جيت أتكلم عن حفتلي..
بدايةً
شحوالكم؟؟؟
ثانياً...
تفضلوا بطاقة الدعوة عشان تحضرون الحفلة :21_182:
بطاقات الدعوة وصيت عليهم في مصر وطلع عليي واجد أرخص
---
يوم الحفلة كان يوم حافل.. المسرح أو الكوشة من تصميمي.. بس ما أقدر اشرف عليه لأن العروس بالعادة تكون مشغولة بأشياء أهم وهي الصالون والتجهيز للحفلة الكبيرة.. اللي أشرف على الصالة مشكورين (أخويي + أبويي+ خطيبي + صديقاتي شلة 2.2 فديتهم كلهم)
اللي سوت شعري فوزية في صالون فاطمة شويطر.. الشعر 45 دينار
واللي سوت المكياج صفاء في صالون صفاء... المكياج 60 دينار
جهزت بعد معاناة كبيرة الساعة 5 وربع... جان أكتشف أني ما عطيت أخويي الرصيد عشان يجيب باقتي من الرفاع!
وجاني اخويي بسيارة الزفة ورحنا مشوار إلى الصالة لأن أخويي كان لازم يوصل أغراض الصالة
خطيبي بعد وقف سيارته في الصالة وركب ويانا سيارة الزفة
وعلى طول انطلقنا إلى الرفاع عشان أجيب باقتي وسلة طقم الذهب اللي شفتونها في الموضوع الخاص عنها
الوقت كان يمشي! موعدي في الاستوديو الساعة 6!!
وأني الجوع قاتلني لأني على لحم بطني من الصبح! ما اكلت ولا شي وما شربت إلا ربع قلاص ماي فقط! وكنت في حالة يرثى لها من التعب بس مو طايقة أكل شي
اخذنا الباقة
سويتها في لاريسا... عطيتهم قطعة من قماش فستاني.. والمطلوب زهور الأوركيد... والحمد لله طلعوا يقدرون يوفرون لي الأوركيد الأزرق لأن لونه قريب من لون فستاني.. وجابوه ليي أوردر من هولندا
طبعاً أضافوا للباقة كريستالات ويا سبحان الله زهر طبيعي 100 بالمئة ورائحته عجيبة! والأحلى أن صار ضبط مع لون فستاني
وأكلنا سنكرز وعصير كي دي دي :biggthum:
وانطلقنا إلى ستوديو سكوب في شارع البديع! كان مشوار طويل وزحمة قاتلة لأن يوم الجمعة!
وصلت الستوديو الساعة 6:35 دقيقة وكانوا الستوديو كل شوي يتصلون فيني ان تأخرت وفي عرايس غيري
المهم دخلت وأخذنا في التصوير حوالي ساعتين
أخواني اثنينهم رتبوا إلى الزفة.. واحد جاب ليي سيارة لكسز بيضة آخر موديل والثاني رتب ليي ربعه كلهم في الزفة.. ومشينا في موكب طويييييييل وبطيء من البديع إلى صالة طيران الخليج في سلماباد
وصلت الصالة بالضبط بالضبط 10:10
وركيض ركيض رتبت الذهب في السلة
والساعة 10 ونص.. دخلت الصالة
بعد ما طفوا الأنوار وشغلوا الشموع ...
وما عورت راسي واجد وية السنتر بيس مال الطاولات! لأن خساير على قلة الفايدة
اشتريت كاسات طويلة من رامز
وحشيتهم شمعة زرقاء مناسبة مع أحجار وصدف
ونثرت على الطاولات بتلات ورد صناعية زقاء
وللأسف محد صور ليي الطاولات.. بس أني صورت لكم في البيت شكل الكاسات
والشمعة مولعة
وهذا اللي شفته في الانترنت من أصل وقلدت عليه :21_11:
دخلت الزفة.. اول كانوا بنات أخويي فطوم وزهور (5 سنوات ونص- 4 سنوات ونص) قدام وحاملين سلتين ورد ولابسين فساتين لونها برتقالي على بطيخي (لون الغروب) مع حزام من ورود زرقاء نفس لون فستاني.. وتاج كله ورود زرقاء نفس لون فستاني.. مشوا بهدوء وهم يرمون بتلات ورد برتقالية في الممر يمين ويسار
وخلفهم حماتي حاملة سلة الذهب..
