شو اسوي في زوجي ما قمت استحمل

16 سنة ؟؟؟؟؟؟؟:eek::eek::eek::eek::eek::eek: والله لسة صغيرة كتيير على الزواج ومشاكله ووجع الراس :(المهم انت حاولي تكلميه بكل صراحة ووضحيلو انك فاهمة الاعيبه وانه عيب اللي بيعمله وحاولي اذا كنتي مقصرة في شي معه تعوضيه وحاولي تجذبيه ليكي عشان ماتلف عليه واحدة تانية وتاخذه يمكن انتي مقصرة بشي بس مش حاسة وده بحكم صغر سنك حاولي تكسبيه عشان ماتخرب علاقتكم اكتر والله يهديهلك ووفقك

ياقلبي الله يعينج بس انشالله تكون علاقات عابرة وتعدي تعالي اقولج في اذنج شي.....ماكو ريال من غير علاقة

يعني ادعي ربج انها علاقة عابرة ولا يصيير شي ثاني


الريال باين عليه يحبج احتويه غاليتي كثري المسجات الحلوة له والكلام الحلو
لاتخلين له مجال يلقى عليج اي عيب او غلط

ماشالله عليج انتي عقلج يوزن بلد :)

وفي شي ثاني ماله داعي تقولين لاخوه اي شي ولا تكلمينة اصلا لانه مومحرم لج يالغاليه وتتوقعين اذا عرف زوجج بيرضى؟؟؟



اهتمي بزوجك والله يوفقج

يحليلج صغيرة 16 توج ..
اول شي حبوبة مدام انتي 16 اكيد ريلج صغير بعد
هذي سوالف مراهقه و مدام مو راضي يعترفلج اكيد حاط لج اعتبار و ما يبي يخسرج
و الحين انتي بموقف شوي صعب
قوليله خلاص كبرنا على هالسوالف
انا زوجتك و حبيبتك .. انا دنيتك كلها
انا مقصرة معاك بشي ؟ سأليه ناقشيه و صارحيه
طلعوا وايد غيروا جو .. تعشوا بره
طلعوا اماكن ترفيهية ..حاولي تقوين علاقتج مع ريلج بكل الطرق
و صلي قيام الليل .. وسكري موضوع البنات و لا تبطلينه مرة ثانية
لانه ماكو فايدة خوفج يعاندج و يقول بسوي اللي بسويه وانتي مالج شغل و انتي توج صغيرة
حاولي تغيرين من نفسج

انا اعرف وحدة سبحان الله نفس قصتج .. ما عندها شهادة و تزوجت و اهي عمرها 17 و طاحت على ريلها يكلم بنات يمكن مرتين او ثلاث مرات ,, و هددته و مني مناك ,, و حاولت تتأقلم مع الوضع و غيرت من نفسها شوي
و سبحان اللي مغير الاحوال ,, الحين ريلها حتى خميس و يمعه ما يسهر بره البيت ,,صار يمووووووووووووووووووووووووت فيها ,, لدرجة حتى انه لما تروح بيت اهلها بعد 3 ساعات يدق عليها يقولها ردي البيت ضايق خلقي بروحي ,, و اهيه ما سوت شي بس صبرت عليه .. و الله عطاها على قد نيتها ,, اختي حبيبتي انتي صبري على ريلج ادري شوي صعبة بس صبري عليه و صلي و ادعي ربج يمكن يتغير 180 درجة و مبين تره انه متعلق فيج ما يبي يخسرج ..خلي زوجج يحب شخصيتج و يحب وجودج معاه

الزواج قبل كل شي صداقة ,, اذا زوجج حب شخصيتج و حب وجودج معاه مو بس كزوجة تلبي رغباته
لأ كصديقة يحب يسولف معاها و يقعد و يضحك معاها بس خلاص كل شي يتغير
وانتوا بأول الطريق خليه يعرفج اكثر و تعرفينه .. وحاولي تبعدين عن المشاكل وعوار الراس
كل شي بالتفاهم و بالضحكة الحلوة ,, الريال ما يي بالصراخ ,, بالعكس بيقتنع اكثر انه هالخرابيط احسنله من
هالمرة الحليوة الكيكة المقعدة بالبيت ,, ادري طولت عليج انا اسفة بس حسيتج صغيرة و ما تستاهلين

ياقلبي عليك

ادعيله بالهدايه وان الله يبعده عن الحرام

وحاولي ماتراقبيه كثير ولا تتخاصمي معاه .. بس حسسيه انك داريه

وقوليله ماعاد له شغل بصحبات ربييعه اللي هم اصحابه

ولا عاد يتدخل فيهم عشان بعد كذا مايكون له حجه

وخوفيه من الله وان المؤمن مبتلى

وراح يجيه بنات خلي يخاف عليهم .. وانتي ان شاء الله مو مقصره معاه حاولي تبذلي جهد اكبر بارضاءه والدلع معاه

