ولدي عمره سنتين و6 اشهر ومازال يرضع بمرضاعه!!

وانا اعاني نفس المشكله ويا بنتي

الحل خليه على كيفه وبمزاجه

لا صار عمره 3 سنوات خلاص تحكمي فيه

ولا عليكم من الناس

اهم شي يرضع ويشبع وينمو بما ان يرجع

اهم شي صحة ولدك لا تعيرين الناس اهتمام

مراح يفيدونك

اذاكان حاله ظعيف فخليه يكمل ولكن كحد اقص ثلاث سنوات والاسوف يكون صعب عليك .باالنسبه لعدم اكله طبيعي طالما يشرب الحليب .واذا تبين تفطمين قولي لي وانا اقولك طريقتي مع ولدي لانه كان نفس الحاله واشد وفي نفس عمر ولدك ولكن ولله الحمد في خلال اسبوع انفطم وان كان يبكي ولكن ماعاد يشرب منهاوطبيعي انه رايح يبكي ويسوي بلاوي ولكن اصبري وحاولي تفطمينه في الاجازه.

السلام عليكم ورحمة الله وبركاته

ولد اختي كان نفس المشكله

...ان شاء الله البنات يساعدونج...

الله يوفقج

بتوفييييييق أختي

بتوفييق أختي واالله يحفظلج ولدج

انا عندي ولدي الكبير كان روحه بالمرضعه حتى يفز بالليل يبكي يبيها بس لما صار ثلاث شسنوات ظليت اخففه اله حتى اكله صار احسن لان السوائل تسد نفس الطفل عن الاكل وبما اني عندي طفلي الثاني كمان يحب المرضعه واذا شافه الكبير اكيد اراح يغار ويرجع لها بس انا قطعتهم اثنينهم من عندها بالكلام ماما هذي داخلها دوده او هذي المرضعه وصخه وشوفي شو الشي اللي يكرها قولي له هذا فيها شي وصخ وبالكلام شويه شويه والله يخلي لك اياه ان شاء الله

عادي حبيبتي

انا بنتي عمرها سنتين و 3 شهور وليما ألحين تشرب الحليب والماي والعصير بالمرضاعة

حتى البامبرز لي ألحين ماتستغني عنه

وحتى المصاصة لي الحين

مو عارفة شاسوي

حبيبتي المسألهـ يبيلها شوية ( صـبـر ) ..

أنا صادتني هالمشكلهـ مع بنتي ،، وكانت تصيح صياح تشل البيت والفريج كلهـ بصراخها ،، وكانت إذا أنا قلت لها لااااااااااء تركض عند جدتها وتسويلها مرضاعهـ ،، تقول وعليهـ صغيرهـ ،،

قلت لهااااا لا مايصير جذيهـ ،، خلاص هي كبرت ولازم تشرب في كوب مثل أخوها ،، وبنتي ضعيفهـ عصقول بشكل ماتخيلينهـ ،، الحين عمرها 3 سنين ونص وتلبس مقاس سنهـ ونص ،، ( اف هذي بروحها مشكلهـ ثانيهـ :(

قمت وقلت حق زوجي لازم تساعدني ،، لانها تسمع منكـ أكثر ،، وريلي ماقصر صج ساعات كان يصرخ عليها بس الحمداللهـ افتكيت من هالمشكلهـ بمساعدتهـ ،،

ورحت هوم سنتر ووديتها معاي وخليتها تختار الكوب اللي تبيهـ ،، وقلت لها هالكوب حق البنات الكبار عشان يشربون فيهـ الحليب ،،

فديتها عقب تعلمت وصارت تقول أنا ماشرب في الملداااااعهـ ( المرضاعهـ ) ،، أشرب في القلاث ( الكاس ) خخخخخخخخخخخ

يعني السالفهـ يبيلها صبر منج وقوي قلبج ،، صج الحليب مفيد بس شالفايدهـ اذا ماكان ياكل أكل مفيد مع الحليب ،،


وبشرينااااااااااااااا حبيبتي :)

[FRAME="2 10"]الحمدالله انا بنتي بدأت تترك المرضاعة ، إلحين تشرب الظهرية فقط ، وعوضتها بالسنتوب حليب مع فراولة والشكولاتة، بس فعلا فكرة إني أخذها المحل وتختار الكوب وتشرب منه مثل ما ذكرت بنوتة قطرية

والحمدالله بنتي تركت الحفاضةقبل ما تكمل سنتين[/FRAME]

أنا عمتي قالت لي حطيله ملح فالحليب بيكرههه بس انا مابي اكرهه فالحليب خل يشرب حليب طول عمره