وبعد ما وصلوا إلى الكوشة
طليت أني على الصالة مع خطيبي بفستان لونه غريب (أزرق على رصاصي على برونزي على ذهبي) اللون مو ثابت ويتغير حسب الإضاءة والحركة ومدخلة فيه ورود برتقالية لون الغروب عند الخصر وبدون شك لأن الورد ماخذ الديزاين كله.. (ستايل أوروبي وناعم)
المسرح مالي بسيط ومافيه غفصة طلبت الألوان والشكل من عند شخص يملك محل في جد علي اسمه (مجيد للأفراح)
أسعاره حليوة .. طيب وشاطر ويسوي اللي في خاطرك
وطلبت مسرح بسيط ويؤدي الغرض وفي نفس الوقت يعطيني المنظر المتواضع اللي حبيته واجد مع بعض التعديلات اللي تمنيتها بس ما بقدر اتصرف
لأني عطيت الأوامر ورحت الصالون وية غفصتي وما شفت الصالة إلا يوم دخلت في الزفة! يعني ما كنت اعرف شكلها مول
وهذا شكل المسرح
التصوير مو كلش
وهذا ممر الصالة.. التصوير مأساوي وظلام... والسجاد كل ما يثبتونه يزيح
أشوة ما كنت حاطة بالي حزة الحزة لهالسوالف جان جتني الأعصاب.. هالسوالف ما شفتها إلا في الفيديو :2_29:
بعد ما وصلنا للكوشة وقعدنا.. صار تلبيس الذهب والدبل
وعقب شربنا العصير
وهذا هم قلاصات العصير عقب ما زينتهم بروحي في البيت
ولا والقهر اني اشتريت قلاصات غير وزينتهم وخلصت جان ينكسر واحد منهم واضطريت ارد اروح اشتري من اول وجديد بس ما حصلت نفس الشي ولهذا اشتريت شكل ثاني ورديت زينتهم عموماً هذا هم
وهذا بعد ما حطوا فيهم العصير
وبعدين نزلنا مع بعض من على الكوشة إلى زاوية الكيكة عشان نقصها ( في هالأثناء كان في موسيقى كلاسيك تشتغل والناس تاكل)
نفسه اللي سوى لي الكوشة خليته يسوي ليي زاوية للكيكة.. خربوها عليي كنت أمبيها مواجهة الناس قاموا قلبوها على جنب (يعني لازم أكون متواجدة في كل مكان) بس يلا بعد حويو
كيكتي سويتها عند أم حسام.. عطيتها قطعة من قماش فستاني عشان تسوي لون قريب له وأني اللي قلت لها تسويها 3 طوابق بس
كيكة فانيلا محشية بتوت وكستر
وهذي الصحن وسكين الكيك والسكين والشوكة... اشتغلت عليهم بتزيين بسيط في البيت وبإيدي
بعدها الناس جت تسلم عليي وتبارك ليي.. وكنت أعطيهم توزيعات! بس المشكلة أن ستاند التوزيعات كان لازم ينحط جنبي.. بس انحط بعيد عني! والتوزيعات فص ملح وداب لأني مو صوبهم ومو اني اللي أوزعهم! كانت اللي تجي تسلم عليي أقول لها روحي اخذي لش! والقهر كنت اشوف ناس ما يجون يسلمون عليي لكن ركيض إلى الستاند ياخذون من التوزيعات!
هذا ستاند التوزيعات مالي... الستاند مو ذاك الزود وبصراحة ما عورت راسي فيه.. اللي سوا ليي المسرح قلت له مرة وحدة سو ليي ستاند للتوزيعات وبدون ما افكر شنو بيسوي.. عكس المسرح اللي رسمته له كامل وتشيرطت فيه
المهم توزيعاتي مثل ما انتون شايفين عبارة عن أقلام تحمل عبارات... هذي الأقلام سويتها أوردر من أمريكا وما صدقت على الله يوصلوني لأن كلفوني واجد
وهذا نموذج للقلم
القلم يفتح وينصك بطريقة الضغط.. كل ضغطة تطلع ليي عبارة مختلفة.. وهم عبارة عن 4 عبارات اختارهم بنفسي
أول عبارة كانت اسمي واسمه
ثاني عبارة كانت عبارة عن تاريخ الحفلة 28/3/2008
ثالث عبارة كانت A love as endless as time
رابع عبارة كانت Thank you for sharing this day with us
وهذي صورة القلم الأصلي
بعدين دخلوا في زفة أمي وأبويي وأخواني
باركوا لينا وصوروا ويانا..
