهل مثل الرسم التقليدي, لكنـه صعب و يتطلب مهاره و تدريب متواصل عشان اليد تاخذ على الرسم بالقلم و التأقلم مع قوة الضغط . و هالكلام
من تجربه شخصيه, لأن عندي هالأداه و في البدايه قلت انه بيكون سهل لكن طلع صعب (n)

هاي مجرد بدايه عشان اعرفكم على آخر ما وصلت له شركة Wacom ..

و اللي اهوه ...

مثل ما هو واضح..في هالأداه الرسم بالقلم يكون مباشره على اللوحه, يعني جنكم ترسمون على ورقه مباشره

و هذي بعض من الرسومات اللي رسمها افضل الرسامين الرقميين في نظري:

Forward

هالأعمــال تاخذ تقريبا بين 25-70 ساعه لإنتهائها !

في الأخــير, اتمنى هالموضوع ينــال على إعجــاب الجمــيع و اتمنى اني وفقت في توضــيح هالأدوات و تعريفكم على الرسم الرقمي.

:wink:

[الموضوع مجهـود شخصي..يرجى عدم النقل]