زوجك والولادة كيف كانت ردة فعله وماهي كلماته ؟؟

الى الان انا ماجربت بس ان شاء الله البنات يكتبون

لسه انا كمان ماجربت

الله يقومنا بالسلامه

أنا عن نفسي لما دخل زوجي معاي غرفة الولاده وبعد ما ربيت قال ما اتوقعت الولاده تكون سهله بهالشكل
بغيت اذبحه ما اعرف يطنز علي ولا صدق ما اعرف

حلوووووووووووة يفرش أسنانه ربع سااااااااااااعه هههههههههههههههههههههههههه >>>مسكين وش عرفه أنك مستعجلة

ولا اناااااااااااااا جربت .... وين اللي مجربين ؟!!

حب الامارات;6124735:
أنا عن نفسي لما دخل زوجي معاي غرفة الولاده وبعد ما ربيت قال ما اتوقعت الولاده تكون سهله بهالشكل
بغيت اذبحه ما اعرف يطنز علي ولا صدق ما اعرف

..........

ههههههههههههههه ياحليله زوجك >>مساكين وش عرفهم يمكن أنتي كنتي تستحملين الألم وهو يضن أنك ماتتألمين

:tongue:

للحين والله ماجربت !! هالموقف ..

الله يعيييييييين :ss:

انا زوجي لما كنت اصرخ فالمستشفى من الطلق كان متوتر وايد مسكين وانا بس ابيه ايود يدي لحظه الألم وكان يساعدهم بعد يحطلي الأكسجين ويسقيني ماي شوي... خخخخخخ وامه تقول انه نزل وصااااااااح لما كان فيني الطلق وكنت مفتوحه 5 سم .. وأتألم ... لحظات لا تنسى بصراحه وقف معاي وكان موجود في الغرفه بس لحظه توسعت 10 سم وقالت الدكتوره يلا بوش بوش شرد راح ورا الستاره وكانت امي معاي بس وراح وقعد على كرسي ماكان قادر يصطلب ويوقف فديته.. لأني كنت اصرخ من قلب وماكان مستحمل ..

بس الحمدلله كلشي مر بسلام

والله لحظااااااااااااااااااات مررررة حلوة

الله لايحرم أي بنت منهااااااا ياااارب

بصراحة مستحيل أنسى شعور زوجي ومشاركته لي في آلامي والعذاب الي حسيت فيه
يعني بعد الولادة تحسين في إنسان يحبك بكل معنى الكلمة........ شعور لا يوصف ...
اللهم لك الحمد والشكر يا رب وإن شاء الله كل العرايس الحوامل يجربن هذا الإحساس .....
ولكل متأخرة في الحمل أسأل الله العلي القدير أن يرزقها قريبا وأن تشعر بهذا الإحساس
لتحكي لغيرها من البنات ......

والله ماجربت بصراحه ... اذا جربت بجي واقولكم ..


لكن بقولكم على حكايه خالتي ,,


كانت ماسكه المسكين تلعن فيه وتشتم تقول انت السب ههههههههه وهو شكله

من الخوف ماعاد برجع لها اهههههههه

اما هو بس يطالعها من الخرعه مو مستوعب انو هذي زوجته النعوووومه الامووووره هههههههههههههههههه

انشاء الله لم أجرب أجيو و أقول لكم ..

بس زوجي من النوع الخوااف ..

ما أظن يدخل معاي ..

الموقف جديد علي وماجربته
وماأدري شنو ردة فعله

ياااااااااااربي مااعرف كيف بيكون مزقفه زوجي مايتحمل هالمواقف ..

يالله بعد شهرين بنشوف

فعلا لحظات ما تنسى ... وقتها مو بس زوجي الكل كان مرعوب .. امي كانت تصيح ,, وخانقتها العبره ... وماتتحمل .. وتقولي بس الحين بتخلصين الحين بتخلصين ... زوجي .. قعد يقولي .. انتي مب اول ولا اخر وحده تولد تحملي !! :eek::sad:

بعدين يوم رحت الولاده .. وكنت ارتجف من الخوف كأني ميته من البرد وخصوصا لمن يلبسونج اللبس مال العمليات الكريهه .... ريحته كريهه كل شي كريهه ... اشوف الحجره يديده وكل شي يديد وله ريحه غريبه الادوات محطوطه على صوب .. حالت رعب تملكتني اهني زوجي عرف اني صج مرعوبه من الولاده ,,, وضغط خلى الجهاز مال الضغط يصيح من الخوف .. طق الضغط فوق ...

النرس حاولت تطرد زوجي وهو ما كان يبي يطلع .. اخر شي عصبت علينا وقالت لي خلي زوجج يطلع احسن ... لا انادي لي الدكتوره .. مسكين طلع وانخش وراالستار اخر شي دزوه برع الباب .. اكثر من جذي ما رضى يروح ...

اول ما ييت . من كثر خوفه تطمن علي .. قبل النونو .... وبعدين .. انا تميت اصيح اصيح اصيح . من شفت بنتي ..

وبس ... للعلم ..انا بعدين خذيت ابره الظهر وريحتني .. بس كنت خايفه وايد وايد ... والي بتولودن .. ما الومكم لو خفتو ... بس صدقوني بعد الولاده الكل بيدلععككككككككككم اخر دلع خصوصا البكريه


تحياتي

ام جنى

والله موقف لسى ماجربته كلها بإذن الله 40 يوم واجربه
ولوان زوجي مايتحمل يشوفني تعبانة بس خلاص محكوم عليه يشوفني وانا في حالة المخاض

بس الولادة يقول تحملين ادخل معاج تبيني ادوخ واطيح غشيان ..

فما بتعب نفسية زوجي لكن خليه حزة الطلق يكون وياي حزة الولادة بره هههه..

وبشوفه ان شالله بعد الولادة شنهي ردة فعله ويجي لي اول لو يروح للبيبي ..

انا عن زوجي كان خايف لاني ولدة بالشهرالسابع


يسمع صوتي وانا اصارخ وجلس يبكي واول ماخلصت ولاده شفته بالغرفه ينتظرني وهو عيونه رايحه فيها

بس موقف حلو الله يسهل على هذه الولاده

انا ما كان معاي زوجي كانت اختي وامي معااي كل وحده تتنااوب علي هههههههه لانه كان في ظروف ما سمحت لزوجي يجي ولما جبت ولدي الله يخليه لي جا زوجي وجايب معااه باقه ورد وكمره الفديووو ويصور

حلوو الموضوع

وانا اقرى تجاربكم اصيح واضحك

الله شيء عجيب والله

انا بالشهر السابع الله يتمم لي واشاركم الي صار معاي

الله يرزقنا ويرزق كل محرومه يارب ويعيشها هل الفرحه ..