سؤال عن بيس الشدو

بشه المنفشه 27-05-2008 9 رد 1,626 مشاهدة
ب
السلام عليكم ورحمة الله وبركاته


بغيت اسألكم بنات .. أول شي نمد الفاونديشن على العين وبعدها نحط بيس الشدو
ولا البيس نحطه قبل الفاونديشن ؟؟؟

:)
ل
عن نفسي

احط الفاونديشن واخليه 10 دقايق وبعدها احط بيس الشدو

:)
ب
مشكوورة حبيبتي لمى :)
a
انا احط كونسيلر على منطقة العين حتى لو مافيني هالات ..

لان احس الكونسيلر اخف من الفاونديشن ومايتكتل مع الوقت .. وعقب احط بيس الشدووو

عجبني بيس الشدو من استي لودر اسمه stay in place ولونه بيج نفس لون البشره :)
ب
مشكورة حبيبتي انا قطرية

يعني خلاص أعتمد ان البيس يكون بين الفاونديشن والشدو :)
a
هلا بشه حبي

ترى هي مب قاعده .. يعني انتي جربي مره بدون فاونديشن وحطي بس البيس واطلعي فيه يعني وشوفي شلون يصير مع الوقت ..

وجربي بعد مع الفاوندشن وشوفي ..

انا بالنسبه لي احسه ينعّم الجفون اكثر لو احط كونسيلر وبعدها البيس ... عشان الشدو يطلع احلى

وووبس ;)

Good luck
^_*
ب
مشكورة يا عمري ما قصرتي

المشكلة اني أول مرة أشتري بيس عشان جذي محتارة شلون أستخدمه :)

يزاج الله خير يالغالية
ر
انا بعد افضل احط كونسيلر على منطقة العين افضل من الفاونديشن لانه اخف ويخلي شكل عينج انعم
وللحفلات والسهرات اخلط الاثنين
والبيس الشدو تحطينه وتخليه 5 دقايق بعدين تحطي الشدو علشان يثبت اكثر
خ
مرحبا فيج اختي بشه ( يجنن نكج )

انا عن نفسي ماا احب احط فاونديشن فوق عيني لان بعد ساعات احس لون الجفون تتغير بشكل مو حلو فأحب اني احط كونسيلر خفيف لان الحمدلله ماعندي هالات خخخخخخخخخخ لو بعد فيني جان صج مشكلة :(
وبعدين احط فوقه البيس بعد مااترك الكونسيلر خمس دقايق يجف يعني مثل ماقالو خواتي الي قبلي الكونسيلر بعدين البيس ومن ثم الشدو
تمنياتي لج حبيبتي بالتوفيق وانشاء الله مكياجج يطلع يجننن مثل نكج (f)
ب
روح الروح
مشكورة يا قلبي .. حلوة فكرة خلط الفاونديشن مع الكونسيلر :)


خذيت الروح
انتي اللي اتيننين من ذوقج وطيبج يا قلبي :)
شكلي لازم أروح أشتري كونسيلر !! انا معتمدة على الفاونديشن قلت يسد مكان الكونسيلر لأنه شوي ثقيل بس ما تخيلت إنه هو اللي يخرب مكياجي أو يغير لونه !!
مشكورة يا عمري نبهتيني على شغلة مهمة .. خلاص بسمع كلامكم بإذن الله وإن شاء الله النتيجة تطلع حلوة :)
X