مشكلة صديقتي رنوو تقطع القلب :(

يااختي استهدي بالله يمكن هو مشغول ودام هو بيحبك اكيد ماراح يزهق منك , وكمان متل ماقال خلاص بيودع حياة العزوبية وبيفضالك, عندك حلين يااما تصبري على هدا الوضع لحد ماتتزوجو ان شاء الله ويتغير يا اما بتكلميه وبتطلبي تشوفيه ضروووووووري وتلحي لحتى يوافق ولما تشوفيه احكيلو وظهريلو مشاعرك وفهميه ان هدا الوضع متعبك وكده وعلى الله يتفهمك ويغير طبعه
الله يوفقك اختي ويعدلهالك ويصلح حالكم ويتغير الوضع للاحسن ان شاء الله

مشكورة اختي ع المرور .. والله يهديه يارب العالمين ...

بسمه امل


آمين الله يسمع منك يارب

صراحه انتي مدلعه زياده عن الحدود ههههههههه

باقي شهرين المفروض انتي ماتقابلينه وترفضين علشان تشوقينه زياده

شوفي كيف طلع اشطر منك

وترا الرجال مشغول يوم يقولك كذا صدقيه

لانه وراه مصاريف وتجهيز زواااااج ووووووووووووو ...........

اتمنى انك ماتضغطين عليه زياده علشان ماتبعدينه عنك فاهمه

وايش تبغين تستفيدين من المكالمات
.
مامنها الا الهواشششششششش

لاحقين عليها اهم شئ ادعي له وريحي باله

ولاتتهورين واتركي الدلع عنك على جنب

وواضح انك صغيره بعمرك مرررررررره

موفقه يارب

لا تسألي عنه و لا تتصلي دام انج متزكده انه يحبج

و اذا اتصل لاتردي.. يعني كما تدين تدان..

لاتعوديه انج تكونين حنانه خليه هو يسأل عنج..

شعوله .. ايه انا دلوعة حدي وعمري 22 سنة..

بس احبه وايد واموت عليه ما اقدر اصبر ما اكلمة يومين ولا اشوفه شهر اجننننن صررراحة ..

لكن الله يصبر قلبي ومشكورة يا قلبي ع النصيحة الحلوة

B.1

ما ينفع اللحين التغلي والتكبر عرف طبعي خلاص :)

يمكن اصبر يومين ما احاجيه ارد اليوم اللي بعده ادق واقوله مشتاقه حيل وليه ما تدق وليه وليه وليه ؟؟؟

تعبت صراحة...!!

يمكن لان ما ياخذ راحته
حبيبتي
انتي خليه على راحته
واكيد هو بيحس بعد بتغيرج
واصبري انتوا في الاخير بأذن الله بتزوجون
ويمكن هو متأثر شوي ان بيودع العزوبية
ماعليه حبيبتي اصبري
ترى والله الريال مايحب المرة التي تحن وتصيح وايد بشكل مبالغ وهاذي نصيحة
وبعدين ساعات الواحد يمر بأوقات تخليه يكره نفسه
وبعدين اذا قالج عند ربعي لا تعصبين بالعكس ترى يحبون اللي تقدر ان عنده حياته مع ربعه
وانتي بعد اطلعي واشغلي نفسج بأشياء ولا تتصلين دوووم
ولاتلحين عليه يجي بالعكس خليه هو يجي لين شافج طقعتي له
وصدقيني ان شالله عقب الزواج بيتغير وبيشوفج جدامه وكل شي بيصير زين بس انتي لا تلحين وايد
والله يوفقج

تسلمين يا دبدويته


والله يسمع منج... انا مو قاهرني غير ربعه يعني ما حلو بعينه الا لمى قرب العرس اول ما يجيب خبرهم ولا شي ..

الله يهديه ..

لا تتأثرين حبيبتي
انا حاسة فيج
لان في فنرة صرت جذي وايد اصيح واقوله متغير ومتغير
وادق
بس الحمدالله قدرت اغير
هاذي مرحلة وبتعدي

دبدوبته

طيب ليه هم يتغيرون لا قرب العرس احنا وش ذنبنا ؟؟
طيب انا خايفة ما يتغير بعد الزواج ويصيرون ربعه هم دنيته وياخذونه مني :(

حبيبتي في اسباب وايد
يمكن مايرتاح يجي بيتكم
يمكن مصاريف العرس
ويمكن يفكر في الزواج وان بيهد العزوبية
اسباب وايد
بس انتي بطريقتج تعرفين هو ليش متغير بس بدون الحاح
انا صار هالشي قبل الزواج واكتشفت عقب ان زوجي كان في ضائقة مالية
بس الحمدالله
ابتعدت عنه يعني ماكلمه وايد ولا احن عليه و لا شي
وعشت حياتي (بس كنت من داخلي متأثرة)وكنت اصيح بس استحملت وعقب هو بنفسه اعتذر لي
وحبيتي اياج والهواش عن ربعه
خليه على راحته
تراهم يملون من اللي تحن عليه عشان القعدة مع ربعهم
وصديقتي مل منها زوجي بسبة هالشي
خليه
مثل مانتي له حياتج هو بعد له حياته
وهذي نصيحتي
وانتي اشغلي نفسج ولاتحسسينه انه متغير ولا تكلمينه وايد واذا ماجاج البيت لاتسألينه
اذا هو يبي يشوفج بيجج
وفي العرس انا متأكدة ان بيتغير
لان بتكونين معاه