أمي وأبويي أهدوني طقم ذهب
وأهدوا خطيبي ساعة من داماس
بعدين الناس بدت تطلع
كان عند استقبالهم في الخروج طاولة به العطور اللي اختفت بقدرة قادر والبخور اللي اختفى هو بعد وية الفحم! بطة جبد مو؟؟
المهم...
في الصالة وعند بوابة الدخول حطيت طاولة عليها الستاند اللي شفتونه في سفرتي مع الصحون
وحطيت في كل صحن شي
صحن بطيخ مقطع مكعبات
صحن فراولة وتوت بري
صحن بسكوت
صحن مارشميلو
وصحن أناناس مقطع مكعبات
وحطيت أعواد خشبية للأكل بالإضافة إلى نافورة الشوكولاته في وسط الستاند
بس خسارة صوروها قبل ما يحطون نافورة الشوكولاته
في الزاوية أكيد تشوفون لوحة مع قلم مسدول
هذي اللوحة سويتها عشان الحضور يكتبون لي فيها تذكار بدل دفتر التوقيعات والحضور :)
هذي عقب ما كتبوا فيها وجبناها البيت
وهذي صورة من النت لنافورة الشوكولاتة.. نفس مالتي بالضبط وكانت محطوطة وسط ستاند الفواكه.. اللي ياكل يغمس في الجوكوليت الساخن واللي ينزل من النافورة.. يم يمييي
كان يوم مميز وجميل وحافل
ورغم الأخطاء اللي صارت.. والأشياء الصغيرة اللي تعكر
إلا أنها فرحة ما بعدها فرحة... استانست أن كل شي تمنيته صار مثل ما أمبيه وأحسن
والمايك لكم وللي حضروا!
ملاحظة:
ما أوصيكم.. انتون كبار وتعرفون الصح من الخطأ
انقلوا على راحتكم.. بس اذكروا المصدر لا تخلوني ازعل
شطااااااار.. عفية عليكم
عيب ينسبون الشغل لنفسهم
بدايةً
شحوالكم؟؟؟
ثانياً...
تفضلوا بطاقة الدعوة عشان تحضرون الحفلة :21_182:
بطاقات الدعوة وصيت عليهم في مصر وطلع عليي واجد أرخص
---
يوم الحفلة كان يوم حافل.. المسرح أو الكوشة من تصميمي.. بس ما أقدر اشرف عليه لأن العروس بالعادة تكون مشغولة بأشياء أهم وهي الصالون والتجهيز للحفلة الكبيرة.. اللي أشرف على الصالة مشكورين (أخويي + أبويي+ خطيبي + صديقاتي شلة 2.2 فديتهم كلهم)
اللي سوت شعري فوزية في صالون فاطمة شويطر.. الشعر 45 دينار
واللي سوت المكياج صفاء في صالون صفاء... المكياج 60 دينار
جهزت بعد معاناة كبيرة الساعة 5 وربع... جان أكتشف أني ما عطيت أخويي الرصيد عشان يجيب باقتي من الرفاع!
وجاني اخويي بسيارة الزفة ورحنا مشوار إلى الصالة لأن أخويي كان لازم يوصل أغراض الصالة
خطيبي بعد وقف سيارته في الصالة وركب ويانا سيارة الزفة
وعلى طول انطلقنا إلى الرفاع عشان أجيب باقتي وسلة طقم الذهب اللي شفتونها في الموضوع الخاص عنها
الوقت كان يمشي! موعدي في الاستوديو الساعة 6!!
وأني الجوع قاتلني لأني على لحم بطني من الصبح! ما اكلت ولا شي وما شربت إلا ربع قلاص ماي فقط! وكنت في حالة يرثى لها من التعب بس مو طايقة أكل شي
اخذنا الباقة
سويتها في لاريسا... عطيتهم قطعة من قماش فستاني.. والمطلوب زهور الأوركيد... والحمد لله طلعوا يقدرون يوفرون لي الأوركيد الأزرق لأن لونه قريب من لون فستاني.. وجابوه ليي أوردر من هولندا
طبعاً أضافوا للباقة كريستالات ويا سبحان الله زهر طبيعي 100 بالمئة ورائحته عجيبة! والأحلى أن صار ضبط مع لون فستاني
وأكلنا سنكرز وعصير كي دي دي :biggthum:
وانطلقنا إلى ستوديو سكوب في شارع البديع! كان مشوار طويل وزحمة قاتلة لأن يوم الجمعة!
