فلانة اجهضت!!جتها ولادة مبكرة!!تلخبطت الدورة!!ماتحمل!!مات الجنين!!تعالو نتناقش.......

اشكرج اختي على هالموضوع ..

انا مريت بهالشئ من اسبوعين وما اقول الا الحمد لله على كل شئ ...

انا عن نفسي الحمد لله ما اشتكي من شئ لا من عدم انتظام الدورة ولا التهابات بس ما ادري ليس صار جذي ..الله اعلم مع العلم ان في حملي الاول كل شئ كان طبيعي وولادتي كانت طبيعية .. بس مثل ما قلت الحمد لله على كل حال ..

ان شاء الله يعوض على كل وحدة بحمل ثاني وتام وكامل وبطفل سليم وصالح ويتمم حمل كل حامل وتولد بالسلامة وتجيب بيبي مثل القمر ويرزق كل محرومة بحمل سليم وكامل ....

قولوا ااااامين ..

سلام عليكم ورحمة الله وبركاته


دلوعة محمداني

طرح رائع وان شاء الله انفيد ونستفيد

وانا مع كلام اجدادنا صح كلا يختلف الاكل والجوو حتا البسسس اول كان ملابس الداخليه


عراض وياحلوها ههههه بس اليوم خط اعضروني على الشرح بس والله هاذا غلط يسوي التاهبات

وبيني وبينكم كثر مراجعاتنه عند الدكاتره هي السبب اول ماكانو يراجعون الحين كل زياره اخذولنا سونار

وهاذا غلط للحامل كثرتا موبزينا

والله يستر علينا وعلى عيالنا يارب اول كانت الوحده من تجيها الدوره ماتغسل الحين والله اذا ماغسلنا

احس كوم جبل على راسي الله يعينا انا عن نفسي ان شاء الله بقاطع المطاعم

والمشروبات الغازيه بس الله يعيني ويعينكم

بختصار السبب والله اعلم اكل المطاعم يعني بالنسبه لي على الاقل بالشهر مرتين وهاذا غلط

شحليلي اول بالعراق المنطقه الي ساكنه فيها مافيها مطاعم وكانت امي ماتخليني اغسل لين ماتخلص ونتو بكرامه الدوره بس الحين وبالسعوديه في كل مكان مطعم الله يعين
والي يثبت كلامي اول ماتزوجت الحمد لله حملت على طول من غير علاج

والحين صارلي احاول ثلاث سنين الله يعينا يارب

بالبدايه ووالنهايه الامر يعود الى الله سبحانه وتعاله

اسئل الله العظيم ان يثبت حمل كل حامل ويرزق كل مسلمه الذريه الصالحه

يعطيج العافيه اختي

هلا اختــــي دلوعة محمداني ..بصراحة انا اعتقد كل ما تقدمنا تزيد المخاطر ..نظام الحياة الحالي مسبب للمخاطر الصحية بحد ذاته ..الاكل المعدل جينيا و كيميائيا هو الوحيييييد المتواجد حاليا و ان قلنا في بعضه طبيعي 100% ارجع و اقول لا! التربة تحتوي على كم هـــــــــــائل من الكيماويات لدرجة الحشرات ما تهاجم على الفواكه و نلاقي العنب كبر التفاح!!هذا ممكن يسبب خلل في الاجنة و مصيرها الاسقاط او الاعاقة عشان جذي لازم شكر الله و حمده على كل مكروه..التلفونات و الميكروويف قصة ثانية بحد ذاتها..هذي الاشعة مثبت علميا انها تسبب تكسر الكروموزومات نفسها بحيث لا يمكن للخلية ان تنقسم بالطريقة الصحيحة و الجنين يسقط من كثر الاعاقة و عدم الاستطاعة على الحياة..و في الكثير و الكثير من الاسباب و الحديث بيكون طوييل فهالموضوع..بس كل اللي اقوله الله يستر علينا و يرزقنا كلنــــــــــــــــا الحمل الصحيح المعافى باذن الله ..و الله يعوضج و يصبرج يارب..

بلغي جدتك عني ..

سلامي ..

و احترامي ..

