مساعده مستعجله
ع
01-06-2008 | 09:25 PM
شخباركم بنات عندي طلب لكل ام فطمت ابنها عن الرضاعه لانه اني حديثه في السالفه ابني عمره الحين 18 شهر واريد ابتدي وياه الفطام انصحوني شنو الطريقه الي استخدمه وياه مع العلم انه يشرب واجد الحين واني اريد افطمه قبل شهر رمضان لانه في شهر رمضان اكمل السنتين
ا
01-06-2008 | 10:06 PM
ابنك في عمر بنتي بس للحين مافطمتها بس في النهار فاطمتنها والليل اعطيها حزه النوم
يعني الى الحين ماجربت بس استخدمي المره وانشاء الله تستفيدي
يعني الى الحين ماجربت بس استخدمي المره وانشاء الله تستفيدي
ا
02-06-2008 | 01:48 AM
انا ماعندي خبرة لان بنتي عمرها 5شهور وماكان فيني حليب :sad: يعني نحرمت بنتي وماكانت تشرب
انشاء الله البنات يفيدونج ماحبيت ادش وما ارد
انشاء الله البنات يفيدونج ماحبيت ادش وما ارد
!
02-06-2008 | 02:49 AM
اهلا اختي ،،
شكله ولدك بعمر ولدي ماشاء الله .. ! حتى ولدي بشهر رمضان يكمل السنتين !
انا فطمت ولدي لما كان عمره سنة و خمس شهور .. لان صا معاي تشقق حاد و ما قدرت اواصل معاه و هذا بالاضافة الى تعلقه بشكل فضيع بالرضاعه .. و اكله قليل جدا بهالسبب .. و انا طفشت بالنهاية و الحمدلله جت من الله ، و اضطريت افطمه عشان اني اتألم !
المــهــم /
أفضل طريقة هي التدرج ..
يعني اول 3 ايام ارضعيه بس لوقت النوم .. نومة الليل و الظهر .. ! و تحذري انك تضعفين او تملين و تعطينه بوقت ثاني لانه جذي بتطول معاك الى اسابيع و يمكن شهر !
بعدها ارضعيه لنومة الليل و بس ، و لو صحى بنص الليل اعطيه ماء .. طبعا خلي يمك كاس ماء حتى يكون جاهز .. ! لو رفض الماء و هذا شي اكيد ، لا ترضعيه ، بس خليه على رجولك و هزيه !
اللي بعدها خلاص اتركي الرضعه الليلية ! و بيضطر يشرب الماء و لو ما شرب راح يصحى من جديد و يشربه !
بيمر عليك اسبوع مليء بالتعب النفسي و الجسدي .. بيصرخ بأعلى صوته وقت النوم و بيسهرك بعد ، بس بيكون اهدأ شوي ثاني ليلة .. ! و ان شاء الله يمر الاسبوع و يكون مفطوم بنجاح !
انا توقعت ان فطام ولدي يكون صعب و متعب ، و الكل تعجب ! لان يشوفون ولدي على طول سادح نفسه بحضني و يشرب ! بس الحمدلله ما تعبني بفطامه .. بعدها راح تحسي بانك انجزتي شيء رائع !
بتلقينه بعدها ياكل بشكل جيد ، بتكون اعصابه اهدأ من قبل ، راح تحسين باستقلاليته عنك بشكل ملحوظ !
شهر رمضان راح يكون بداية 9 انتي ابتدي بشهر 8 افضل !
موفقة اختي !
شكله ولدك بعمر ولدي ماشاء الله .. ! حتى ولدي بشهر رمضان يكمل السنتين !
انا فطمت ولدي لما كان عمره سنة و خمس شهور .. لان صا معاي تشقق حاد و ما قدرت اواصل معاه و هذا بالاضافة الى تعلقه بشكل فضيع بالرضاعه .. و اكله قليل جدا بهالسبب .. و انا طفشت بالنهاية و الحمدلله جت من الله ، و اضطريت افطمه عشان اني اتألم !
المــهــم /
أفضل طريقة هي التدرج ..
يعني اول 3 ايام ارضعيه بس لوقت النوم .. نومة الليل و الظهر .. ! و تحذري انك تضعفين او تملين و تعطينه بوقت ثاني لانه جذي بتطول معاك الى اسابيع و يمكن شهر !
بعدها ارضعيه لنومة الليل و بس ، و لو صحى بنص الليل اعطيه ماء .. طبعا خلي يمك كاس ماء حتى يكون جاهز .. ! لو رفض الماء و هذا شي اكيد ، لا ترضعيه ، بس خليه على رجولك و هزيه !
اللي بعدها خلاص اتركي الرضعه الليلية ! و بيضطر يشرب الماء و لو ما شرب راح يصحى من جديد و يشربه !
بيمر عليك اسبوع مليء بالتعب النفسي و الجسدي .. بيصرخ بأعلى صوته وقت النوم و بيسهرك بعد ، بس بيكون اهدأ شوي ثاني ليلة .. ! و ان شاء الله يمر الاسبوع و يكون مفطوم بنجاح !
انا توقعت ان فطام ولدي يكون صعب و متعب ، و الكل تعجب ! لان يشوفون ولدي على طول سادح نفسه بحضني و يشرب ! بس الحمدلله ما تعبني بفطامه .. بعدها راح تحسي بانك انجزتي شيء رائع !
بتلقينه بعدها ياكل بشكل جيد ، بتكون اعصابه اهدأ من قبل ، راح تحسين باستقلاليته عنك بشكل ملحوظ !
شهر رمضان راح يكون بداية 9 انتي ابتدي بشهر 8 افضل !
موفقة اختي !
ا
02-06-2008 | 03:15 AM
الله يعينك على فطام ابنك لكن حاولي انه
مايحس بلجوع ابدا وفي الليل حاولي
ترضعيه حتى ماتتعبين انت من الحليب
في الصدر راح ياخذ منك وقت طويل
حوالي شهر او اكثر والله معك
مايحس بلجوع ابدا وفي الليل حاولي
ترضعيه حتى ماتتعبين انت من الحليب
في الصدر راح ياخذ منك وقت طويل
حوالي شهر او اكثر والله معك
B
02-06-2008 | 09:42 AM
ماشاء الله انثى كفت ووفت
*
02-06-2008 | 11:09 AM
انا ابني وسام كمان فطمته في سن السنة و5 شهور ... بس هو كان اعتماده الاساسي هذاك الوقت على الحليب الصناعي علشان كدة ما تعبني ابدا ... لهذا ا اقدر افيدك ..
بس الاخت/ انثى كفت ووفت ...
بس الاخت/ انثى كفت ووفت ...
أ
02-06-2008 | 02:13 PM
خيو للحين ماجربت توها الناس على زهورة اتمنى الاخوات يفيدونش
ر
02-06-2008 | 03:18 PM
البنات كفوا و فوا أهم شي انك تتدرجي التدرج بيساعد و ما بيحس الطفل انك تفطميه كل اسبوع او الفتره اللي تحدديها نقصي رضعه و هكذا
ع
02-06-2008 | 09:06 PM
مشكورين خواتي على الردود الجميله وبلخصوص اختي انثى مشكوره على الشرح الجميل ونشاء الله بخبركم عن محاولتي ويا ابني