بنتي والمنطقه الحساسه

بنات انا تعبتكم معايا ومشاكلي الكثير بس احسكم اهلي وبيتي واقرب الي بكثير واقدر احكي معاكم بنتي لما كان عمرها ست شهور جالها التهاب فظيع بمنطقه الحفاض وعرفت ان السخونيه اللي كانت عندها والميكروبات اللي بفمها نتيجه التسنين انتقلت وخرجت من فتحه الشرج وجالها حبوب كثير كأنها محروقه المهم كانت المنطقه تأكلها وتألمها كثير وكنت اسيبها طول الليل والنهار من غير حفاض ولا شئ رغم ان احنا كنا في الشتا والجو برد المهم كنت اول ما اغيرها تمد يدها وتهرش بالمنطقه دي واحيانا تجرح الحبوب وتجرح نفسها المهم احسها اتعودت بطريقه لا اراديه ان اول ما اغير لها تمد يدها وتهرش حتي لو مش ملتهبه كأنها اتعودت بنتي دلوقت قربت تكمل شهرها ال11 وانا اخاف عليهال ومره من كثر خوفي لا لمسها للمنطقه دي يسببب لها اي احساس غير مرغوب فيها خبطها علي يدها بشده بس من خوفي عليها وفضلت تبكي وقلبي عورني عليها وزعلت اوي من نفسي موت وفضلت ايام ابكي وادعي ربنا يسامحني لاني خلتها تبكي من الالم انا عايزه حل من غير ما اخليها تبكي حاولت كثير اقولها لأ يا جني بس غلط بس تبصلي وتضحك عادي لانها لسه صغيره مش فاهمه وتفتكرني الاعبها