السلام عليكم ورحمة الله وبركاتة
هذي اول مشاركة لي بس انا كنت ضيفة دائمة للمنتدى، وانا والله في ظايقه واحتاج للمساعده
ماعندي وقت وحنتي قريبه واحتاج اعرف اي افكار او اي شي يتعلق بالحنه، لحين ماحجزت الحنايه ولا عندي رقم حناية، ولا حجزة الميكب ولا الشعر, ولا شي والحنه مابقى عليها الا شهر. ارجوكم اي احد من البحرين يفيدني بكل المعلومات والطرق الي تخليني اسوي لي حفله حنه مرتبه.
ارجوكم بنات لاتحبطوني وتقولون لي مافي وقت، اليوم بأذن الواحد الأحد باودي الفستان، وهمتكم بمساعدتني , واذا الله قدرني واخذ افكار هذي وعد مني لكم اني اصور لكم الحفله وتفاصيلها بافكاركم خطوة خطوة.
وجزاكم الله الف خير
شكرا
ستومة
(افكار للحنه ومساعده من بنات البحرين)
س
01-06-2008 | 02:02 PM
y
01-06-2008 | 03:27 PM
حبيت أعطيج فكره وإنتي وذوقج
خليه ستايل قديم يعني إذا بتوزعحين حنه حطيه في علب بلاستيك وغلفيه بقطع قماش مثل ثوب النشل وحتى الحلويات خليها حلويات مثل حلويات مال أول زلابيه وهالطخه يعني وقلايد مشموم ورازجي وتوزيعاتج خليها في جفير صغير وحب صغير وحتى الديكور الجلسة اللي بتقعدين فيها خليه وراج سفره قديمه وفنر وسعف وشغلات مال أول
أتمنى تعجبج فكرتي
خليه ستايل قديم يعني إذا بتوزعحين حنه حطيه في علب بلاستيك وغلفيه بقطع قماش مثل ثوب النشل وحتى الحلويات خليها حلويات مثل حلويات مال أول زلابيه وهالطخه يعني وقلايد مشموم ورازجي وتوزيعاتج خليها في جفير صغير وحب صغير وحتى الديكور الجلسة اللي بتقعدين فيها خليه وراج سفره قديمه وفنر وسعف وشغلات مال أول
أتمنى تعجبج فكرتي
ت
01-06-2008 | 06:21 PM
شوفي حبيبتي
اذا حنتج بالبيت خلي اهلج يحطون القماش تبع الحنه بالبيت تقدرين تسوين مسرجج بنفسج او تسوين كوشه حنه بمحل
اذا بنفسج عند خيار انج تعلقين ورى المكان اللي بتقعدين فيه ثوب نشل وتعلقين جامات كبار تحصلينهم برامز وفناره وفيه من نوع كور ملونين حمر وخضر تعلقينهم وياهم وتسوين جلسه حنه مساند خضره وحمره بخلق الحنه
هاي حركه للمسرح اذا تبين بروحج
اما من محل تقدرين تسوين لج على حسب ماانتي تبين وعندي صور اذا حابه برسل لج خاص
عن الافكار:
التقديم: حلوى وزلابيا وخبز رقاق اللي موخالي فيه نوع على الحبه السوده وايد حلو وزنجباري وخنفروش وكباب وغيره من الاكلات مال اول واذا بيتكم عود تقدرين تيبين النسوان اللي يسوون هالاشيه وقت الحفله يعني ياكلونه حار بحار او انج تاخذينه بارز وتحطينه في جفران او سلال مال اول
الحلويات:
خبز وحلوى ورهش وساغو
الهدايا:
ملال صغار حنه وتغلفينه باورغنزا
تسوين نفس العصاره وتحطين فيها حلويات
ملال صغار ينباعون مال العسل وتحطين كاكوو فوقها
واشيه وايد تقدرين تسوينها وماتحتاج تودينها محل
بالنسبه للحنايات :
عندج فاطمه راس رمان
منيره
ام شهد
خلود
رقيا وثريا
بس ارشح فاطمه واذا حابه اساعدج واشوف اذا عندها جانس قولي لي وبسهل عليج الامر
الميكب:
اذا تبين من المحرق انا ارشح ابتسام كمال
ومن غير محرق ماعرف الا صفاء وميكبها فظيع واحبه
وثنتينهم رووعه
التسريحه:
يا انج تخلينه مفلول وتحطين الذهبان
