أنتظــــــــــــر نصايحكم

الحاله النفسيه لها دور .. والهرمونات ..والتغذيه ..والجو ..والعنايه .
أكثري من شرب الماء و اهتمي بالغذاء السليم الصحي .
تجنبي الجنك فود والمقالي والمشروبات الغازيه . استخدمي مايناسب البشره من منتجات العنايه بالبشره و ادعيلي ليل نهار .

تسلمين إختي على نصيحتج

صح اللي قليتيه له دور أساسي بس أنا أبغي كريم أو أي شي أحطه على ويهي حتى يصفي البشره

إذا تبين تقشرين البشره ( رتن أي ) كويس فيه منه كريم و جل و سلوشن ( محلول ) الكريم أخف شي .
يستخدم مساءاً وماينحط أبداً حول العينين . ولازم تحطين واقي شمس في النهار . .. لاتحطينه كل يوم ترا يحمر الوجه . وحطي منه شوي .


إن شاء الله أكون أفدتك .

عزيزتى

برجاء التصفح فى هذا و ستجدى الرد على اسئلتك

الغاليه مشكلتك لها حل باذن الله.. فقط اتبعي نصايح الاخوات.. وبنسبه لنصيحتي لك:

1- اغسلي وجهك بصابون الكبريت (تحصلينه في الصيدليات) للقضاء على الدهون لانه الدهون والافرازات هي التي تسبب في ظهور الحبوب بعد سداد المسامات.. واغسلي وجهك 3 مرات به في اليوم..

2- استخدمي قناع الروب يوميا لانه ينظف المسامات ويقضي على آثار الحبوب..

3- استخدمي قناع الروب+ طماط+ الليمون في الاسبوع مره لتنظيف المسام+ للقضاء على رؤؤس سوداء+ الحبوب..

4- اكثري من اكل الخضروات والفواكه+ شرب الماااااااء على الاقل 7 كؤوس في اليوم..

5- اكثري من شرب السوائل+ الابتعاد عن الدهون والقلوياااااااات والفاست فوود قدر الامكان..

6- غسل الوجه بماء دافئ ثم البارد.. واستخدام ماء الورد البارد لتضييق المسام..

7- نامي مبكرااااااااااااااا واصحي مبكراااااااااااا..

8- ابتعدي عن المشاكل والاكتئاب النفسي والهموم.. واشغلي نفسج بشي يخليج بعيده عن التفكير بالصلاه والقرآن..

9- خذي حبوب الخميره فهو يساعد على تخفيف ظهور الحبوب وصفاء البشره.. عندج ماركة ال Seven Seas.. خذيها بعد كل وجبه حبيتن.. وعلى حسب نوعية جسمج يمكن تمتنين لانه يمتن ويساعد على الانتفاخ.. اذا بغيتيه استخدميه على راحتج.. بس هو مفيد للشعر والبشره والاظافر..

انا بنصحج بكريم الريتين ايي نفس كلام الاخت لامارا.. بس لازم تستشيرين الدكتوره قبل استخدامها لان يمكن بشرتج حساسه.. واذا استخدمتيها لازم ما تطلعين للشمس بدون واقي ولازم تستخدمينه في اول الاسبوع يوميا في النهار لمدة ساعتين يظل على الوجه وثم تغسلينه وفي الليل طوال الليل حتى تقومين من النوم.. واستخدميه في الاجازات عشان تكونين في البيت واتسوينه على راحتج لانه يقشر البشره ويحمرها.. ولازم تستخدمين معاه كريم حمض الفواكه لانه يسعد على تخفيف الاحمرار والتشققات..

وتسلمين :shy:

تسلم إيد كل من كتب نصيحته لي

اشكررررررررررررررج:cool:

اشربي أولا ماء

هدأي من نفسج

ابتعدي عن المشروبات الغازية

استخدمي صابون طبي للبشرة

لا تستخدمين التقشير إذا ويهج فيه حفر بيخترب أكثر

ابتعدي عن التجميل مثل كريم الأساس و البودر يعني ريحي بشرتج

اغسلي ويهج في اليوم 3 مرات

كل 3 أو 2 شهر سوي تنظيف بشرة عند مختصة

و سوي ماسكات للوجه

ممكن تحطين روب على ويهج أو خميرة يصفيه


تحياتي

آسفة نسيت أضيف شي إذا عندكم حفلة و لا أي شي و في حبة مخيفة على ويهكم حطوا عليها شوية عصير ليمون و هي بتيبس بروحها و تطيح بس لا تسون هالحركة دائما بشرتكم بتتيبس عقب و تذوب

لا تنسون بس على الحبة

تحياتي

XxSnow WhitexX
جزاكي الله كل خير

ياليت لو أقدر استغنى عن البودره وكريم الأساس

بس أما أنظف بشرتي بالميلك (من البحر الميت) كل يوم بعد المكياج وقبل النوم

اختي انصحك بالخلطات الطبيعيه احسن ..

تفيد وما تضر ...

غير عن المستحضرات الثانيه لها فوائد وبنفس الوقت لها اضرار...


وما شاء الله على منتدى عروس فيه كل شي تحتاجينه..

بس ارجعي للصفحات القديمه وتصفحي على راحتك واكتبي الخلطات اللي تعجبك في دفتر خاص بس لاتنسين تستعملين بس الخلطات اللي تناسب بشرتك...
واهم شي المداومه..ولا تملين بسرعة

لكن بقولك على اللي احسن من هذا كله ..

وصدقيني اذا داومتي على الللي راح اقوله لك ما راح تندمين..


تبين تعرفين شنو.
طيب انزلي معاي تحت..



















خلى لسانك رطب بذكر الله ...
لان ذكر الله ينير الوجه



والله يساعدك ..

اختك..

جزاك الله خير