كلامك صحيح اختي دلوعة محمداني :)

انا عن نفسي الحمدلله ماعندي مشاكل في الحمل والانجاب وان كانت عندي بعض المشاكل مع الالتهابات .. لكن انا حابة اتكلم عن اهلي ( من صوب امي )

الاول ما شاء الله لا اله الا الله كان الحمل ما يوقف ابدااااا لازم يكون في وحدة على الاقل حامل في العايلة واذا ولدت ما يمر شهر الا وحدة غيرها حملت واحيانا يصير عندنا بال3 وال4 حوامل في مرة واحيانا اكثر بعد ..
لكن من سنتين او اكثر حملت انا بولدي الثاني وبعدين حملت خالتي بعدي ب3 اشهر تقريبا .. وولدت انا في موعدي وبدون مشاكل والحمدلله لكن خالتي المسكينة ولدت بعدي بشهرين ولادة مبكرة بعملية قيصرية وتعبت وايد وجابت توأم بنات وحدة منهم متوفية والثانية مريضة <<< يعني الولادة كانت متعسرة :(

وهالكلام صار له سنة و4 اشهر تقريبا ( عمرها ما صارت في تاريخ العائلة ) والى الآن ما في حوامل في العايلة فيما عدا وحدة من خالاتي حملت متأخرة شوي بعد 6 اشهر من زواجها ( بالنسبة لنا متأخرة لان في العادة من نتزوج نحمل ) وسقطت في الشهر ال3 وبعد 4 اشهر حملت ونفس الشي ما تم الحمل (w)
اما غيرها ما صار حمل للحين سواء اللي تزوجوا وحابين يحملون او حتى اللي عندهم عيال وحابين يحملون مرة ثانية مع العلم انهم حملوا بسرعة من قبل والحين ما ندري ليش متعسرة السالفة ..

بعضهم فحصوا وطلع ما عندهم مشاكل تمنع الحمل وبعضهم عندهم مشاكل بسيطة وتعالجوا لكن ما صار حمل للحين :(

يعني وصلنا لمرحلة الحين نقول فيها عيييييييين وصابتنا لان احنا ما شاء الله عايلة مترابطة وايد ونطلع مع بعض وايد والناس تشوفنا سواء الحوامل او اليهال الصغار وياما حصلنا تعليقات على موضوع الحمل لدرجة ان في ناس قالوا بيت ال .... ( يعني احنا ) ولودين ( ما شاء الله ) والوحدة منهم تحمل من اول شهر زواج :eek:
ولان احنا اغلبنا ومن ضمنهم انا حملي بعيالي اثنينهم كان بدون تخطيط واحنا نستخدم موانع حمل وفي غيري وايد من الاهل صار لهم نفس الموضوع تفاجأوا بالحمل وهم يستخدمون موانع فـ الناس علقوا على الموضوع بمزحة وقالوا انتوا الظاهر تحملون على الريحة :ss:

الحين عندنا بنت خالي مسكينة طولت في الخطوبة شوي وكملت لها 4 سنوات من تزوجت وعمرها الحين 32 سنة ويأست وتفكر تسوي طفل انابيب تقول لمتى انا كبرت وللحين ما حملت :(

ويمكن الاسباب اللي ذكرتوها تكون هي السبب فعلا :16:

ام ولييييييييييد ..
حياج الله الشيخة ف موضوعنا
و لا شكر على واجب فديتج هذا واجبنا نفيد و نستفيد ان شاء الله
بالنسبة لحالتج تراني انا بعد نفس الشي كل فحوصاتي سليمة
بس كل شي رزق يا ختيه
و الله يعوظنا خير ياااااااااااااارب...


شمس حياااااااااته ...
صح لسانج الغالية
لدرجة انج تحصلين كل انواع الفواكة متوفرة في وقت مش موسمها !!
ف هذا اكبر دليل ان في لعب و في كيماويات و ابر ف الموضوع
عشان جذه الدكاترة ما ينصحون انج تاكلين شي مش في موسمه ..
ف احسن شي الواحد يسويله مزرعة خاصة فيه !!
عشان يرتاح باله و يطمن !!!
و يا الله بسترك يااااااااااااااااااارب..


[COLOR="black"]مريــــــــــــــمـ نووووور....
يبلغ ان شاء الله
و شاكرة مرورج الطيب


ماما حســــــــــون ..
يا ختي هذي عين ما صلت ع النبي
عليكم بالرقية الشرعية
ترى العين حق فديتج
و الافضل بعد ان الوحدة ما تعلن عن حملها على طول
و كل ما بتظهرون سوا سمو بالرحمن و اقرو المعوذات
و الله الحافظ ان شاء الله .....