او انج هم تخلينه مفلول ومن جدام تسوي عجفتين وتشبكينهم بمشموم
او اذا تبين برسل لج صور تساريج احسهم خفاف حق حنه
بس في شي ماتطرقت له اللي اهو فستانج هل بيكون تقليدي او هندي.؟
اذا تقليدي لبسي ذهب
واذا هندي لبسي اكسسوارات هنديه
جني نسيت شي
وهو القلايد عندي حرمتين يسوون قلايد شغل عدل اذا حابه خبريني
واذا تبين افكار زوود لايردج الا لسانج
بس لاتنسين العزيمه نبي نشوف هههههه
الله يهنيج ياربي ويتمم فرحج على خير
وتكونين احلى عروس
اذا حنتج بالبيت خلي اهلج يحطون القماش تبع الحنه بالبيت تقدرين تسوين مسرجج بنفسج او تسوين كوشه حنه بمحل
اذا بنفسج عند خيار انج تعلقين ورى المكان اللي بتقعدين فيه ثوب نشل وتعلقين جامات كبار تحصلينهم برامز وفناره وفيه من نوع كور ملونين حمر وخضر تعلقينهم وياهم وتسوين جلسه حنه مساند خضره وحمره بخلق الحنه
هاي حركه للمسرح اذا تبين بروحج
اما من محل تقدرين تسوين لج على حسب ماانتي تبين وعندي صور اذا حابه برسل لج خاص
عن الافكار:
التقديم: حلوى وزلابيا وخبز رقاق اللي موخالي فيه نوع على الحبه السوده وايد حلو وزنجباري وخنفروش وكباب وغيره من الاكلات مال اول واذا بيتكم عود تقدرين تيبين النسوان اللي يسوون هالاشيه وقت الحفله يعني ياكلونه حار بحار او انج تاخذينه بارز وتحطينه في جفران او سلال مال اول
الحلويات:
خبز وحلوى ورهش وساغو
الهدايا:
ملال صغار حنه وتغلفينه باورغنزا
تسوين نفس العصاره وتحطين فيها حلويات
ملال صغار ينباعون مال العسل وتحطين كاكوو فوقها
واشيه وايد تقدرين تسوينها وماتحتاج تودينها محل
بالنسبه للحنايات :
عندج فاطمه راس رمان
منيره
ام شهد
خلود
رقيا وثريا
بس ارشح فاطمه واذا حابه اساعدج واشوف اذا عندها جانس قولي لي وبسهل عليج الامر
الميكب:
اذا تبين من المحرق انا ارشح ابتسام كمال
ومن غير محرق ماعرف الا صفاء وميكبها فظيع واحبه
وثنتينهم رووعه
التسريحه:
يا انج تخلينه مفلول وتحطين الذهبان
او انج هم تخلينه مفلول ومن جدام تسوي عجفتين وتشبكينهم بمشموم
او اذا تبين برسل لج صور تساريج احسهم خفاف حق حنه
بس في شي ماتطرقت له اللي اهو فستانج هل بيكون تقليدي او هندي.؟
اذا تقليدي لبسي ذهب
واذا هندي لبسي اكسسوارات هنديه
جني نسيت شي
وهو القلايد عندي حرمتين يسوون قلايد شغل عدل اذا حابه خبريني
واذا تبين افكار زوود لايردج الا لسانج
بس لاتنسين العزيمه نبي نشوف هههههه
الله يهنيج ياربي ويتمم فرحج على خير
وتكونين احلى عروس
س
02-06-2008 | 08:29 AM
yaqeen f : مشكورة حبيبتي على مرروج
الترجيييييييييييه انتي الله مطرشج لي ، ارجوج كلشي ذكرتني طرشي انا امس رحت شريت الخلق عشان اغطي صاله بيتنا كلها بالخلق مال الحنه وعندي رماميين وباروح اشتري مناظر
احين انا ابي حنايه بس ابي شغل عدل مدل.
وموديل الفستان هندي بس الاكسسوارات الهنديه من وين الاقي مايندرى؟
وعلى العزيمه انتي اول المعزومين :) البيت بيتج حياج الله
الترجيييييييييييه انتي الله مطرشج لي ، ارجوج كلشي ذكرتني طرشي انا امس رحت شريت الخلق عشان اغطي صاله بيتنا كلها بالخلق مال الحنه وعندي رماميين وباروح اشتري مناظر
احين انا ابي حنايه بس ابي شغل عدل مدل.
