السلام عليكم
انا ولله الحمد جبت ولدي فديت عمره من حوالي شهرين ونزل وزنه واااااااايد قليل تقريبا 2.47 كيلو
ومازال ضعيف وأرضعه طبيعي ولما قررت اني اعطيه حليب "صناعي" مساعدة فقط مو اني اعتمد عليه لاحظت انه ما يتقبله ودوم يرجعه :( تبهدلت وياه فديته
استخدمت له في البداية حليب s 26
ورجعه وما تقبله أبدا وبعدين استخدمت له حليب نان 1 وبعد نفس الحالة ....
الحين انا محتارة شو اسوي أبغي اعطيه مرة في اليوم على الأقل علشان شوي يزيد وزنه لأنه نازل وااايد ناقص
بليييييز نصحوني شو أسوي
ممكن استفسار عن رضاعة الطفل ؟
i
29-05-2008 | 07:45 PM
ا
29-05-2008 | 09:01 PM
و الله ما اعرف صراحة
انا من البداية استخدمت لولدي نوع خاص من الصيدلية خفت لا يتحسس
و ورى 4 شهور عطيته نان
انا من البداية استخدمت لولدي نوع خاص من الصيدلية خفت لا يتحسس
و ورى 4 شهور عطيته نان
ت
29-05-2008 | 09:57 PM
حبيبتي انا اشوف انك تراجعين الدكتور لأن بالفعل وزنه جدا ضعيف
وهو يوصفلك حليب مناسب واذا على التقبل انا ولدي كان كذا يرجعه ولا يبغاه بس استمريت معاه الين صار يرضع رضعه وحده في اليوم انا كمان كنت زيك ابغى وزنه يزيد لأنه كان ضعيف
بس الحمدلله لما دخل 4 شهور صرت استخدم له ميلوبا لاربع شهور
والله يوفقك اختي ويسهل امورك
وهو يوصفلك حليب مناسب واذا على التقبل انا ولدي كان كذا يرجعه ولا يبغاه بس استمريت معاه الين صار يرضع رضعه وحده في اليوم انا كمان كنت زيك ابغى وزنه يزيد لأنه كان ضعيف
بس الحمدلله لما دخل 4 شهور صرت استخدم له ميلوبا لاربع شهور
والله يوفقك اختي ويسهل امورك
!
31-05-2008 | 01:37 AM
اهلا بك اختي !
حبيبتي ، الطبيعي ان الطفل بعد ما ينولد وزنه يقل .. !
انا ولدي بفحص الشهرين كان وزنه قليل و نبهتني الدكتورة .. و قلت لها انا ارضعه طبيعي و ماعندي رغبة للصناعي ابدا .. لان البيبي تعبان من الغازات و الصناعي بتعبه اكثر ! و الحمدلله الرضاعه الطبيعية اكبر نعمة للطفل !
و بفحص الاربع شهور ارتفع وزنه و نبهتني ان وزنه مرتفع ! يعني العكس عن قبل !
قلت لها انا ما عطيته اي اضافات مجرد رضاعه ! .. الطفل كل ما كبر راح يكتب وزن اكثر !
حبيبتي ، الطبيعي ان الطفل بعد ما ينولد وزنه يقل .. !
انا ولدي بفحص الشهرين كان وزنه قليل و نبهتني الدكتورة .. و قلت لها انا ارضعه طبيعي و ماعندي رغبة للصناعي ابدا .. لان البيبي تعبان من الغازات و الصناعي بتعبه اكثر ! و الحمدلله الرضاعه الطبيعية اكبر نعمة للطفل !
و بفحص الاربع شهور ارتفع وزنه و نبهتني ان وزنه مرتفع ! يعني العكس عن قبل !
قلت لها انا ما عطيته اي اضافات مجرد رضاعه ! .. الطفل كل ما كبر راح يكتب وزن اكثر !
ع
31-05-2008 | 03:48 AM
اختي خليكي على الرضاعه الطبيعيه واذا تبين رضعه مدعمه يعني مثلا مره في اليوم قبل النووم جربي حليب بيبيلاك EC اكثر من ممتاز
انا اشرب ولدي منه لانه بهذلني لين ناسبه هذا الحليب ان شاء الله يناسب ولدك
انا اشرب ولدي منه لانه بهذلني لين ناسبه هذا الحليب ان شاء الله يناسب ولدك
س
31-05-2008 | 04:03 AM
انا عن نفسي استخدمت لولدي نوفالاك >>>>>>>>>>>>>مررررررررررره كويس
و بعدها استخدم الحين بيبيلاك >>>حلو مرره و مرتاح عليه
بس نصيحتي تسألين الدكتور
و بعدها استخدم الحين بيبيلاك >>>حلو مرره و مرتاح عليه
بس نصيحتي تسألين الدكتور
B
31-05-2008 | 07:03 AM
كل طفل يفرق عن الثاني يفضل استشارة الطبيب
*
31-05-2008 | 09:58 AM
اكيد انتي عندك طبيب اطفال تراجعي معاه تطورات طفلك ... خبريه بالمشكلة وشوفي ايش يقولك ..