وابعدي عن هالبنات اللي مايخافون الله

حبيبتي
16 كزوجه يمكن صغيره بس كحبيبه او عشيقه لا لان البنت بس تبلغ تقدر انها تملك قلب الرجل
وماتخليه يشوف غيرها
اكيد في خلل ؟في سبب يخليه يترك ورده عمرها 16 سنه ويبحث عن التفاهات والعلاقات المشبوهه
انا برأيي اصحاب السوء هم السبب يعني ربعه كلهم عندهم صديقات وهاذي مشكله وكل ماراح يغلط
بيقول رفيجي سوى والثاني عمل وانا مالي ذنب قولي له يا تحترم نفسك وما تتدخل بشؤون ربعك وتشاركهم
علاقاتهم يا انك تتركهم لان انت متزوج المفروض تمشي مع ناس مثلك مش ناس فاضيين

شوفي حبيبتي دام انتوا لسه في بداية حياتكم يعني في امل كبير جدا يتغير
انتي لازم توقفيه عند حده وتقولي له حتى مجرد مشاركتك صديقك بكلامه مع صاحبته يعتبر خيانه بالنسبه لي
كيف تسمح لنفسك تكلم انثى غيري مهما كان السبب
قولي له مجرد كلامك مع بنت او ردك على التلفون لما تتصل مع اني مو مصدقتك هذا انا اعتبره اهاننه لي وخيانه
ترضى انا اكلم رفيج صديقتي باي حجه؟
اكيد بيرد عليك لا
قولي له اجل كيف تبيني اتحمل خيانتك لي كل شوي ولو انتي تحبني المفروض قلبك ما يسمح لك
تشارك ربعك بسوالفهم لان انت رجل متزوج
........ هذا من جهة زوجك اما من جهتك انتي اكبر غلطه تركك لدراستك حبيبتي
لازم ترجعي تكملي دراستك علشان هي ذخرك بالمستقبل دام زوجك من البدايه كذا
واذا ما عرفتي تسيطري عليه لازم تخلي لك ذخر وسند وهو الدراسه والشهاده.
تحياتي

ياقلبي الله يعينج بس انشالله تكون علاقات عابرة وتعدي تعالي اقولج في اذنج شي.....ماكو ريال من غير علاقة

شنو هالكلام !!!!! من قال لا فيه رجال محترمين ويخافون ربهم ومايسوي علاقات ومايخون زوجته هذا التصرفات الي من زوجها او من غيره خيانة ويستاهل يتأدب واذا تمادي يفضل اخبار اهلك
الله يعينك صدق مايستحي على وجه الله لا يبلانا اهم شي اصبري وادعي له بظهر الغيب ان الله يهديه لان الرجل الي يخاف الله و متدين مايسوي هالتصرفات ولا يغازل ولا يلاحق الحريم <البنات ولازم حبيبتي تكونين قوية و هادئة بنفس الوقت يعني حاولي تحتوينه
يمكنه يحبك برغم ان الي يحب المفروض مايخون(w):16: لكن اصبري عليه ولا يتكدر خاطرك وادعي دائما الله ان يصرف عنه بنات الحرام وحاولي تتقربين له وتسوين له كل الي يحبه واهتمي بنفسك وبه و ببيتك
شوفي قول لزوجك يا يتعدل ويكون ريال يا بتخبرين اهلك واهله وتفضحينه طبعا هذا الحل لانك صغيره 16 سنه ما اقدر انصحك بحل ثاني و ايضا لا تخافين اذا شفتي تصرفات معاكسات وقلة حياء وادب منه واجهيه وخلي شخصيتك قوية لا تكونين ضعيفه ترى الريال مايحب المرأة الضعيفه
وتناقش مع زوجك وقولي له الي بخاطرك وصارحيه ان هالوضع مايعجبك وقولي له هل ترضى اني اخونك واكلم شباب وقولي له ان تعبت منك ومن خيانتك لي وقولي له ترى ابكرهك وقلبي يعافك :16:
اذا ما تعدل حاله خبري اهلك واستشيريهم بمشكلتك الوضع ماينسكت عليه
استعيني بالدعاء والاستغفار الله يسخر لك زوجك ويصلح مابينكما والله يوفقك

