السر وراء ضعف الاخصاب.........شاركينا برأيك

بسم الله الرحمن الرحيم وبه نستعين
انا كنت فتحت المنتدى قبل ماأروح للنوم
وبعدها منمتش طول الليل من التفكير والسبب سؤال........ ليه بقينا كدة كتير من الشباب والشابات بيعانوا من تاخر الانجاب وحتى اللي خلفو ا حتة عيل ولا اتنين مش قادر يخلف غيرة ؟.......صحيح كل شئ بامر الله تعالى ........اللهم لا اعتراض
لكن مسألناش نفسنا ليه دة مكنش منتشر اوي زمان ايام اجدادنا ((جدتي وجدتك ,,جدي وجدك)) ليه دلوقتي بنلاقي في الاسرة الواحدة كذا حد عندة حالة تاخرانجاب
كذا صديقه او صديق كذا زميل او زميلة في العمل ....أو جارة .........صح ولا لأ.
مسألناش نفسنا اية السبب ؟
رغم انه زمان البنت كانت بتتجوز 14 والشاب يتجوز ابن 17 ومع ذلك الزوجه تفضل تخلف لانقطاع الحيض عنها
ماما كانت قالتلي انه والدها اللي هو جدي جوَز بنته الكبيرة اللي هي خالتي وهي 14سنه وكان عمرة مابين 32و35 وخلفت خالتي مع امها اللي هي جدتي اللتنين كانه بيحملوا سوا ويخلفوا سوا لدرجة انه خالتي الكبيرة دي رضعت امي لان ستي ولدت ما ما بعد أما جوزت بنتها الكبيرة وفضلت خالتي تخلف لحد اما ماما اتجوزت وخلفتني وبردة خالتي دي رضعتني مع ابنها اللي اتولد معايا في نفس الشهر ...........قولو ماشاء الله...
و الوضع دة كان عادي ...عادي خالص ومنتشر وكتير هيحكو حكايات ان الحمه بتخلف مع مراة ابنها والام مع بنتها انا شخصيا والله العظيم من قريب مش من بعيد جارتي كانت عروسه وقعدت سنه مخلفتش حماتها هي اللي ولدت وجات تعد عند مرات ابنها عشان تخدمها
رغم انه زمان مكنش راحه زي دلوقت ولا كان في فول اتوماتيك ولا فرن كهربائي ولا حتى الميه دخلت البيوت وكانو الستات بيملو الميه من حنفيه عمومي قبل اختراع السقا اللي بيجي لحد البيت
ومع ذلك الصحه ممتازة والعيل ورا العيل
انا بعتقد لا مش بعتقد انا بجزم انه السبب العادات الصحيه في الاكل والغذاء
يعني زمان كانو بيخبزوا بنفسهم والعيش يمممممم طازة وروعه ونظيف
الدجاج كان بلدي وبيتربى تحت اديهم الحليب كان طازة من البقرة يدوبك بيتغلي ويتشرب على طول مكنش فيه حاجه اسمها تك اواي
الاكل يأما معمول من تحت ايديهم يأما بلاش
الفواكه والخضر دة شئ اساسي يعني لازم طبق السلطه المشكل مع الاكل وطبق الفاكهة بعد الاكل
مفيش حلويات واصناف حلويات لاحصر لها زي دلوقت ....كانو بيحلو بالفواكه بجد هو فيه احلى من كدة حلى دة حتى الفواكه من نعيم اهل الجنه
والعصائر مفيش احسن من العصائر الطبيعية اللي عملاها ست البيت بنفسها في الخلاط ولو حتى عصير ليمون

لكن دلوقت اهم حاجه التك اواي همبرجر وكنتاكي رز,فراخ مستوردة لانشون سجق بيتزا
تيجي واحدة تقولك مبحبش الفواكه والتانيه تقولك انا بكرة الحليب موووت والتالثه تقولك انا لسه هعمل سلطه خضراء على الغداء
وومنتوصاش على الكولا ((المواد الغازيه اشكال والوان ))والادمان للقهوة والشاي والنسكافيه ((القهوة سريعة التحضير )) دي حتى الشوربه عملوها سريعة التحضير
وشعيرية سريعة التحضير
ولما اما نكون فاضيين اديها شيبسي شوكلاته كولا ناتشوز وحلويات اشكال والوان والله حاجه غريبه اشي حلى الفناجين وحلى جلد النمر وحلى مادري ايه مالها الفواكه الطازجه دي حتى الحلويات دي مكلفه ومش مفيدة بالعكس مضرة خدي منها بقى سكريات ودهنيات ونشويات وفي الاخر سمنه ومش عارفه اخس
اما الفواكه مفيدة جدا انا مش هقولكم انتم اكيد عارفين والسكريات بتاعتها احادية التسكر بتدوب على طول في المعدة ومش بتتحول لدهنيات وشحوم تجت الجلد ناهيك ذكرا عن الفيتامينات والمعادن الموجودة فيها
العادات دي هي اللي جايبه لنا المرض والضعف العام مش ضعف الانجاب بس والله
اتحدا وحدة فيكم تقولي انها مش عندها 1- ضعف في النظر
2- ضعف وتساقط الشعر
3- وجع في العظام والمفاصل
4- انميا ونقص حديد حتى لو كانت سمينه
5- البشرة تعبانه وشحوب يعلو الوجة
6- طبعا ضعف التبويض والاخصاب و
تكيسات إلي اخرة
وتقولو مبنحملش قولو كويس انه احنا عااايشين
اذا مكنش في وحدة عندها كل الحاجات دي اكيد عندها كذا حاجه من دول اكيد اكيد
ناهيك ذكرا عن امراض الضغط والسكر اللي بتيجي لشباب والأطفال دلوقت اللي مكناش نسمع عنها الا للمسنيين فقط
والله انا عندي
ابن عمتي مكملش 20سنه وعندة الضغط واخوة اللي في ثالث متوسط جاله السكر
يعني بصريح العبارة امراض شيخوخه مبكرة
..........طبعا احنا مش كبار اوي وممكن اكبر وحدة فينا ممكن تكون عمرها 30سنه وفاكرين كويس احنا كبرنا على ايه طبعا على الشوكلاته والكاكاو والشيبسي البيبسي والسن توب والمصاصات والجمبري وبودرة كدة ملونه بتلسع كنا بنجبها وفرحانين ونلحسها بلسانا ,
والهلس دة كله ومنعرفش انه الحجات دي هتجيب لنا المرض دة كله
ياترى امهاتكم وابهاتكم واجدادكم كانو بيجيبو الحجات دي اراهن انه لأ
عشان كدة مشاء الله صحتهم كانت بخيرها
كان والد زوجي الله يرحمه لا يشكي ابدا غير من ضعف النظر وكان عاوز يتجوز وهو عمرة 80سنه بس للاسف وافته المنيه
لكن دلوقت لو فيه زوج شاااااب نام ليله يهنج اليله اللي بعدها
وبعد كل دة بندور على الخلف نصلح نفسنا الاول وبعد كدة كل شئ هيجي لوحدة

معلش طولت عليكم لكننها فضفضه لابد منها ؟