وموديل الفستان هندي بس الاكسسوارات الهنديه من وين الاقي مايندرى؟
وعلى العزيمه انتي اول المعزومين :) البيت بيتج حياج الله
n
02-06-2008 | 08:51 AM
ستومة اختي
انا خذيت فستان حنه جاهز ستايل هندي من محل اسمه جاندني مجابل محل آخر فرصة الي في المنامة يم سينما الحمرا ولون فستاني اخضر غامق وفيه شك ذهبي متروس اينن :)
فرحت ادور في نفس المنطقه في محلات سواري هنديه يمه وفيها اكسسوارات هنديه ماحصلت شي يناسب فستاني
بس رحت مجمع دلمون في سوق المنامة القديم فيه محلين لاصقين في بعض مال اكسسوارات هنديه واحد يبيع فيه واحد هندي والثاني يبيعون فيه وحده هنديه ووحده فليبينيه هاذي الي خذيت منه اكسسواراتي مال الحنه فضيييييييييييييع كامل طلع علي بـ 26 دينار بس شاقول لج شغل عدل جنج عارضه هنديه خخخخخخخخ
ولين طلعتي من مجمع دلمون مجابلج محل اكسسوارات هنديه بعد عنده اشياء زينه يبيع فيه واحد له قذله على ويهه ههههههههههه وبعد عندج جمن محل في سوق المنامة دوري لج شي يناسبج بتحصلين اشياء وايد
اتمنى اني ساعدتج مثل ما ساعدوني خواتي بالمنتدى
انا خذيت فستان حنه جاهز ستايل هندي من محل اسمه جاندني مجابل محل آخر فرصة الي في المنامة يم سينما الحمرا ولون فستاني اخضر غامق وفيه شك ذهبي متروس اينن :)
فرحت ادور في نفس المنطقه في محلات سواري هنديه يمه وفيها اكسسوارات هنديه ماحصلت شي يناسب فستاني
بس رحت مجمع دلمون في سوق المنامة القديم فيه محلين لاصقين في بعض مال اكسسوارات هنديه واحد يبيع فيه واحد هندي والثاني يبيعون فيه وحده هنديه ووحده فليبينيه هاذي الي خذيت منه اكسسواراتي مال الحنه فضيييييييييييييع كامل طلع علي بـ 26 دينار بس شاقول لج شغل عدل جنج عارضه هنديه خخخخخخخخ
ولين طلعتي من مجمع دلمون مجابلج محل اكسسوارات هنديه بعد عنده اشياء زينه يبيع فيه واحد له قذله على ويهه ههههههههههه وبعد عندج جمن محل في سوق المنامة دوري لج شي يناسبج بتحصلين اشياء وايد
اتمنى اني ساعدتج مثل ما ساعدوني خواتي بالمنتدى
b
02-06-2008 | 09:08 AM
البنااااااااات ما قصروا وياج الله يوفقج ويتمم عليج
وان شاء الله تطلع حفلتج حلووووه
اختج
بحرينيه
وان شاء الله تطلع حفلتج حلووووه
اختج
بحرينيه
د
02-06-2008 | 09:29 AM
الله يعينج حبيبتي أنا ألغيت حفلة الحنه
عشان هالحووووووووسة
أمي كانت طاقة براسها تسوي لي في قاعة الدانة اللي بالرفاع وحاله قلت لها
ما فيني شدة عوار الراس ومصاريف زيادة للبس والشعر
خخخخخخخخخخ شكلي صرت زطية
بس ان شاء الله ما تفنتق لي أمي على آخر الوقت وتقولي
لا بسوي لج حتى لو بالبيت
شكلي بشررررررررد
الله يستر بس :confused:
حبيبتي أنتي سويتيها ستايل هندي
ممكن الحلويات تاخذين حلويات هنديه مثل (( لادو )) على ما اظن هذا أسمه مادري وين يحصلونهم
بس حلوة الحركة
لا تنسين الرازجي على شعرج يعني تسوين شعرج ملموم وفوقه رازجي والفرق من جدام وفيه الأكسسوار الهندي
اذا كانت الحفلة اهليه ممكن أنج تحطين على كامل جسمج خلطة الروب بكركم الجسم
مثل الهنود :D يعني اول الحفلة وبعدين تروحين تغسلين الكركم وتلبسين الساري وتكشخين وترجعين مكانج راح يصير الجو هندي تمام
وان شاء الله تصير حفلتج حلوووووووووووووووة يا قلبي
تحياتي دهن العود :15:
عشان هالحووووووووسة
أمي كانت طاقة براسها تسوي لي في قاعة الدانة اللي بالرفاع وحاله قلت لها
ما فيني شدة عوار الراس ومصاريف زيادة للبس والشعر
خخخخخخخخخخ شكلي صرت زطية
بس ان شاء الله ما تفنتق لي أمي على آخر الوقت وتقولي
لا بسوي لج حتى لو بالبيت
شكلي بشررررررررد
الله يستر بس :confused:
حبيبتي أنتي سويتيها ستايل هندي
ممكن الحلويات تاخذين حلويات هنديه مثل (( لادو )) على ما اظن هذا أسمه مادري وين يحصلونهم