متابعة عروس;6176329:
شنو هالكلام !!!!! من قال لا فيه رجال محترمين ويخافون ربهم ومايسوي علاقات ومايخون زوجته هذا التصرفات الي من زوجها او من غيره خيانة ويستاهل يتأدب واذا تمادي يفضل اخبار اهلك
الله يعينك صدق مايستحي على وجه الله لا يبلانا اهم شي اصبري وادعي له بظهر الغيب ان الله يهديه لان الرجل الي يخاف الله و متدين مايسوي هالتصرفات ولا يغازل ولا يلاحق الحريم <البنات ولازم حبيبتي تكونين قوية و هادئة بنفس الوقت يعني حاولي تحتوينه
يمكنه يحبك برغم ان الي يحب المفروض مايخون(w):16: لكن اصبري عليه ولا يتكدر خاطرك وادعي دائما الله ان يصرف عنه بنات الحرام وحاولي تتقربين له وتسوين له كل الي يحبه واهتمي بنفسك وبه و ببيتك
شوفي قول لزوجك يا يتعدل ويكون ريال يا بتخبرين اهلك واهله وتفضحينه طبعا هذا الحل لانك صغيره 16 سنه ما اقدر انصحك بحل ثاني و ايضا لا تخافين اذا شفتي تصرفات معاكسات وقلة حياء وادب منه واجهيه وخلي شخصيتك قوية لا تكونين ضعيفه ترى الريال مايحب المرأة الضعيفه
وتناقش مع زوجك وقولي له الي بخاطرك وصارحيه ان هالوضع مايعجبك وقولي له هل ترضى اني اخونك واكلم شباب وقولي له ان تعبت منك ومن خيانتك لي وقولي له ترى ابكرهك وقلبي يعافك :16:
اذا ما تعدل حاله خبري اهلك واستشيريهم بمشكلتك الوضع ماينسكت عليه
استعيني بالدعاء والاستغفار الله يسخر لك زوجك ويصلح مابينكما والله يوفقك

انا ايد كلامك
واضيف زوجك لازم يتسنع بعدين ترى مراح يحترمك ولايقدرك ولا تسكتي

شوفي كملي تعليمك ولاتضحين بتعليمك

اهم شي التعلييم

نور^_^الكويت;6175966:
ياقلبي الله يعينج بس انشالله تكون علاقات عابرة وتعدي تعالي اقولج في اذنج شي.....ماكو ريال من غير علاقة

يعني ادعي ربج انها علاقة عابرة ولا يصيير شي ثاني


الريال باين عليه يحبج احتويه غاليتي كثري المسجات الحلوة له والكلام الحلو
لاتخلين له مجال يلقى عليج اي عيب او غلط

ماشالله عليج انتي عقلج يوزن بلد :)

وفي شي ثاني ماله داعي تقولين لاخوه اي شي ولا تكلمينة اصلا لانه مومحرم لج يالغاليه وتتوقعين اذا عرف زوجج بيرضى؟؟؟


فديتج زوجي يعرف اني وايد مع اخوه بس هو واثق فيه وفي اخوه وعادي انا اعتبره اخو وبس


اهتمي بزوجك والله يوفقج

دلوعةحناني;6176155:
حبيبتي
16 كزوجه يمكن صغيره بس كحبيبه او عشيقه لا لان البنت بس تبلغ تقدر انها تملك قلب الرجل
وماتخليه يشوف غيرها
اكيد في خلل ؟في سبب يخليه يترك ورده عمرها 16 سنه ويبحث عن التفاهات والعلاقات المشبوهه
انا برأيي اصحاب السوء هم السبب يعني ربعه كلهم عندهم صديقات وهاذي مشكله وكل ماراح يغلط
بيقول رفيجي سوى والثاني عمل وانا مالي ذنب قولي له يا تحترم نفسك وما تتدخل بشؤون ربعك وتشاركهم
علاقاتهم يا انك تتركهم لان انت متزوج المفروض تمشي مع ناس مثلك مش ناس فاضيين

شوفي حبيبتي دام انتوا لسه في بداية حياتكم يعني في امل كبير جدا يتغير
انتي لازم توقفيه عند حده وتقولي له حتى مجرد مشاركتك صديقك بكلامه مع صاحبته يعتبر خيانه بالنسبه لي
كيف تسمح لنفسك تكلم انثى غيري مهما كان السبب
قولي له مجرد كلامك مع بنت او ردك على التلفون لما تتصل مع اني مو مصدقتك هذا انا اعتبره اهاننه لي وخيانه
ترضى انا اكلم رفيج صديقتي باي حجه؟
اكيد بيرد عليك لا
قولي له اجل كيف تبيني اتحمل خيانتك لي كل شوي ولو انتي تحبني المفروض قلبك ما يسمح لك
تشارك ربعك بسوالفهم لان انت رجل متزوج
........ هذا من جهة زوجك اما من جهتك انتي اكبر غلطه تركك لدراستك حبيبتي
لازم ترجعي تكملي دراستك علشان هي ذخرك بالمستقبل دام زوجك من البدايه كذا
واذا ما عرفتي تسيطري عليه لازم تخلي لك ذخر وسند وهو الدراسه والشهاده.
تحياتي

