دفتر المعازيم(مقدمه)

عروس البحرين 2008 25-05-2008 17 رد 1,135 مشاهدة
ع
السلام عليكم

مرحبا اخواتي العزيزات

و الله حابه مساعدتكم خواتي خطوبتي بعد شهر و نص و مفكره اسوي دفتر حق المعازيم يكتبون فيه طبعا سويته بطريقة حلوة حطيت فيها فريمات و صوري و صور خطيبي.

بس محتاره و حابه مساعدتكم :ss:

في اول صفحة حابه احط فيه مقدمة اللي عندها مقدمة حلوة او خاطرة لا تبخل علي فيها و بكون شاكرة لها



(f)
تحياتي لجميع الاخوات

عروس البحرين
ن
حبيبتي وايد حلو انا مثلج سويت لخطوبتي كتب لي اول الصفحة خطيبي شعر وانا كملت عليه بكتابة بعض الكلمات الحلوة ومن ثم كتابة المعازيم ونهاية الصفحة تمنيات الوالدين لنا ,
واجرت فريم كبير من مصورة ام عباس وضعت صورنا بداخلها بداية الممر مع صندوقين كبيرتين وضعت فيهما هداية متواضعة للمعازيم وطاولة عليها بخور والعود
أ
حلوه افكاركم


ومنكم نستفيد

(f)
ع
تسلمين بنت سهيل على المرور فكرة الشعر حلوة بس شنو ستايل هل الشعر و فكرة الطاولة حاطتنها في بالي اني بسويها


أميرة عند زوجي شكرا على المرور
ع
وينكم اخواتنا محد عنده خاطره او شعر حق الدفتر
S
هلا و الله اختي .. مبروك مقدماً ..(f)

هذي شويه نماذج ان شاء الله تعجبج..

هلا يافتنه الحفله .... هلا والفرحه أكتملت
......................................هلا باللي سحرت كل العيون والزين كاسيها
هلا باللي القمر منها رحل يومنها طلت
...............هلا (اسم العروس )ومثل (اسم العروس ) بالدنيا أثنين مافيها
نويت أني أوصّفها وحروفي بوصفها أحتفلت
....................................وأشوف الشعر يسبقني ويكتب كل معانيها
عليها من الحسد عيني ذكرت محمد وصلت
...................................وعليها من الفرح شعري رقص بأحلى لياليها
أنا بوصفها أببدأ بشعرها يوم له فلت
.....................................سواد الليل والجبهه قمر نوره يغطيها
وعيونها عيون حوريه ومنها الحور أتحلت
...................................يعني بأختصار كامله وجمال الكون بيديها
و(اسم العروس) أذا رخت رموشها وسلت
......................................تصيب اللي يحب الزين ويعشق غواليها
و(اسم العروس) مثل القمر عيونا منها ماملت
.......................................عسى ربي من الحاسد بأمره اليوم يحميها
واليله الليله كل الناس أحتفلت
............................ليله من العمر صارت (اسم العروس) اللي تحليها


الشاعرة: مطلع الشمس

القصيده بعنوان: الحب المخلد..

أحبك حب لو تدري بعد عمري بتأثيره ...
سلبني عقلي وروحي واحساسي مع شعوري

أحبك تعجز حروفي عن وصوفه وتعبيره ...
وانته فوق هام السحب لك نهجي ودستوري

أحبك حبٍ مخلَّد أحبك من وانا صغيره ...
أحبك حب ما يوصف ولا تستوعبه سطوري

ربيع القلب يا عمري شذا عطري ونواويره ...
ضيا ليلي سفر شمسي هناي ولحظة سروري

أسوم العمر من أجلك ولو كثرت مخاسيره ...
فدتك الروح يا روحي في غيابي وبحضوري

عسى من لامني بحيك تصيبه في الهوى حيره ...
ويسري الحب في قلبه ويصبح فيه مأسوري

ترى شوفتك هي عيدي تساوي الأهل والديره ...
سخيِّ النفس طلعتك البهيّه يا غلا نوري

أحبك وانت في قلبي محبٍ ما ليه غيره ...
أهيم بحبك وإنته تهيم بحب غندوري

الشاعرة مطلع الشمس

القصيده بعنوان: الحلم الكبير..

كل يوم وكل ساعه وكل عام
وانت حبي وانت عشقي والهيام
وانت كل الحب يا حلمي الكبير
وانت فال السعد يا أجمل غرام

انت كل الحب في كل الزمان
وارتباطي فيك من قلب وكيان
مصدر افراحي وسعدي والحنان
شوفك اعيادي وكل الابتسام

يا رقيق القلب يا عذب الشعور
قربك الأيام تضحك لي سرور
في فوادي وانت لك قدر وحضور
ما توفِّيك الوصايف والكلام

إنت غير الناس في عيوني أنا
إنته افراحي وعمري والهنا
من أنا من غير حبك من أنا
أعشقك واصحى على حبك وانام

بسمتك والحب لي أجمل حياه
عامره والكون ينور في ضياه
يا نهار العيد يا صبحه ومساه
أجمل آيات التهاني لك والغرام

ان شاء الله يعجبونج ..
ع
[FONT="Arial"]
تسلمين اختي و ماقصرتي واااايد حلوين
و الله يبارك فيج ان شاء الله
[/FONT]
ا
موفقه
أ
ممكن توضحي لي الفكرة يعني تعطي الدفتر للمعازيم ولا بيكون محطوط في مكان معين !!!
ع
لا بيكون في مكان معين عند البوابة كل وحده من المعازيم تكتب فيه حق يظل ذكرى انها حضرت الخطوبة
ح
انشالله الف مبروك

ودي اساعدك بس مااعرف

عندي سؤال وين سويتي دفترك؟ يعني مين اللي حط لك فريم في الدفتر

لان زواجي قريب وحبيت الفكره

وين في البحرين بالضبط؟
ق
ألف مبروك عروستنا

الفكرة حلوه والحين الكل يسويها
مثلا أوريانا حطت ستاند وفي الوسط بطاقة الدعوه ما أدري صورتهم وخلتها في فريم ذهبي كبير وكل شخص يدخل يكتب لهم فيه، وبعد الحفلة تعلقه في مكان في البيت.

