محتااااره وما ابغى اتسرع فى قرارى ...ساااعدونى تكفووووون

السلام عليكم ورحمة الله وبركاته ....الله يسعد ايامكم قولوا امين

حبيباتى ابغى رايكم اللى يهمنى كونكم مثل اخواتى وانا بصراحه محتاره فى الموضوع اللى بكلمكم عنه ...وابغى مشورتكم

انا تزوجت من خمس سنوات وعندى بنت عمرها ثلاث سنوات وكنت ساكنه فى جده ببيت خاص بعيد شويه عن بيت اهل زوجى بس بصراحه ما سلمت ولا ارتحت من مشاكل اخت زوجى الوحيده وتدخلاتهم وحشرتهم الزايده والمضايقات ......الخ

المهم انتقلنا الى الباحه عشان ظروف عمل زوجى وانا لى فيها سنتين وبصراحه ارتحنا منهم كثير بس ذبحنا الايجار هنا غالى حوالى 14000ريال ......المهم اهل زوجى عندهم خير الله يزيدهم منه بنوا فوق عندهم شقه صغيره لاخو زوجى وسكن فيها بعد ما تزوج وكان في باقى شقه ثانيه عرضوا علينا ناخذها عشان نرتاح اذا جينا عندهم ونجلس فيها ..وافقنا انا وزوجى واعطاهم زوجي قرض اخذه من البنك مبلغ 50000 ريال عشان يكمل الشقه ونجلس فيها اذا جينا جده فى المناسبات والاجازات ....المهم طلعت فكره براس زوجى وهى انى اسكن فى هذى الشقه الجديده اللى بجده لانها تقريبا خلصت ونترك شقتنا اللى فى الباحه ويصير يجينى كل اربعاء وخميس وجمعه يجلس عندى وبعدين يرجع الباحه طبعا فى الباحه بيسكن عزوبى لاننا تعبنا من الايجار وعنده رغبه انى اجلس فى شقتى بجده عند اهل زوجى ونفتك من الايجاار .....بس بصراحه يا بنات محتاره هل اروح اسكن عندهم واخلي شقتى اللى بالباحه بس اخاف من التدخل والمشاكل معهم خاصه انى ببقى خمسة ايام لوحدى بدون زوجى ولا برايكم اجلس هنا فى الباحه مع زوجى واريح راسي وربي ييسرها فى الايجار ان شاااء الله ....زوجى قالى فكرى واعطينى ردك وبراحتك يعنى ما بيضغط على اذا كنت ابغى ابقى عنده بالباحه ما راح يقول لى شئ وانا بنفس الوقت ودى اريحه شوى من الايجار وبنفس الوقت ما عندى رغبه اروح جده فى شقتى الجديده بدونه ....


الله يسعدكم لا تبخلون على ابغى رايكم الصريح وبدون مجاملات والافضل والانسب لى تكفووووووووووووووووووون الله يسعدكم عندى اسبوعين بس افكر فيهم وارد له خبر ....انتظركم على احر من الجمر الله يوفق كل من تساعدنى وتشور على فى مشكلتى

انتظركم .........................المحتاره