والله فدييتج قلتله ان لو بس البنت تسالك عن ربيعها تعتبر خيانه لانها بنت بس ما شي فايده الحمد الله هو يحبني ومب مقصر معاي من سالفه الفلوس بس الفلوس مب كل شي في اشياء ثانيه مقصر

والله اني اسويله كل شي حتى اجوا رومنسيه شموع وكيك وطبخ وكل شي و انثر له ورد واسوي الي خواتي الكبار ما يسوونه وكل يوم اتعدل لدرجه ما يسويلي سالفه يطنشني والله ما اعرف شو اسوي حتى الالعاب اشتريت عشان اغير جو في نص اللعب يقول ما اقدر العب انا تعبان مرتين سوالي هذي الحركه عشان جي ما ابغي العب معاااه والله البس واتعدل و اتعلم الطبخ عشانه والله شو يبى اكثر انا مليت وتعبت لانه ما يفهم


مشكورين حبايبي على مروركم وان شاء الله بسوي الي وصيتوني وادعولي

الله يهديه ,, ما عندي كلام اقوله لج غير انج اتداومين على قيام الليل وتدعين بأن الله يهديه واي دعاء في خاطرج ادعيه ,, ترا ربج ما يخذل عباده والله يسوي اللي فيه الخير وانا اتمنالج كل خير الغاليه,,
خويتج بنت المزايين.

حياتي
شوفي اولا : ارجعي لدراستك
اكملي دراستك ( انا ماادري انت وين موصله ) بس اعتقد انه لسه ماخذتي الثانويه >> عمرك صغير
خذي الشهاده الثانويه ..
وتعلمي بعد في المعاهد لغه ، وغيره....

ثقفي نفسك خليك قويه
انا قلتها من قبل لوحده من الخوات الزوج جزء من حياه الوحده وليس كل حياتها
هو متاكد انك ماراح تتركيه عشان كذا ماخذ راحته
يمكن الحين لسه بالبدايه وجالس يراضيك ومايحاول انه يزعلك بس حياتي بعد كذا لا ...
انت بعدك ياعمري صغيره على الهموم والمشاكل
ادعي الله انه يبعد عنه اولاد وبنات الحرام
والله يوفقك ويقويك ويسهل امورك ...
اختك

الله يعينك ويوفقك

دراستك كمليها اهم شي الدراسه

ومدام انتي فاهمه كل شي لا تبيني لو انك مو فاهمه امكن هوا مستهون فيكي عشان عمرك صغير

بس باين انك عاقله وتفهمي الاصول وداومي على الصلاه والاذكار وادعي انو ربي يسخرلك زوجك ويبعد عنو بنات الحرام

انصحك تقري كتاب رجال من المريخ ونساء من الزهره عشان تعرفي الاشياء الي يحتاجها لانو في اشياء الرجل

بس احنا مو فاهمينها

اما بخصوص الخيانه دلوعة حناني ماقصرت وان شاء الله باقي البنات يفيدوكي

:poster_oops::poster_oops::poster_oops:

الله يعينك حبيبتي بعدك 16 سنه وكل هالشي وبلاوي الزواج

الله يصبرك غلاتي, لكن اقولك ياعمري لاتيأسي أبدا ويا زوجك حاولي تكوني معه على الحلوه والمره

حاولي تحتويه بحبك ودلالاك ودلعك له حاولي تقرأي كثير كيف تعامل الزوجه زوجها وكيف تكتسبه إنت صغيرونه

حبيبتي ولازمك تقرأين اكثر وتطبقين أكثر لزوجك حاولي تغيرين روتين حياتكم لأن الروتين هو اللي يقتل الحب

بين الزوجين, حاولي تخلين كل ليلة وكل يوم غير من خلال تغير ألوان الغرفه تغير مكان العشاء وين تتعشون وين

تجلسون مع بعض حاولي تتقربين من زوجك اكثر وأكثر لاتخلينه بروحه صحيح لاتراقبيه كثير لكن لاتخلينه يلعب

على هواه حاولي تشغلين وقته بك إنتي تعدليله كل يوم وكل ليله .كوني احلى مايكون ولبس أحلى اللبس

إستقبليه بحب وهو راجع من الدوام حاولي قدر ماتستطيع تكونين وياه رومانسيه كثيييييييييييييييير ودلوعه

لأن معظم الرجال يموتون في الدلع واللي مايحصل هالأشياء عند زوجته يروح يدور عليها فمكان أخر

فياحبيبتي إحتوي زوجك بحبك وحنانك كوني له الزوجه والأخت ولأخ وكل شي مع إنك صغيره لكن أكيد شطوره

بعقلك تقدرين تتحكمين في عقل زوجك وتوصلين لقلبه.

والله يوفقك حبيبتي