استفسار عاجل عن ؟؟

في أسباب عديدة لرائحة الفم الكريهة ..

منها التهاب اللثة .. اللوز .. الجيوب الأنفية ..

و مشاكل الجهاز الهضمي .. كعسر الهضم

مشاكل الجهاز التنفسي ..

أقترح عليها اذا ما كانت تعاني من شيئ ظاهر لما سبق .. تتغرغر مرتين يوميا بماء دافئ و ملح بحري .. و تجعل السواك رفيقها الدائم ..

و تحرص أنو فمها ما ينشف و تشرب ماء .. خصوصا لو مصابة بالسكري ..

خل تسوي اشعة لاسنانها


احتمال عندها خرّاج في الاسنان


مهما نظفتهم ماتروح الريحة


او التهاب

خل تكشف عند الطبيب


تحياتي..

سووت تنظيف لاسنانها والدكتور قال مو من اسنانها كل شيي اوكي فيهم بس ماتدري شنو المشكلة بل ظبظ

والحـــــــــــــــــــــــــل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياحبيبتي يمكن عندها مشكلة في الهضم وتنظم اكلها وتاكل سلطات وخضار لانها تساعد على الهضم اذا كانت المشكلة من الهضم حاسة فيها

شكرا للكل الخوات الي ردو علييي الف شكر

بس أبغي اعرف ادا كانت المشكلة من المعدة او من هل اماكن شلون تتصرف وتقضى على المشكلة ؟؟

احيانا يكون فية سوء في الهضم تاخذ حبوب هاضمة بعد الاكل وفية حبوب معطرة للمعدة اسمها افلاجيل سامعة عنها واللة يسهل وتعرض نفسها على طبيب باطنية متخصص احسن وانشاء اللة خير

مرات الريحه تكون سببها اللسان من داخل (قريب البلعوم) وفي الوسط
لأن يتجمع الاكل بين شعيرات اللسان وتتخمر وتطلع ريحه
فيه شي مثل بلاستيكه تنباع في الدكاكين شكلها مثل المسطره بس على اضعف وقابله للثني
يستخدمونها الهنود اكثر شي
بعد تنظيف الاسنان والغرغره تنظف لسانها بهذي البلاستيكه وان شاء الله تروح الريحه ..
انصحيها بعد تحط معاها في شنطتها علوج او حلاوه بالنعناع ..

مثل ماقالوا البنات يمكن في مشكله بأسنانها ..وبعد بنت اختي دايم تشكي من هالموضوع وطلع

عندها جرثومه بالمعده ..

شكرا لكم خواتي ع النصايح كلكم خير وان شاء الله اخبرها عن الحلول الي ذكرتوها

يا حبيبه قلبى ممكن تكون مشكله سنان ووممكن تكون مشكله ميكروب فى اللوزتين زى مانانا بعانى انا عندى نفس المشكله ولفيت على دكاترة الاسنان وفى الاخر عملت حاجة اسمها مزرعة وتحاليل تانيه طلع ان فى ميكروب ف الفم هوا سبب الريحه