بس حلوة الحركة
لا تنسين الرازجي على شعرج يعني تسوين شعرج ملموم وفوقه رازجي والفرق من جدام وفيه الأكسسوار الهندي
اذا كانت الحفلة اهليه ممكن أنج تحطين على كامل جسمج خلطة الروب بكركم الجسم
مثل الهنود :D يعني اول الحفلة وبعدين تروحين تغسلين الكركم وتلبسين الساري وتكشخين وترجعين مكانج راح يصير الجو هندي تمام
وان شاء الله تصير حفلتج حلوووووووووووووووة يا قلبي
تحياتي دهن العود :15:
ت
02-06-2008 | 11:09 AM
حبيبه قلبي ستومه تسلمين لي عزيزه وغاليه
دام انج قلتي حفلتج هنديه وانا غرامي شي اسمه هندي
انزين بعطيج افكار يديده وصور تساريح تناسب الستايل الهندي
بعضهم حب الافكار وبعضهم انتقد بتمسكهم بالتقاليد ماعلينه
شوفي خلي حفلتج بحريني هندي
يعني الخلق حطيه في بيتكم بس جهه من الجهات اذا عندج ميزانيه سوي كوشه بسيطه من الورد بستايل هندي
بس اذا مافي مجال سوي القعده العاديه
بالنسبه للاكل تقدرين تحطين اللي قلت لج عليه وروحي محل المتاي بتشوفين حلاوه باللون البرتقالي مدور ذوقي اذا عجبج اخذي هاي ياكلونه بالاعراس الهنديه اذا عجبج شتسوي اخذي سله من السعف وحطي عليها خلق اخضر او اي لون يعجبج وحطي هالحلاوه عليه
اعرف محل مادري اذا للحين موجود صج فن يبين فلفل حار وصاب عليه خلطه عجيب عجيب اكله هنديه حلوه لو بتحطينها
المهم خلج منه لان موكل من بياكله هههه
انزين سوي لج قلاده ستايل هندي اللي تييج متينه وطويله وباسئل لج رفيجه امي اهي هنديه وين كانت مسويتها لكنتها
اكسسواراتج في محل في المحرق اليوم اذا قدرت باروح اشوفه لج لاني جني شفت اكسسوارات حلوه عنده وبرد خبر عليج بس الافضل لج روحي نفس ماقالو لج عند مجمع دلمون كله هنود هناك ويبيعون اكسسوارات اخذي مضاعد وايد هههه وناسه
انزين اذا انتي وايد اوكي ويا عيوزج واهي تحب الفناتق باعلمج على شي واذا اهي ماتحب قولي حق خوات زوجج اخذي سلتين المدورين من السعف وحطي عليهم قماش وحده منهم حطي هاي الحلاوه البرتقالي والثانيه القلاده وبوسطها العطورات
تييج عيوزج وتبارك لج وتلبسج القلاده وتأكلج الحلاوه وتخننج بالعطورات وبعدين تعطي امج هديه هههه فديتها امج تستاهل منهم هههه
ترى انه اعطيج افكار للحنه وفي حال كانت حنتج اهي حفله كامله حابه تسوينها يعني عن حفله مستقله
الحين باراويج الكوشه بس اذا انتي حابه سوي مبسطه اكثر

انزين وبنسبه للتساريح


طبعا بدون تاج لان انتي بتحطين اكسسوارات الهنديه ماقلتي لي من زمان جان باخل رفيج ابوي او هندي اتعامل ويا بالهند اييب لي اكسسوارات من حيدراباد
انزين انيي للهدايا:
باراويج الشغل شلون تسوينه


انزين بالنسبه للمكياج يفضل ستايل هندي
او اذا تبين ميكبج اوفر نفس ما انه احبه هههه
خلي جي
واللي صج تجيده صفاء توبلي

انزين انيي للحنايه تبين شغل حلوو فاطمه معروفه بس بتعبين تقعد ع الوحده 6 ساعات
منيره شغلها واحد ومعروفه بالجرات والعصافير
خلود معروفه بس ماتتحصل الا بالزور
ام شهد ماعجبني وايد احسه خفيف ووايد يقدرون يسون مثله
بطرش لج ارقام الحنايات واقدر اساعدج من جهتي اذا كنتي حابه اني اتصل بفاطمه واعطيج خبر اذا تقدر بالتاريخ اللي تبينه او لا
ملاحظه:
بنات اي وحده تستفيد من اللي حطيته تدعي لي بظهر الغيب بالمغفره لي ولاهلي وان الله يرزقني الزوج الصالح عاجلا غير آجل
دام انج قلتي حفلتج هنديه وانا غرامي شي اسمه هندي
انزين بعطيج افكار يديده وصور تساريح تناسب الستايل الهندي
بعضهم حب الافكار وبعضهم انتقد بتمسكهم بالتقاليد ماعلينه
شوفي خلي حفلتج بحريني هندي
يعني الخلق حطيه في بيتكم بس جهه من الجهات اذا عندج ميزانيه سوي كوشه بسيطه من الورد بستايل هندي
بس اذا مافي مجال سوي القعده العاديه