و اسال الله العظيم في هذه الساعة المباركة ان يقر عين جميع بنات المنتدى بذرية طيبةسالمة معافاة اللهم ااااامييييييين ...[/COLOR]

اي والله صدقتي زايده موضوع العقم وتأخر الحمل والله العالم ويش الأسباب

بس يمكن زي ماذكرتوا جميعا الأكل وطريقة المعيشة اللي أختلفت بنسبة 100% عن الأول

الأول كانت حياتهم بسيطه وسهلة وأحنا حياتنا معقدة وصعبة وكلها عقد بعقد




اسال الله العظيم في هذه الساعة المباركة ان يقر عين جميع بنات المنتدى بذرية طيبةسالمة معافاة اللهم ااااامييييييين ...

لي عوده ان شاء الله و لي تعليقات كثيره :)

بنات اتا اشوف انه كلامكم فيه نوع من المبالغه

صح انا سمعت مره في التلفزيون انه الخصوبه تقل بسبب العوامل البيئيه و الغذاء و التلوث و غيره


بس حتى زمان بنات كان فيه مشاكل

كانت الحرمه تجيب 10 او 15 و يموت منهم 4 او 5 شي في الحمل و شي بعد الولاده

هالأيام لا

قلت الأعداد الي تجيبها الحريم و الطب تقدم و صاروا يكتشفوا الأسباب اللي تخلي الجنين يموت في بطن امه و ما كانوا يعرفوا السبب

الحين مجرد انه السبب صار ينعرف

إذا ترجعي لتقارير منظمة الصحه العالميه يقولوا انه اعمار الموزاليد في تزايد و عدد الأطفال اللي يموتوا في الحمل او اثناءالوبلده قلت كثير يا ما كان فيه حريم يموتوا أثناء الولاده و الحين بفضل الله قلت إلا ان صارت نادره الحمد لله

صح انه البيئة والتلوث يلعبون دور في الامراض والتشوهات

بس كلامي مثل كلام ريم81
دوم يوم حريم اول يقولون نحن ماعندنا هالاشياء
اقوللهم انتوا ماتعرفون شو كان فيكم وليش عيالكم يموتون ...لانه الطب كان متاخر عندهم

واغلب العوايل عندهم وفيات المواليد.....

بس اللحين الطب تطور والكل تعلم وتثقف وبالتالي تشوفين الحريم يحاتون كل شي ويخافون من الامراض
يعني لو كانوا جاهلات ماكانوا بحاتون وبخافون بنفس درجة اللي عارفات نوع الامراض والجراثيم....
ماتشوفون ليش زادت نسبة الوساوس من الامراض ووسواس النظافه وغيره....كله من زيادة الثقافه الصحية
وواهمال الجانب الديني......


بس انا ماانكر دور الكيماويات والتلوثات في زيادة الاجهاضات...وايضا لياقة الام تلعب دور
حريم اول كله حركه في حركه اما بنات اليوم كله يالسات وهيازه
لهالسبب تتعب بسرعه وماتتحمل اي شي


اسفه على الاطاله بس احس كلامي مخربط مادري بتفهمون وجهة نظري او لا.....


والله يرزقكم الذرية الصالحه عاجلا......

فهمنا نوسه

الله يثبت حملك يا رب يقر عينك بشوفته

أقولك مثلا انا جدتي شو كانت تقولي وا نا حامل

كانت تقولي بعد الشهر السابع لازم اكل شوي ما أكثر ابدا يا دوب اسد رمقي ليش علشان البيبي ما يكبر و لما اولده ما اتعذب و استشهدتلي انه فلانه وفلانه سمعوا كلامها وولودا بالثامن كأنه الولاده بالثمن ممتازة

زمان ما في ثقافه زي ما قلتي نوسه

كله كان على البركه لكن الحين كل وحده فينا إذا عندها مشكله تسأل ميه مره و ثقف نفسها و نحنا ما عندنا استعداد نتحمل الإجهاض مثل جداتنا ما اقول ما كانوا يزعلوا تخليني جدتي تقولي مثل بما معناه

الحمل بضاعه مخلوفه يعني مثلها مثل مثلا إذا قصيتي شعرك يطلعلك غيره نفس شي إذل فقدتي جنين مو مشكله الله بيرزقك غيره ههههههه يحليهم ما يعرفوا

فما كانوا يزعلزا كثير لما يولد بيبي ميت مثلا يقولوا خلاص امر الله عمره كذا

هو صح عمره كذا بس الحين مو مراخه و لا دايه تولد لا أطباء و لما يصير هالشي مع وحده يفهموها ليش مثلا ضغط او تسم حمل او اي شي و يدارونها في الحمل اللي بعده و لذلم المره تقلق يتكرر معاها نفس الشي

