مرااايم وسعود الدب!

مريوم:السلام عليكم
سعود: وعليكم السلام ، هلا ببنت عمي هلا(l)
مريوم:سعود خل عنك هالسوالف وخبر فطوم اني ابى ارمسها:mad:
سعود:وليش مستعيلة ، خليني اقولج شيء.
مريوم:انت صاحي؟سعود..ازكر فطوم لا اخبر عليك عمي وساعتها ما تلوم الا نفسك
سعود:وليش متضايجة ..؟!تراه والله اللي عندي رمسة زينة تعيبج اكيد.
مريوم:سعود!تراه والله مليت منك ، الحين لو يسمعك عمي وانت ترمسني جذيه ، ما بتلقى الا والعقال فوق راسك!
سعود:مرايم ، انت ليش عصبية وايد!اللي يشوفج يقول انج بنت ابوي مب انا اللي ولده من زود عصبيته.
مريوم:سعود الدب ، الله لا يبارك فيك قول آمين!لا تسميني مرايم ، انت فاهم ؟!
سعود:لا11111 اشوفج وايد عصبت وقمت تعقين من هالرمسة الفارطة!بزكر لج فطوم ، لاني بديت اعصب عليج بعد يا مريوووم واذا عصبت بطلع رمسة حتى انا ما احس فيها وعاد كله ولا انتي يا بنت عمي .
مريوم:وينها فطوم يله بسرعة!:mad:
سعود:هدي اعصابج وبعدين بزكرها
مريوم:اقولك شيء عطني عمي احسن اكلمه واعلمه على سوالف ولده الشينة!
سعود:لا الله يخليج كله ولا ابوي ، بعدها تراه اخر ضربة على الراس لين الحين مبينه والله حتى فشيلة جدام ربعي!:s
مريوم:....
سعود:مريوم؟
مريوم:.....
سعود:لا صج مبينه انج ما تبين ترمسيني، يله بقوم ازكر لج فطوم.

فطووووووووم فطووووووووم فطووووووووم تعالي مرايم تريد ترمسج على التليفون..

شو صار بعدين؟

اللي صار الله يسلمكم بان فطوم نزلت من غرفتها وراحت الصالة تبى تكلم مريووووم وسعود ركض غرفة المكتب و...

البقية في الحلقة القادمة;)

**********************
هذه أول مشاركة لي في قسم الركن الأدبي
وهي عبارة عن قصة اكتبها باللهجة المحلية
فأي كلمة غير مفهومة اتمنى منكم سؤالي عنها لكي أفسرها لكم:)
وهي عبارة عن أجزاء
لماذا؟
1-للتشويق
2-لان متابعتكم للقصة تعنى انها جيدة وبالتالي اكتشف اذا كان هذا الركن يهتم بالقصص المحلية أو لا لكي اكتب ما هو مناسب في المرات القادمة.
:)

انتظروني;)