بالنسبه للاكل تقدرين تحطين اللي قلت لج عليه وروحي محل المتاي بتشوفين حلاوه باللون البرتقالي مدور ذوقي اذا عجبج اخذي هاي ياكلونه بالاعراس الهنديه اذا عجبج شتسوي اخذي سله من السعف وحطي عليها خلق اخضر او اي لون يعجبج وحطي هالحلاوه عليه
اعرف محل مادري اذا للحين موجود صج فن يبين فلفل حار وصاب عليه خلطه عجيب عجيب اكله هنديه حلوه لو بتحطينها
المهم خلج منه لان موكل من بياكله هههه
انزين سوي لج قلاده ستايل هندي اللي تييج متينه وطويله وباسئل لج رفيجه امي اهي هنديه وين كانت مسويتها لكنتها
اكسسواراتج في محل في المحرق اليوم اذا قدرت باروح اشوفه لج لاني جني شفت اكسسوارات حلوه عنده وبرد خبر عليج بس الافضل لج روحي نفس ماقالو لج عند مجمع دلمون كله هنود هناك ويبيعون اكسسوارات اخذي مضاعد وايد هههه وناسه
انزين اذا انتي وايد اوكي ويا عيوزج واهي تحب الفناتق باعلمج على شي واذا اهي ماتحب قولي حق خوات زوجج اخذي سلتين المدورين من السعف وحطي عليهم قماش وحده منهم حطي هاي الحلاوه البرتقالي والثانيه القلاده وبوسطها العطورات
تييج عيوزج وتبارك لج وتلبسج القلاده وتأكلج الحلاوه وتخننج بالعطورات وبعدين تعطي امج هديه هههه فديتها امج تستاهل منهم هههه
ترى انه اعطيج افكار للحنه وفي حال كانت حنتج اهي حفله كامله حابه تسوينها يعني عن حفله مستقله
الحين باراويج الكوشه بس اذا انتي حابه سوي مبسطه اكثر

انزين وبنسبه للتساريح


طبعا بدون تاج لان انتي بتحطين اكسسوارات الهنديه ماقلتي لي من زمان جان باخل رفيج ابوي او هندي اتعامل ويا بالهند اييب لي اكسسوارات من حيدراباد
انزين انيي للهدايا:
باراويج الشغل شلون تسوينه


انزين بالنسبه للمكياج يفضل ستايل هندي
او اذا تبين ميكبج اوفر نفس ما انه احبه هههه
خلي جي
واللي صج تجيده صفاء توبلي

انزين انيي للحنايه تبين شغل حلوو فاطمه معروفه بس بتعبين تقعد ع الوحده 6 ساعات
منيره شغلها واحد ومعروفه بالجرات والعصافير
خلود معروفه بس ماتتحصل الا بالزور
ام شهد ماعجبني وايد احسه خفيف ووايد يقدرون يسون مثله
بطرش لج ارقام الحنايات واقدر اساعدج من جهتي اذا كنتي حابه اني اتصل بفاطمه واعطيج خبر اذا تقدر بالتاريخ اللي تبينه او لا
ملاحظه:
بنات اي وحده تستفيد من اللي حطيته تدعي لي بظهر الغيب بالمغفره لي ولاهلي وان الله يرزقني الزوج الصالح عاجلا غير آجل
n
02-06-2008 | 12:38 PM
الترجيه الله يرزقج بالزوج الصالح انشاءالله، يزاج الله خير ورحم الله والديج
انا باسوي التسريحه الاوليه وايد حلوة ماشاء الله
وبالنسبة لهدايا التوزيع شاسوي احط توزيعات حنه ؟؟؟ ولا شنو عطيني افكار
وماقصرتي
انا باسوي التسريحه الاوليه وايد حلوة ماشاء الله
وبالنسبة لهدايا التوزيع شاسوي احط توزيعات حنه ؟؟؟ ولا شنو عطيني افكار
وماقصرتي
ت
02-06-2008 | 01:32 PM
هلا حبيبتي
آمين ويرزق كل بنت بالزوج الصالح
بخصوص التوزيعات لابد وحلاته من ضمن التوزيعات توزعين حنه بس بطريقه حلوه
خذي علب صغار وحطي فيهم حنه وغلفيهم
او سوي عصارات كلش صغار عاد من خام حلوو وحطي فيه الحنه فكره بديله عن العلب ةحطي فوقها كرت حناج عين يابنيه حناج عين ومن هالعبارات
وتقدرين
تاخذين مهفات صغار تلقينهم في مجمع البحرين تحت عند الاسر المنتجه وتلفين طرفها من فوق وتلصقين عليه الكرت ويا كاكاو مثلا
وفي فكره ماقلت عنها وهي يوم الحنه اللي بتسوي حنتها تقليديه تحط جم سفره من خوص السعف بدال السماط وتحطون فوقهم الاكل وتحطوط سله من سعف وتحطوط الرطب فوقها عند مدخل الباب بحيث تحطون عند طاوله التقديم سعفتين يمين ويسار والطاوله بنص وتحطون سله الرطب وخبز رقاق بالحبه السوده وحلوي بسله نفس مالت الرطب
وتقدرون تاخون جدور صغيره كلش حجم اليد وبدل لاتحطون الاكل في صحون وجي حطو الساغو والبثيث والهريس في كل جدر ووزعوا ع الاوادم فكره وايد حلوه عن التلعوز واللويه بعدين لان التعب بيصير اخر الليل