بس نصيحتي خليه على الرضاعة الطبيعية احسن بدون اي تدخلات ... بعض فترة باتشوفيه مربرب باذن الله تعالي ..
بس نصيحتي خليه على الرضاعة الطبيعية احسن بدون اي تدخلات ... بعض فترة باتشوفيه مربرب باذن الله تعالي ..
i
31-05-2008 | 04:24 PM
مساء الخير عزيزاتي
والله حيرتوني ....شكلي بروح عند دكتور اطفال وأمري لله
شكرا على النصايح
والله حيرتوني ....شكلي بروح عند دكتور اطفال وأمري لله
شكرا على النصايح
ج
31-05-2008 | 05:29 PM
هذا افضل شيء تروحين الى الدكتور وتساليه
اني بنتي عمرها شهر ونصف كانت تاخذ طبيعي وصناعي
كانت تاخذ بليميل بلس كانت تشربه عادي
بعدين لمن رحت المستشفى غير الحليب قال ايسبب غازات
وعطانا بريميم كير بس بنتي ماعجبها ومارضت تشربه
ورجعت الى الحليب الاول بعد نفس الشيء مارضت تاخذه
اني بنتي عمرها شهر ونصف كانت تاخذ طبيعي وصناعي
كانت تاخذ بليميل بلس كانت تشربه عادي
بعدين لمن رحت المستشفى غير الحليب قال ايسبب غازات
وعطانا بريميم كير بس بنتي ماعجبها ومارضت تشربه
ورجعت الى الحليب الاول بعد نفس الشيء مارضت تاخذه
i
31-05-2008 | 07:49 PM
الله يكون في عوننا كلنا
انا بروح ان شاء الله وبسأل الدكتور
شكرا لج
انا بروح ان شاء الله وبسأل الدكتور
شكرا لج
أ
31-05-2008 | 09:59 PM
أختي مثل ماقالت لك الأخت أنثى في البداية طبيعي الوزن ينزل بس بعدين بيرتفع إن شاء الله.
انتبهي زين .. إذا بديتي تعطينه حليب صناعي بيقل حليبك ففكري مليون مرة قبل ماتعطيه..
وانتبهي من الدكاترة .. بعضهم بيقولون عادي بس بعضهم بيجيبون لك الهوايل وبيصرفون لك أ ي حليب وفي الغالب الحليب اللي من الشركة اللي يتعاملون معاها.
وإذا حليبك قليل في أشياء طبيعية تاكلينها أو تشربينها تكثر الحليب بإذن الله مثل الأوراق الخضراء: كراث-جرجير-بقدونس وغيرها والعدس الأصفر والحلبة أو زيت الحلبة وفي قهوة اسمها قهوة أوشاوا تلقينها في محلات الماكربيوتيك يقولون انها ممتازة وتدر الحليب.
وأهم شي نفسيتك تكون مرتاحة.. قولي لنفسك كل يوم وخلي اللي حواليك يقولوا ان فيك حليب ويشجعونك على الرضاعة الطبيعية.
ضمي ابنك لصدرك بكل الحنان اللي في قلبك وقولي يارب وسمي بالرحمن ورضعيه وان شاء الله يجي الحليب.
الله يوفقك
انتبهي زين .. إذا بديتي تعطينه حليب صناعي بيقل حليبك ففكري مليون مرة قبل ماتعطيه..
وانتبهي من الدكاترة .. بعضهم بيقولون عادي بس بعضهم بيجيبون لك الهوايل وبيصرفون لك أ ي حليب وفي الغالب الحليب اللي من الشركة اللي يتعاملون معاها.
وإذا حليبك قليل في أشياء طبيعية تاكلينها أو تشربينها تكثر الحليب بإذن الله مثل الأوراق الخضراء: كراث-جرجير-بقدونس وغيرها والعدس الأصفر والحلبة أو زيت الحلبة وفي قهوة اسمها قهوة أوشاوا تلقينها في محلات الماكربيوتيك يقولون انها ممتازة وتدر الحليب.
وأهم شي نفسيتك تكون مرتاحة.. قولي لنفسك كل يوم وخلي اللي حواليك يقولوا ان فيك حليب ويشجعونك على الرضاعة الطبيعية.
ضمي ابنك لصدرك بكل الحنان اللي في قلبك وقولي يارب وسمي بالرحمن ورضعيه وان شاء الله يجي الحليب.
الله يوفقك