انا وزوجي والبنوتة الجديدة وللاسف الطلاق. ما الحل؟

مراحب


بداية اريد اقولكم اني احب زوجي كثير وهو بعد ويوم ولدت طار من الفرحة كانت عنده امتحانات بس والله ما قصر معاي ابدا ابدا كان يجيني ومرة طلعنا برع نغير جو ودوم دوم ياخذني بحضنه وانا زعلانه ومرة قبل لا يروح لمنطقه اهله ويزور اهله جاني البيت جابلي طقم ذهب وجاب لبنته كمان

والله يوم رجعلي من عندهم ما يكلمني ولا يقولي لاتراسليني خليني اشوف مستقبلي وسمعني كلام غريب واقوله تعال تغدى عندنا لاني حاليا في بيت الماما توني في ال40 المهم اقوله تعال يقولي اسف ما اقدر ووصلت الامور وتهاوش مع ابوي
صارله 3 ايام مااتصلبي ولا جاء يشوف بنته


ووصلني كلام انه وحده من خواته قالتله انت مب اول ولا اخر من جاب عيال شوف مستقبلك وليش خذتلها طقم ذهب وانت ماتقدر ؟؟ لو ما يقدر ما كان خذلي طقم لازوردي يجنن والله الحين انا اتمنى ارمي هالطقم خاطر زوجي يردلي مثل قبل

ساعدوني مشتاقة زوجي واحتاجه انا والبنت