الله يرزق الجميع الذريه الصالحه و يثبت احمالكم و يرزقني معاكم

اختي ريم في دراسات علمية تثبت انه البيئة تاثر بطريقة كبيرة على نسب الحمل و الاجهاض و ايضا على نسب السرطان..انا مجالي طبي و كثير متعمقة في هذي الامور..و اكيد اسباب الاسقاط في الازمان السابقة ما كانت معروفة بسبب عدم التقدم الطبي و عدم الوعي و الادراك و لكن لكل حقبة من الزمن اسباب ادت الى التاثير على التكاثر ..نحن ناخذ كل 20 سنة و نحلل شو اللي استجد في البيئة الاكل او المجال الصحي او التقدم الحضاري و نحلل و هذا ما يسمى بال Epidemeology يعني الكلام يكون مرتكز على حقائق علمية لا غير...وعدم الوعي و الادراك ما هو الا عامل من عوامل كثيرة..و لا يوجد مجال للمبالغة

ام جود القمـــــــــر...
شاكرة مرورج الغالية
و الله يعينا ان شاء الله على هالزمن


ريــــــــــــمـ..
شاكرة مرورج الغالية و تعليقج الطيب
بس بعد اختي لو تجين تقارنين ما بين مشاكلنا و مشاكلهم
ترى صفــــــــــــر عـ الشماااااااااااااال ...!!!
و مثل ما تعرفين الغذاء يلعب دوووووور كبيييييييييير ف صحة الانسان
و زمان الاكل ماشاء الله نظيف و فرش
لكن نحن
كله كيماوي في كيماوي .............!!
يا الله رحمتك ياااااااااااارب

نووووووووووووسة ...
بالعكس الغالية كلامج عين العقل و جدا واضح
و شاكرة لج مرورج الطيب
و لا تحرمينا من آرائج المتميزة

و لا تنسون خواتيه
حرب الخليج جدا اثرت ف الخليج و بيئته ........
بسسب الكيماويات اللي استخدموها الله يسامحهم
ف تلوثت عندنا البحار و المزارع
و نتايج هالحرب قاعدة تطلع الحين

ما تلاحظون اكثرت عندنا السراطانات و العياذ بالله
هذا كله من تاثير الكيماوي

لدرجة ايقولون السرطان بيكون مثل الزكام ف الخليييييييييييج ......!!!
الله يبعد عنا و عنكم اللهم امين ...

هلا شمس حياته كلامك صح و انا مقتنعه فيه

طبعا لكل زمان بيكون في اشياء تاثر من الاكل للهوا

و شكرا لتعليقك بس اما كان قصدي ما يكون فيه مبالغه بالموضوع

للرفــــــــــــــــــــــــــــع ..........

انا من رايي ان السبب من الاكل والمطاعم
قارني اكل حريم زمان بنا
الوحدة زمان لما تصحى من النوم تفطر مو فطورنا هالايام توست ودلع خخخخخ
احنا لما نصحى من النوم ناكل شوكلاتة او تشرب قهوة او ايس كريم >>>هذه انا هههه
او انها ما تفطر خيير شر مع ان الفطور اهم وجبة في اليوم
فسوء التغذية حقتنا تبان في الكبر والمرض والحمل تلقين الوحده جسمها ما يتحمل ضعيييييييف
ووووووووبس ما ابي اتفلسف واصدع بكم هههههههههههههههه
وهذا رايي ومشكوووووورة على الموووضوووع الرائع بصراحة

موضوع رائع
فعلا المواد الكيماويه في كل مكان
في اكلنا وشربنا .. وفي الشامبوات والكريمات اللي نستخدمها كل يوم
ولا تنسون المواد الحافظه اللي فبي المعلبات والدجاج
تلاقين حتى البنوتات الصغار ياحرام عندهم لخبطه فالهرمونات
وتشوفينن البنيه اللي عمرها 14 سنه شكلها وجسمها كانها فال20
هذا غير الموضوع اللي حكو عنه البنات اللي هو الاجهاض وتشوهات الاجنه
ونادرا تلاقين وحده متزوجه من خمس او عشر سنين ماعندها تجربة اجهاض
فعلا تجربه مؤلمه وقاسيه بمعنى الكلمه (( الله لا يعيدها))
واخيرا ..
الله يتمم حمل كل حامل على خير وتضم جنينها على صدرها وهو بكامل صحته وعافيته.
والله يرزق كل وحده تتمنى الحمل .. الحمل السليم عاجلا غير اجل
والله يرزق البنوتات الزوج الصالح والذريه الصالحه