وصلت الستوديو الساعة 6:35 دقيقة وكانوا الستوديو كل شوي يتصلون فيني ان تأخرت وفي عرايس غيري
المهم دخلت وأخذنا في التصوير حوالي ساعتين
أخواني اثنينهم رتبوا إلى الزفة.. واحد جاب ليي سيارة لكسز بيضة آخر موديل والثاني رتب ليي ربعه كلهم في الزفة.. ومشينا في موكب طويييييييل وبطيء من البديع إلى صالة طيران الخليج في سلماباد
وصلت الصالة بالضبط بالضبط 10:10
وركيض ركيض رتبت الذهب في السلة
والساعة 10 ونص.. دخلت الصالة
بعد ما طفوا الأنوار وشغلوا الشموع ...
وما عورت راسي واجد وية السنتر بيس مال الطاولات! لأن خساير على قلة الفايدة
اشتريت كاسات طويلة من رامز
وحشيتهم شمعة زرقاء مناسبة مع أحجار وصدف
ونثرت على الطاولات بتلات ورد صناعية زقاء
وللأسف محد صور ليي الطاولات.. بس أني صورت لكم في البيت شكل الكاسات
والشمعة مولعة
وهذا اللي شفته في الانترنت من أصل وقلدت عليه :21_11:
دخلت الزفة.. اول كانوا بنات أخويي فطوم وزهور (5 سنوات ونص- 4 سنوات ونص) قدام وحاملين سلتين ورد ولابسين فساتين لونها برتقالي على بطيخي (لون الغروب) مع حزام من ورود زرقاء نفس لون فستاني.. وتاج كله ورود زرقاء نفس لون فستاني.. مشوا بهدوء وهم يرمون بتلات ورد برتقالية في الممر يمين ويسار
وخلفهم حماتي حاملة سلة الذهب..
وبعد ما وصلوا إلى الكوشة
طليت أني على الصالة مع خطيبي بفستان لونه غريب (أزرق على رصاصي على برونزي على ذهبي) اللون مو ثابت ويتغير حسب الإضاءة والحركة ومدخلة فيه ورود برتقالية لون الغروب عند الخصر وبدون شك لأن الورد ماخذ الديزاين كله.. (ستايل أوروبي وناعم)
المسرح مالي بسيط ومافيه غفصة طلبت الألوان والشكل من عند شخص يملك محل في جد علي اسمه (مجيد للأفراح)
أسعاره حليوة .. طيب وشاطر ويسوي اللي في خاطرك
وطلبت مسرح بسيط ويؤدي الغرض وفي نفس الوقت يعطيني المنظر المتواضع اللي حبيته واجد مع بعض التعديلات اللي تمنيتها بس ما بقدر اتصرف
لأني عطيت الأوامر ورحت الصالون وية غفصتي وما شفت الصالة إلا يوم دخلت في الزفة! يعني ما كنت اعرف شكلها مول
وهذا شكل المسرح
التصوير مو كلش
وهذا ممر الصالة.. التصوير مأساوي وظلام... والسجاد كل ما يثبتونه يزيح
أشوة ما كنت حاطة بالي حزة الحزة لهالسوالف جان جتني الأعصاب.. هالسوالف ما شفتها إلا في الفيديو :2_29:
بعد ما وصلنا للكوشة وقعدنا.. صار تلبيس الذهب والدبل
وعقب شربنا العصير
وهذا هم قلاصات العصير عقب ما زينتهم بروحي في البيت
ولا والقهر اني اشتريت قلاصات غير وزينتهم وخلصت جان ينكسر واحد منهم واضطريت ارد اروح اشتري من اول وجديد بس ما حصلت نفس الشي ولهذا اشتريت شكل ثاني ورديت زينتهم عموماً هذا هم
وهذا بعد ما حطوا فيهم العصير
وبعدين نزلنا مع بعض من على الكوشة إلى زاوية الكيكة عشان نقصها ( في هالأثناء كان في موسيقى كلاسيك تشتغل والناس تاكل)
نفسه اللي سوى لي الكوشة خليته يسوي ليي زاوية للكيكة.. خربوها عليي كنت أمبيها مواجهة الناس قاموا قلبوها على جنب (يعني لازم أكون متواجدة في كل مكان) بس يلا بعد حويو
كيكتي سويتها عند أم حسام.. عطيتها قطعة من قماش فستاني عشان تسوي لون قريب له وأني اللي قلت لها تسويها 3 طوابق بس
كيكة فانيلا محشية بتوت وكستر
وهذي الصحن وسكين الكيك والسكين والشوكة... اشتغلت عليهم بتزيين بسيط في البيت وبإيدي
بعدها الناس جت تسلم عليي وتبارك ليي.. وكنت أعطيهم توزيعات! بس المشكلة أن ستاند التوزيعات كان لازم ينحط جنبي.. بس انحط بعيد عني! والتوزيعات فص ملح وداب لأني مو صوبهم ومو اني اللي أوزعهم! كانت اللي تجي تسلم عليي أقول لها روحي اخذي لش! والقهر كنت اشوف ناس ما يجون يسلمون عليي لكن ركيض إلى الستاند ياخذون من التوزيعات!