دبدوبته


طمنتيني الله يطمنج

هو اللي مشغلة انه يآخذ اوفر تايم في الدوام .. الله يعين

حبيبتى ربى يسعدج ويوفقج
اولا انتى صحيح تحبينه بس الريايل معروف يوم يظمنون الحب ولا تتمين تبينين له حبج وشوقج كل يوم بيمل وبينشغل..اهو الاكيد يحبج بس مايبغى يحس انه ملزم يعبر لج ويهتم فيج كل يوم خليها تييى منه اهو واسالى مجرب قد ماتتغلى قد ماراح تكسبينه مااقولج اسفهينه لا بس انقطعى عنه شوى وعيشى حياتج واهو يوم يحس ان حياتج صار بها برامج غيره اكيد راح يسال شو سبب التغيير ويرد لج..وانشاءالله يوم تتزوجين وتستقرين راح تكون حياتج افضل والعمر قليل لاتضيعينه بالزعل وحرق الاعصاب والتغيير يبداء من نفسج ولو ماتغير تصرف خطيبج فلاتلومين حالج لانج ماقصرتى وربى يجدم لج الخير ونسمع اخباره حلوه
ربى يرده له ردا جميلا وصبر جميل والله المستعان
والاخوات ماشاءالله كفوا ووفوا وماشى زود بعد كلامهن
السمووحه

انتي خليه يرتاح شوية ماباقي شي تتزوجي !! احسن عشان يشتاق لك و تشتاقين له
لو انا منك كان عادي بالعكس اخليه براحتة ..يعين كل يوم اطرش له مسج غزلي و اشوقة لي ... (اثقلي شوية ) هههه امزح معك
بس عادي يعني جدا ماباقي شي تتزوجي و شوفيه المسكين رايح يحجز من الآن تذاكر سفركم يا حظك يا بختك و الله في زوجك الله يهنيكم و يبعد عنك العين
انا كنت مثلك و صار لي شهرين من تزوجت انا كنت اقول الى خطيبي يبا لنا ما نشوف بعض قبل الزواج شهر .. كان يرفض مسكين لانة ما عنده ربع ولا عنده طلعات ولا جيات فاصر علي ان اخليه بس اسبوع .. و انا طبعا ما قدرت اني ما اشوفة بسبة التجهيزات و كنت معتمدة عليه لانة ما عندي احد غيره يساعدني بالتجهيز
موفقة و الله يبارك لك مقدما

حبيبتي الله يسهل امورك ويهديه ويسخره لج
حبيت انصحك نصيحة مجرب
انا متزوجه وتقريبا نفس طبعج ابيه يسال عني واذا سافرت لاهلي
كله اعاتبه انت متغير وماتشتاق لنا وليش امس ماكلمت انشف ريقه
واقعد افكر والنتيجه شني اني اضايق نفسي على شي مايسوى
ومع ان عندي خيارات كثيره اذا سافرت لاهلي اتونس وكذا بس انا
انكد على نفسي صحيح ماراح تفهمين كلامي لانك الحين بحالة حب
شديده وماراح تفهمينه الا لمايمر فتره طويله عليكم
بس اسمعيني حبيبتي
اشغلي نفسك وحتى لو مشتاقه له لاتتصلين ولاتراسلينه جهزي نفسك
للزواج كلمي صديقاتك وكل ماتحسين انك بتضعفين اشغلي نفسك
سويلك برنامج اشتركي باي شي المهم لاتتصلين ولاتراسلينه لاتقولين
ما اقدر والله ماراح يفيدك وشوفي شلون بيكون اهو بيفكر شفيها ليش ماتتصل
لاتكون ماتبيني وماكان طبعها كذا كانت لحوحه شصار؟
زوجي من استخدمت هالطريقه معاه يسالني ليش ماتكلميني اقوله اخاف عندك ربعك
يقول شفيها كلميني تخيلي؟؟

جربي هالطريقه ماراح تخسرين شي
والله يهديكم لبعض

واعذريني على الاطاله

ميسى كوول


تسلمين حبيبتي ع الرد الحلو ... انا شوي حنانة ودلوعة بزيادة معرف اشلون اخف منهم شوي؟؟

بقايا فجر


تسلمين يا عمري ع الرد .. صراحة انا اليوم اكتشقت بعد ردودكم اني صج صاكة عليه صك بالمكالمات والمسجات الغرامية والايميلات زين ما انقز له بدوامه خخخخخخ

انا ع بالي انو اذا انشغل عني ومايرد على مكالماتي ولا يجي يزورني انو مايهتم فيني ولا معبرني .. تدرين احنا البنات حساسات دلاليع :)

الله يصبرني انطر الصيف والله يسخره لي يارب