ممكن بنات لحظة من وقتكم ...........

مراحب بنات
بنات انا عيد زواجي الاول قرب وبسبب الاختبارات حبيت اجهز من الحين
بقوللكم على اللي بسويه وانتو ورايكم :
1\بطاقه دعوة وبكتب فيها (تجاوزنا معا كل الصعوبات .... لنصل الى الحب الابدي )
حبيبي الغالي .......
ادعوك للعشاء في يوم .... الموافق .......
المقر : مطعم ...........
وقضاء ليلة رومنسية بجانبي وذلك في تمام الساعة :
المقر : مملكتنا الوردية

2\وثيقة شكر وهاي اللي ابيكم تساعدوني فيها وهي الاسباب التي جعلتنا سعيدة معه وببرزوها وبغلفها بشكل مرة كلاسيكي وانيق
ابيكم تساعدوني في تصميم الوثيقة
3\شهادة شكر

هاي كله بصير في المطعم اللي حجزته واتفقت مع المطعم على الحركة والاشياء اللي يوافرونها لي


في المملكة الوردية بتعتي هههه قلبنا مصري

بحط من باب الشقة الى صاله شموع من الجهتين وفي الصاله بسوي ركن للمساج بلبس خاص وحركات خاصه في بالي وانا في شقتي عندي في السقف مثل القبه الكبيرة ملونه بالوان السماء فبجيب قماش وبحط بالونات وهالبالونات تكون مسابقه طبعا بتكون لونين ابيض واحمر افعال واماكن واذ ماطبق احد منا الامر بأخذ رغوة الثلج اللي في اعياد الميلاد وبرش عليه يسوي جوا على الاقل لمن زوجي يسحب الخيط بتتناثر البالونات وبنلعب طبعا اللعبه هاي بعد المساج
اذ فاز بهاي المسابقة بحط اسهم بالجدار الين غرفة النوم

غرفة النوم :
في الارض شمووووع وركن بسويها للعبة الشكولانة الكل يعرفها يابنات انصحكم فيها تراها خطيررررررررررررررررررة مرة نلعبها واللي يفوز يطبق الجائزة اللي في لعبة الشكولاتة

على السرير :
بنثر ورد طبيعي وو هم لؤلؤ ابيض بحطة بالونات الاساسيه تكون سميكة وحمراء واللي على الجوانب ابيض واحمر ونهاية السرير انا عندي صابون على شكل ورد اللي يشوفه بقول انه طبيعي بسويه على شكل قلب يعطي شوي جواا وبحط بعد ريش


في النهاية عندي انا عصي مضيئة نشغلها ونكتب فيها على الارض فبعطي زوجي واحد وانا واحد وكل منا يتكلم عن انطباعه عن الحفله وفي نقطة نسيت اقولها لكم بأخذ ل ام زوجي تذكار اشكرها على الهدية اللي عطتني اياها وهو زوجي ويوم ثاني بحتفل مع اهل زوجي واللي عندها كلام حلو لاتبخل علي حتى احطه يتذكار انا اعرف اكتب ياما كتبت بزوجي خواطر بس تعرفوا العقل مسكر الاختبارات على الابواب وثانوبة عامة

وانا طبعا بلبس احمر انا بحط لي المكياج وشعري بجعده


ها شرايكم ؟"
لاتبخلون بردودكم