وتقدرين تاخذين حصير بعد صغنونوو قد الجف وتلفينه شوي وتحطين بالنص كاكاو او تلصقين بالنص مله الحنه
وبنات في فكره حلوه بس تحتاج تطبيق
عندكم تاخذون خيش وتسونه على هيئه شنطه وتحطون داخله حنه شويونه مومعيون وشوي بخور الحركه بتطلع وايد حلوه
وطبعا قبل لا اخلص يفضل وقت توزيع الهدايا ان بعضها تنحط بجفران واللي بيوزعون مثلا خواتكم وبنات خالاتكم ويكونون لابسين لباس دفاف مال اول اللي جنهم بشوت ويا براقعها الخاصه ويحطون الجفران على روسهم شغل عدل بيكون هههه
وبما ان الحين الكروشيه قايم سوقه تقدرون تسوون ورده باي لون تبونه وتحطون فوقه تمر مقرطس بشكل حلووو
بعد بامكانكم تاخذون اوراق الطاووس وتحطوه روبيه مغلفه باورغنزا خضر وتاخذون علاق الثياب وترشونه باخضر وتعلقون الروبيه فيه شرايكم بهالحركه :)
آمين ويرزق كل بنت بالزوج الصالح
بخصوص التوزيعات لابد وحلاته من ضمن التوزيعات توزعين حنه بس بطريقه حلوه
خذي علب صغار وحطي فيهم حنه وغلفيهم
او سوي عصارات كلش صغار عاد من خام حلوو وحطي فيه الحنه فكره بديله عن العلب ةحطي فوقها كرت حناج عين يابنيه حناج عين ومن هالعبارات
وتقدرين
تاخذين مهفات صغار تلقينهم في مجمع البحرين تحت عند الاسر المنتجه وتلفين طرفها من فوق وتلصقين عليه الكرت ويا كاكاو مثلا
وفي فكره ماقلت عنها وهي يوم الحنه اللي بتسوي حنتها تقليديه تحط جم سفره من خوص السعف بدال السماط وتحطون فوقهم الاكل وتحطوط سله من سعف وتحطوط الرطب فوقها عند مدخل الباب بحيث تحطون عند طاوله التقديم سعفتين يمين ويسار والطاوله بنص وتحطون سله الرطب وخبز رقاق بالحبه السوده وحلوي بسله نفس مالت الرطب
وتقدرون تاخون جدور صغيره كلش حجم اليد وبدل لاتحطون الاكل في صحون وجي حطو الساغو والبثيث والهريس في كل جدر ووزعوا ع الاوادم فكره وايد حلوه عن التلعوز واللويه بعدين لان التعب بيصير اخر الليل
وتقدرين تاخذين حصير بعد صغنونوو قد الجف وتلفينه شوي وتحطين بالنص كاكاو او تلصقين بالنص مله الحنه
وبنات في فكره حلوه بس تحتاج تطبيق
عندكم تاخذون خيش وتسونه على هيئه شنطه وتحطون داخله حنه شويونه مومعيون وشوي بخور الحركه بتطلع وايد حلوه
وطبعا قبل لا اخلص يفضل وقت توزيع الهدايا ان بعضها تنحط بجفران واللي بيوزعون مثلا خواتكم وبنات خالاتكم ويكونون لابسين لباس دفاف مال اول اللي جنهم بشوت ويا براقعها الخاصه ويحطون الجفران على روسهم شغل عدل بيكون هههه
وبما ان الحين الكروشيه قايم سوقه تقدرون تسوون ورده باي لون تبونه وتحطون فوقه تمر مقرطس بشكل حلووو
بعد بامكانكم تاخذون اوراق الطاووس وتحطوه روبيه مغلفه باورغنزا خضر وتاخذون علاق الثياب وترشونه باخضر وتعلقون الروبيه فيه شرايكم بهالحركه :)
ت
02-06-2008 | 02:19 PM
انا رجعت من يديد
بنات احلى شي ترى ولاتنسون سفره العجم خو الحين المحلات قامت تتفن بها
وبعد قبل لا انسى حطو صندوق مبيت موشرط عود يم العروس وخلوه مبطل ونزلوا منه لولو ويازعم ذهبان بس انتوا لاتحطون ذهب وحطووا جمتات (ماعرف غير المحرقي بس المعنى انه تاخذون مثل القماش وتحطون يازعم دزتها جم قطعه روحوا تشروا قطع ام خماس 3 مثلا هاي في وحده وجمته حطوا فيها يازعم كحل مال اول ونعال مالت اول ويازعم مشطها وهالغريضات اللي عندها يده تروح تسألها بعد)
عاد شتسون قبل لاتحطونهم خوات العروس قبل قلت يشيلونهم على راسهم وجود اهم لابسين دفاف اول ويا براقعهم عاد موجمتتين بس 4 على الاقل ويشيلونهم وجدام ثنتين شايلين الصندوق المبيت وليما يوصلون عند العروس ياخذون صوره وياها وبعدين يقعدون حلوها ويازعم يبطلون الجمتات ويا الصندوق يازعم يشوفون اغريضاتها وبعدين يحطونه بشكل مرتب صوبها..
