حلو من غير اسم

مرحبا صبايا اليوم جبتلكم حلو كتير زاكي وبشهادة ناس كتير بتمنى ما يكون مكرر المهم اسم الطبق ما بعرف انا دقته عند ناس وعجبني وحبيت اعمله صحيح خرب معي مرتين بس التالته نابته وعنجد زاكي وسهل كتير
المقادير
5باكيتات بسكوت شاي
2باكيت جلي احمر(فريز ,كرز,عنب)بس لازم يكون احمر ويفضل يكون حيواني لانه بيجمد اسرع من النباتي
2ظرف كريمه
علبة قشطه
معلقه فانيلا
7معالق حليب بودره
فنجان صغير حليب سائل
7معالق كسترد
وملعقه نسكافيه
وفستق حلبي للتزين
وفنجان سكر
الطريقه
نذوب النسكافيه في ماء ساخن ونضع ملعقة سكر
بنجيب صينية بايركس وبنحط البسكوت في النسكافيه بس يا دوب بتحطي الحبه وبتشيليها حبه حبه حتى تحافظي عشكلها وبتصفيها بالبايركس حتى تعملي طبقه كامله
بتحطي الحليب البودره مع سكر وبتضيفي الهم 4اكواب ماء وبتحطيها عالغاز حتى تغلي
في كاسه حطي الكسترد وحركيه مع شوية ماء حتى يدوب كويس ولما يغلي الحليب حطي الكسترد عليها مع التحريك المستمر حتى لا يكتل وضلي حركيه حتي يصير جامد وطفي عليه
وحضري الجلي دوبيه متل ماهو مكتوب عالباكيت
هلا بناخد الكسترد بندير نصفه عالبسكوت الي عملناه بالصينيه
بعدين بنجيب كمان بسكوت بنحطه بالجلي بنحطه وبنشيله بسرعه متل قبل حبه حبه حتى نغطي الكسترد كله وما نترك فراغات
وبنسكب باقي الكسترد على البسكوت
وبنرجع نكمل باقي البسكوت برضه بنحطه بالجلي وبنشيله بسرعه حتي يغطى وجه الكسترد
وبعدين الجلي الباقي بنحطه فوق البسكوت وبنتركه حتي يجمد شوي
في هاي الاثناء بنجيب صحن كبير بنحط فيه الكريمه وبنضيف الها الحليب السائل وبنخلطه بالخفاقه الكهربائي حتي يجمد بهدين بنحط القشطه والفانيلا وبنخفقهم وبنتركههم حتى تجمد البسكوت الي بصينيه وبس يجمد بنحط الكريمه عالوجه وبنحط الفستق الحلبي وبنحطها بالتلاجه لحين التقديم
وصحتين وعافيه
سامحوني عشان اللغه اول مره بنزل اكله