وعندج ناس يسوون دفتر مزين أو مذهب ويكتبون فيه.

وناس يسوون بطاقات كل وحده تكتب فيها وبعدين ترميها في قفص عصافير أو قوطي بريد مزين، وبالنسبه لي أفضل هالطريقة لأن يمكن وحده ما عجبها اللي كتبته فبدل ما تشخبط عليه ترمي البطاقة وتاخذ غيرها، وعشان ما يتزاحمون الناس على الدفتر فكل وحده تاخذ بطاقة وحتى تقدر تروح تقعد وتفكر شنو بتكتب وبعد فترة أو حتى لي بغت تطلع ترميها في الصندوق. وبعدين تاخذينهم وتصفينهم بطريقة حلوه في ألبوم خاص بهم.

أما بخصوص الشعر فما أدري الشعر اللي شفته بالصفحه اللي قبل ما أحس يناسب دفتر التواقيع لأنه مدح خالص للعروس.

وأفضل فكرة أنج تكتبين خاطره أو أي شي من مخيلتج لهذي الليلة وتطلبين دعوات الناس لكم.
وممكن بعد تكتبين دعاء بسيط أن الله يوفقكم ويرزقكم الخير والسعادة والذرية الصالحة وتطلبين من الناس يدعون لكم. وتكتبين تحتها إسمج وإسم المعرس.

وعندج مثلا هالكلام اللي أخذته من المنتدى

الفرحه ذكرى ماتنسى تبقى ذكراها على مر السنين
وتحمل في طياتها احلى المعاني ولحضوركم اليوم حنا شاكرين
لبيتم ندانا وزدتم الفرحه وكنتم بحضوركم اول المهنين
فمنا الشكر ومنكم الدعاء بان يديم ربي السعد للعروسين


وبعد يات في بالي فكره، أنكم تحطون عهودكم في بداية الدفتر يعني أول هو يكتب عروسي الغالية .. أعدك بأن أكون مخلصا لك صادقا معك ومن هالكلام (مثل سوالف الأجانب في الزواج)، وبعدين أنتي تكتبين وراه زوجي العزيز .. أعدك بأن أكون لك الزوجة والحبيبة والصديقة، أغمرك بحبي وحناني وتكون لي وطني وأكون لك سكناك، وزيدي عليها من أفكارج الذهبية ههههههه

ها وش رايج
ع
اممممممممم حبيبت اخذ رأيكم بنات بهذي المقدمة اللي بحطها في الدفتر

[GRADE="00008B FF6347 008000 4B0082"]
عرس به جمع النقي من الهوى
زين الشباب و زينة الفـتيات
كفؤان يبدو للنواظر منهما
لطف التشابه بالحلى والذات
وإذا الأصول زكت فلا تعجب لما
تأتي به مـن طيب الثـــمرات
فليسعدا ولينموا وليعمرا
عــمرا مديـــدا وافــر البركـات[/GRADE]
إلى أعز الناس على قلوبنا
لنجعل هذا الدفتر ذكرى نخلد به حبنا و مباركاتنا و نجمع به كلمات الحب و الاهداءات لتكون رمزا نعتز به طوال سنوات حياتنا

مع تحيات العروس و العريس


و طبعا سويت تصميم فيه صورتي و صورة خطيبي مع الكلام

شرايكم خواتي
l
عزيزتي ... انا مثلج بسوي لعرسي دفتر معازيم ان شاءالله


ودورت في النت وعجبني هذا



في أول صفحة كتبت ...

في حياتي زهور ....
ولابد أن تحيي فرحتي ..
هذا اليوم ...
وتسعدني بطلتها الندية ....
وتهديني باقة من كلماتها الساحرة ..
لتخطف بها لباب عقلي ...
كلما قرأتها ....
زهرتي ...
احملي قلمك بين أناملك ...
واختالي على الورق...

أما باقي الصفحات ....
فكتبت في أعلى كل واحدة

أيتها الزهرة المطلة ...
من أي الزهور أنتي ...
إذن أمتطي غصن زهرتك ..
و سابقي الريح فوق الورق ...
و اختالي
...





بس اتصدقين اختي لين الحين ما اعرف من وين اخذ الدفتر وكيف بنظمه


ممكن تطرشي لي صور الدفتر مالج على الخاص وتخبريني كيف ووين


اشتريه ؟؟؟؟!!



اختج من الامارات
7
انا اقول حطي دعاء احله واحسن
وكل وحده ورأيها
l
صح كلامج حزن

الدعااااااااااااااااااء احسن شي


وحطي صور صغير لما كنتوا صغار
ع
تسلمون خواتي على المرور
g
مشكوووووووووووووووووووورة
X