بنات احلى شي ترى ولاتنسون سفره العجم خو الحين المحلات قامت تتفن بها
وبعد قبل لا انسى حطو صندوق مبيت موشرط عود يم العروس وخلوه مبطل ونزلوا منه لولو ويازعم ذهبان بس انتوا لاتحطون ذهب وحطووا جمتات (ماعرف غير المحرقي بس المعنى انه تاخذون مثل القماش وتحطون يازعم دزتها جم قطعه روحوا تشروا قطع ام خماس 3 مثلا هاي في وحده وجمته حطوا فيها يازعم كحل مال اول ونعال مالت اول ويازعم مشطها وهالغريضات اللي عندها يده تروح تسألها بعد)
عاد شتسون قبل لاتحطونهم خوات العروس قبل قلت يشيلونهم على راسهم وجود اهم لابسين دفاف اول ويا براقعهم عاد موجمتتين بس 4 على الاقل ويشيلونهم وجدام ثنتين شايلين الصندوق المبيت وليما يوصلون عند العروس ياخذون صوره وياها وبعدين يقعدون حلوها ويازعم يبطلون الجمتات ويا الصندوق يازعم يشوفون اغريضاتها وبعدين يحطونه بشكل مرتب صوبها..
ص
02-06-2008 | 02:40 PM
ماشاءالله عليهم البنات ماقصروا خاصه اختنا الترجيه الله يوفقها ان شاءالله ويرزقها بالزوج الصالح وانا معاها يارب..
نحنن حق حنة اختي..
كنا مسوين معاصير حنه صغيره ولافينها بتور اخضر و احمر وحاطين عليها كروت ..
وبعد قماش مال الاول الملون الاخضر وحاطين فيه مكسرات ولفيناها ..
ومهفات صغيره ولزقنا عليها كافي..
وكنا جايبين وحده تسوي خبز رقاق..
وكنا مسوين هريس ومضروبه وعصيد وخبيص وساقو..
الكوشه كنا حطين خلق اخضر وحصير ومناظر وحب وصندوق مبيت وفيه الذهب وشغلات وايد ..
وطلعنا قدامها وحده شاله القرآن
وثنتين شالين المداخن وثنتين شالين المرشات..
والطاولات سوينها برحنا خذنا قماش اخضر بالفولك وحطيناه على الطاولات وخذنا سلال صغيره وحطينا عليها مكسرات وفطاير وحطيناها على الطاولات وحطينا مزهريات كبيره فيها مشموم ..
وماشاءالله كان كل شي رووعه ..
مع حبي
نحنن حق حنة اختي..
كنا مسوين معاصير حنه صغيره ولافينها بتور اخضر و احمر وحاطين عليها كروت ..
وبعد قماش مال الاول الملون الاخضر وحاطين فيه مكسرات ولفيناها ..
ومهفات صغيره ولزقنا عليها كافي..
وكنا جايبين وحده تسوي خبز رقاق..
وكنا مسوين هريس ومضروبه وعصيد وخبيص وساقو..
الكوشه كنا حطين خلق اخضر وحصير ومناظر وحب وصندوق مبيت وفيه الذهب وشغلات وايد ..
وطلعنا قدامها وحده شاله القرآن
وثنتين شالين المداخن وثنتين شالين المرشات..
والطاولات سوينها برحنا خذنا قماش اخضر بالفولك وحطيناه على الطاولات وخذنا سلال صغيره وحطينا عليها مكسرات وفطاير وحطيناها على الطاولات وحطينا مزهريات كبيره فيها مشموم ..
وماشاءالله كان كل شي رووعه ..
مع حبي
ت
02-06-2008 | 02:47 PM
ماشاءلله الصلاه ع النبي محمد
الله يوفق اختج ياربي ويتمم عليهم بالخير
واللهم آمين ويرقج ويرقج كل من يتمنى الستر ياربي
ترى وايد حلوه فكره ان تيبوون نسوان متخصصين يسوون خبز رقاق وخنفروش وكباب وقت الحفله اذا كان في عندكم حوش
ههههههه ستومه سامحيني وايد خذت ع الموضوع جنه لي
الله يوفق اختج ياربي ويتمم عليهم بالخير
واللهم آمين ويرقج ويرقج كل من يتمنى الستر ياربي
ترى وايد حلوه فكره ان تيبوون نسوان متخصصين يسوون خبز رقاق وخنفروش وكباب وقت الحفله اذا كان في عندكم حوش
ههههههه ستومه سامحيني وايد خذت ع الموضوع جنه لي
س
03-06-2008 | 12:40 PM
nooral9ba7
مشكورة يجزاك الله الف الف الف خير ، انا اليوم باحاول اروح المحلين هذولي وانقي لي شي .