هذا ستاند التوزيعات مالي... الستاند مو ذاك الزود وبصراحة ما عورت راسي فيه.. اللي سوا ليي المسرح قلت له مرة وحدة سو ليي ستاند للتوزيعات وبدون ما افكر شنو بيسوي.. عكس المسرح اللي رسمته له كامل وتشيرطت فيه
المهم توزيعاتي مثل ما انتون شايفين عبارة عن أقلام تحمل عبارات... هذي الأقلام سويتها أوردر من أمريكا وما صدقت على الله يوصلوني لأن كلفوني واجد
وهذا نموذج للقلم
القلم يفتح وينصك بطريقة الضغط.. كل ضغطة تطلع ليي عبارة مختلفة.. وهم عبارة عن 4 عبارات اختارهم بنفسي
أول عبارة كانت اسمي واسمه
ثاني عبارة كانت عبارة عن تاريخ الحفلة 28/3/2008
ثالث عبارة كانت A love as endless as time
رابع عبارة كانت Thank you for sharing this day with us
وهذي صورة القلم الأصلي
بعدين دخلوا في زفة أمي وأبويي وأخواني
باركوا لينا وصوروا ويانا..
أمي وأبويي أهدوني طقم ذهب
وأهدوا خطيبي ساعة من داماس
بعدين الناس بدت تطلع
كان عند استقبالهم في الخروج طاولة به العطور اللي اختفت بقدرة قادر والبخور اللي اختفى هو بعد وية الفحم! بطة جبد مو؟؟
المهم...
في الصالة وعند بوابة الدخول حطيت طاولة عليها الستاند اللي شفتونه في سفرتي مع الصحون
وحطيت في كل صحن شي
صحن بطيخ مقطع مكعبات
صحن فراولة وتوت بري
صحن بسكوت
صحن مارشميلو
وصحن أناناس مقطع مكعبات
وحطيت أعواد خشبية للأكل بالإضافة إلى نافورة الشوكولاته في وسط الستاند
بس خسارة صوروها قبل ما يحطون نافورة الشوكولاته
في الزاوية أكيد تشوفون لوحة مع قلم مسدول
هذي اللوحة سويتها عشان الحضور يكتبون لي فيها تذكار بدل دفتر التوقيعات والحضور :)
هذي عقب ما كتبوا فيها وجبناها البيت
وهذي صورة من النت لنافورة الشوكولاتة.. نفس مالتي بالضبط وكانت محطوطة وسط ستاند الفواكه.. اللي ياكل يغمس في الجوكوليت الساخن واللي ينزل من النافورة.. يم يمييي
كان يوم مميز وجميل وحافل
ورغم الأخطاء اللي صارت.. والأشياء الصغيرة اللي تعكر
إلا أنها فرحة ما بعدها فرحة... استانست أن كل شي تمنيته صار مثل ما أمبيه وأحسن
والمايك لكم وللي حضروا!
ملاحظة:
ما أوصيكم.. انتون كبار وتعرفون الصح من الخطأ
انقلوا على راحتكم.. بس اذكروا المصدر لا تخلوني ازعل
شطااااااار.. عفية عليكم
عيب ينسبون الشغل لنفسهم