السلام عليكم
حبيت انقل لكم قصيدة للشاعر الاماراتي فهد معتوق الملقب بساقي الشوق
:confused:
ثلاث سنين انا اخطط لهذا اليوم يا بو سعود
تيسّر حالي و جاهز اوفّي وعدي بوقته
و فجأه جتني تتعذر .. تقول تأخَرَت لوعود
و انا مستغرب و اسمع كأني وعدها خنته !!
حسبت انها تمازحني و تتصنع جفا و صدود
ضحكت بوجهها من قلب.. مع انْها بايخه النكته
و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!
كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته
و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته
صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته
سكت و قلت هي فرصه مدام الجود في الموجود
و قالوا كل من حولي علامات الرضا سكته
و انا فكرت دام امه و اخته ما عليهم زود
اكيد اني براضيهم اذا وافقت و اخترته
و اراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته
و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !
تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمري ما عشته
انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته
عسى بفستانها اشواك .. و في ثوبه عقارب سود
و نار ٍ تحرق الكوشه و تحرق بيتهم حتى
و موت بليلة الدخله يبرد حرتي يا كود
ولا احس انها بحضنه يلامس خد لامسته
علي اهون اذا ماتوا ولا بنفس السرير رقود
ترى صعب ٍ علي اتخيل اللي ما تخيلته
عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته
ترى دفنة عديم الذات تلوع حتى كبد الدود
و من خان العهود و مات تعافه حتى مقبرته
عسى ربي يجازيهم بحبل ٍ من مسد ممدود
يعلقهم من اطرافه و فوقه نار ٍ و تحته
انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردة فعل والله ابشري بردود
بدعي دامني حي ٍ و بغرس للدعا نبته
و بسقيها نزيف القلب و دمع ٍ ما رحم لخدود
و تكبر و الثمر ثاري من اللي خانني و صنته
انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته
و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته
ثلاث سنين انا ابني و جت ( صوره ) بكل برود
خذت مني شقى عمري و حلم ٍ ( قلت ) حققته !!!
ثلاث سنين انا اخطط لهذا اليوم يا بو سعود
وتوافق من كلام اخته .. و صوره ( 4 ف 6 )
:confused:
3 سنين وانا اخطط لهذا اليوم ؟؟؟
ا
27-05-2008 | 05:35 AM
ع
27-05-2008 | 01:16 PM
اختيار جميل لقصيدة محزنة00
كوني بفرح00
كوني بفرح00
ا
27-05-2008 | 07:05 PM
قصيده رائعه تعبر عن صاحبها بصراحه
ومحزنه فى نفس الوقت
مشكوره عزيزتى على النقل ولكى منى كل الود
ومحزنه فى نفس الوقت
مشكوره عزيزتى على النقل ولكى منى كل الود
ا
29-05-2008 | 03:46 AM
تسلمون على المرور
ويعطيكم العافية
ويعطيكم العافية
f
29-05-2008 | 08:37 AM
قصيدة رائعة جدا ً ..
أعجبتني بكل معنى الكلمة ..
شكرا ً جزيلا ً عليها ..
تحياتي ..
أعجبتني بكل معنى الكلمة ..
شكرا ً جزيلا ً عليها ..
تحياتي ..
ت
02-06-2008 | 03:10 PM
أحياناً نحتاج لإن نكون كالصخور
لا نشعر ولا نتألم
كثيراً من الأحيان تكون أحاسيسنا المرهفة هي مصدر أوجاعنا
تسلميين عزيزتي ..فعلا قصيدة رائعة ولكنها في قمة الحزن والالم..
لا نشعر ولا نتألم
كثيراً من الأحيان تكون أحاسيسنا المرهفة هي مصدر أوجاعنا
تسلميين عزيزتي ..فعلا قصيدة رائعة ولكنها في قمة الحزن والالم..
s
02-06-2008 | 09:41 PM
ا
02-06-2008 | 10:04 PM
كلمات راااائعه مشكوووره على هذه القصيده
ر
04-06-2008 | 01:45 PM
كلمات جميلة سلمت اناملك
ح
04-06-2008 | 02:44 PM
رااااااائعة وحزينة
يعطيك العافية على النقل
يعطيك العافية على النقل
م
06-06-2008 | 03:41 AM
قصيده روعه تسلموا
ا
11-06-2008 | 07:42 PM
تسلمون عالمرور
س
11-06-2008 | 10:50 PM
سمعة هذي القصيدة بصوت الشاعر وكانت في قمت الروعه
مشكورة اختي
مشكورة اختي
ا
16-06-2008 | 01:19 AM
تسلمين عالمرور