شكرا يا قلبي
دهـن العـود
شكرا ياعزيزتي على ممروج ، مشكلتج نفس مشكلتي بالظبط امي الا تسوين حنه، والا افرح فيج، معني مسويه خطوبه شكبرها واحين الوالده تبي حنه, يلا شنسوي خل نفرحهم فينا. وافكارج حلوة بس باروح اجيك الحلاوة :P
الترجيه
انا قد ماقول مشكورة ويزاج الله خير، احس اني مابفوي لكل الي قاعده تسوينه لي، انا احبج في الله ، مشكورة والله ماقصرتي، بالنسبه للي ذكرتي كله سويته برنت عشان اخلي خواتي في البيت يساعدوني في الترتيب والاختيارات.
وبعدين انا احين اطلب منج المساعده تقولين لي خذت من الموضوع شفيج الله يهداج، اذا على الموضوع حلالج اهو وراعيته بس ابي مساعدتكم بس
والله يغفرلج يارب ويغفر لهلج، ويرزقج بالزوج الصالح عاجلا امين يارب العالمين وتسوين موضوع عشان اقدر ارد جزء من هالي تسوينه لي 
صمت العيونA
اي والله مثل ماقلتي اختي الترجيه ماقصرت يزاها الله الف خير، وشكرا على ممروج وافكارج ترى انا بعد في بالي اسويها ستايل قديم
مشكورين كل الي مرو وافادوني بافكارهم وكل الي تواصلو وياي على الخاص
اختكم
ستتومة
مشكورة يجزاك الله الف الف الف خير ، انا اليوم باحاول اروح المحلين هذولي وانقي لي شي .
شكرا يا قلبي
دهـن العـود
شكرا ياعزيزتي على ممروج ، مشكلتج نفس مشكلتي بالظبط امي الا تسوين حنه، والا افرح فيج، معني مسويه خطوبه شكبرها واحين الوالده تبي حنه, يلا شنسوي خل نفرحهم فينا. وافكارج حلوة بس باروح اجيك الحلاوة :P
الترجيه
انا قد ماقول مشكورة ويزاج الله خير، احس اني مابفوي لكل الي قاعده تسوينه لي، انا احبج في الله ، مشكورة والله ماقصرتي، بالنسبه للي ذكرتي كله سويته برنت عشان اخلي خواتي في البيت يساعدوني في الترتيب والاختيارات.
وبعدين انا احين اطلب منج المساعده تقولين لي خذت من الموضوع شفيج الله يهداج، اذا على الموضوع حلالج اهو وراعيته بس ابي مساعدتكم بس
والله يغفرلج يارب ويغفر لهلج، ويرزقج بالزوج الصالح عاجلا امين يارب العالمين وتسوين موضوع عشان اقدر ارد جزء من هالي تسوينه لي 
صمت العيونA
اي والله مثل ماقلتي اختي الترجيه ماقصرت يزاها الله الف خير، وشكرا على ممروج وافكارج ترى انا بعد في بالي اسويها ستايل قديم
مشكورين كل الي مرو وافادوني بافكارهم وكل الي تواصلو وياي على الخاص
اختكم
ستتومة
n
04-06-2008 | 09:29 AM
بنات جاتني فكرة حبيت اشارككم فيها
روحو اجمل او اي مكان يبيع عطور هندية يا على الياسمين الهندي أو خشب الصندل أو الروز واسوي على عدد الحضور في الحنة ربع تولة واحطها في اكياس اوجانزا
شرايكم؟؟؟؟؟؟؟؟؟؟؟؟؟؟؟؟؟؟؟
روحو اجمل او اي مكان يبيع عطور هندية يا على الياسمين الهندي أو خشب الصندل أو الروز واسوي على عدد الحضور في الحنة ربع تولة واحطها في اكياس اوجانزا
شرايكم؟؟؟؟؟؟؟؟؟؟؟؟؟؟؟؟؟؟؟
ت
05-06-2008 | 06:44 PM
حلوه الفكره عندج تلقين الياسمين في جنيد
س
08-06-2008 | 08:33 AM
بنات سمعتوا عن وحده تمكيح اسمها شيماء في الرونق؟
متوهقه في المكياج لحين ماحجزت ولا عندي وقت :(
متوهقه في المكياج لحين ماحجزت ولا عندي وقت :(
ت
08-06-2008 | 01:11 PM
ستومه
سمعت عنها انه ناعم
بس باسئلج انتي لقيتي حنايه او تبين مساعده
وتاريخ جم حنتج اذا مالقيتي عشان اساعدج
والميكب عندج ابتسام كمال في البسيتين او صفاء واذا حابه اشوف لج ابتسام قولي لي وبكلمها
ومايصير خاطرج الا طيب
سمعت عنها انه ناعم
بس باسئلج انتي لقيتي حنايه او تبين مساعده
وتاريخ جم حنتج اذا مالقيتي عشان اساعدج
والميكب عندج ابتسام كمال في البسيتين او صفاء واذا حابه اشوف لج ابتسام قولي لي وبكلمها
ومايصير خاطرج الا طيب