شرايكم في الطلق الي يشرد ولا يرد؟

a,td شووفي حبيبتي انا سألت الدكتوره عن الالم اللي يجي ويرووح وتقول هذا هو الالم الي يفتح الرحم ومايسمي طلق لا بس عمله انه يفتح الرحم عاد انتى استفسري من دكتورتك اكثر والله يهون علىك وتولدين اليوم قبل بكره وتفرحين فيه ياارب

الله ايسهل عليج ان شاءالله

حلوووووووووه الطلق الشارد ههههههههه يا عيون بو ظبي

انا لما كنت حامل ببنتي وهي الثانيه طبعا انا كنت ميته من الخوف من الولاده لأني بولدي وهو البكر جربت الألم وحطوا لي طلق صناعي ببنتي قالوا عشان عندي سكر وتأخرت عن موعد ولادتي اسبوع مو زين حق الجنين وجاني الم حسيت بولد لكن من الخوف (شرد ههههههه)

وتميت بالمستشفى اسبوع مع تحاميل الطلق ومشي لين ارجولي تورمت خخخخخخخخخخ وما فيه فايده

قالوا لي بس خلاص بكره عمليه وقمت اصيح لا الا العمليه وهم يقولون خلاص البيبي تعب الكلام هذا الفجر ولما جا الدكتور وكشف على الساعه 11 الا الرحم مفتوح وقال خلاص ولاده

يعني من الخوف من العمليه نسيت الم الطلق ههههههههههههههه

الله ايسهل عليج ان شاءالله

الله يسهـل عـليج يــارب
وما يجي بـاجر في الصبـاح الا انتى والـده يـارب
ويسهـل عليكى ولادتك يــارب

ربنا يسهل علينا و عليك

الله يسهل عليج وتولدين بالسلامه ان شاء الله

الله يعينك
انا بقولك اللي حصل معي يوم ولادتي

جاني الطلق واستمر معاي من الضهر الين المغرب ورحت المستشفى قالوا عندك ولادة وتميت بالمستشفي ويطلق يزود بالالم والشده

ولما فتح الرحم 6سانتي بدا الوقت بين الطلق والثاني يزووووود مع ان المه شديد

قالت لي الدكتوووره طلقك بدا يبردددددددددددد

من جد خوفتني وقالت ابعطيك صناعي؟؟؟؟؟

بس رفضت وتميت على الحال لين ولدت الساعه 2بالليل

عاد ادا كان الطلق يبرد ليه مايشرد بعد؟؟؟؟؟؟؟؟؟؟؟؟؟؟؟؟؟

الله يسمع منكم ان شالله
حتى انا في ولدي كنت اغفي بين الطلقة والثانية والطلق بدا يبرد بس الله ستر

الله يعلم متى ترد لي هالآلام مرة ثانية

والله حبيبتي ما اقولك الا كل خير ... بس موضوع الالم اللي يهرب هذا اول مرة اسمع فيه ... يمكن سبحان الله يفتح عندك الرحم بدون الم وتروحي تولدي بدون الم .. سبحان الله ما تعرفي ..

ام وسام .. ماشالله عليج ترفعين المعنويات ..

ههههههه ياريت يتسوي الي قلتي عليه ..

هذا احنا ما ورنا شي ننتظر ساعة الصفر ..

الله يسهل علينا ان شالله

انا مريت بنفس الحالة في حملي الثاني

ياني ويع فليل يسير ويرد يسير ويرد يسير ويرد يسير ويرد هههههههه بلاني علقت

المهم خفت قلت ليكون ويع ولادة ماااااااااااااااااباااااااااااااااااااااه اربي الحين في هالوقت المتاخر ...

تخيلوو سرت رقدت من الخوف وطار الويع

ونشيت الصبح الساعة 7 ولا فيني شيء ابدا

وعقب الساعة 8 ونص ياني ويييييييييع يسير ويرد بس متواصل واشد ووعقبها ربيت

الله يعينكم والله انا سمعت ان في حريم يجيهم الطلق وعقب يروح بس بصراحه تسميتج عجييييييييييبه ..

(( الطلق الشارد ))

الله لا يذوقني ولا يذوقكم اياه عساه يجينا مره وحده وولا يشرد ويهون يارب ..
رب يسهل علينا ..

هههههههه

الله يسهل عليك يااارب ..

حلوة المحيا .. حيا الله هالطله .. لج وحشة والله

ماشالله كلامج يبشر بالخير هههههههه بس عمرها ما صارت لي .. شكثر صار لي اتويع لكن ما استمر عدل ..
والله يسهل علينا ان شالله وما نتعذب ونشوف عيالنا بخير وعافية

الله ايسر عليج وتروحين المستشفى وانتي مب حاسة ويقولون لج الرحم فاتح 8 سم ونااااااسة :tongue:اكيييييد هههههههههه وان شاءالله تربين اليوم قبل باجر ياااااااااااارب :)

عيون ذكرتيني ايام كنتي حامل بمصبح الله يحفظه كنتي كل يوم تنزلي موضوع و عندك استفسار جديد و فعلا كل استفساراتك احسها من القلب وكل وحده تحس فيها و ما تعرف تعبر و انتي تقدري ما شاء الله

بصراحه انا ما اعرف عن الطلق الشارد

لأنه على وقتي الطلق ما شرد ظل و الحمد لله


الله يقومك بالسلامة

بس قربتي اكيد قربتي

لا تخافي

الوحده دايما تحاتي و تخاف في الحمل الثاني لأنها عارفه شو بيصير فيها مو مثل المره الأولى خبر خير ههههههههههه

أنا سمعت عنه وصار موقف لما زوجة أخوي سارت المستشفى تربي
اتقول أمي في وحدة باكستانية كانت يايه تربي و من شافت غرفة الأنتظار مال الولادة متروسة حريم يتويعون من الألم طار عنها الألم معأنها كانت يايه و شكلها خلاص واصله حدها بتربي وسبحان الله صارت تمر على الحريم و اتخفف عنهم و اتحاول تهون عليهم و اتسولف معاهم و سمعت انها ما ربت إلا بعدها بيومين

الله يسهل عليك ويقومك بالسلامه