جعل الي تردعلي ماتشوف النار ابد يارب

عمري لبنتي حبيبتي شلونج خخخخخخ شكلج مستعيله ها ..
طيب شوفي عن نفسي انا نهاية الثامن الإسبوع الأخير يعني منه بديت امشي ..
لا تقولين لي كم ساعه ... رحنا الممشى انا و زوجي و خذ مني الساعه و التلفون و قال لي الحين انا و انتي بهالدنيا بروحنا نمشي مشوار حياتنا عشان يجي لنا ولي العهد بسرعه خخخخخ حتى ريلي مستعيل..
المهم ظليت امشي تعبت اقول له ما اقدر بعد اكثر قال لي عشان خاطري عمري بعد امشي شوي ..
و ظليت امشي.. يعني بالعربي امشي الين خلاص تحسين روحش ما تقدرين بعد تسوين شي غير.. هذا كان بالعصر .. رجعت البيت جلست شوي عشان ارتاح دخلت خذيت لي دش و لبست ثيابي و نمت لي نص ساعه الا اذن المغرب قمت صليت و قال لي بدلي ثيابج بنروح نتمشى شوي قلت له بعد قال لي بعد ..
رحنا الممشى و مشيت بعد لي هلكت خلاص.. رجعنا وقفنا بعييييد عن صيدليه و قال لي اش رايج نمشي الين الصيدليه عشان تشترين باقي اغراض البيبي انا تحمست قلت له اوكي يالله ...
و رجعت البيت حسيت بثقل تحت قلت عادي..
الصبح دخلت الحمام تكرمون الا حسيت كأنه شي انشق داخلي يعني تخيلي روحج لابس بانطلون ضيق و قعدتي و انفتق تحت ... بس طبعا مب مؤلم هالشعور بس انا خفت .. رحت المستشفى قالو لي مفتوحه واحد سانتي ..
رجعت البيت و طلعني مشاني المغرب قعدنا نسولف فما حسيت بالوقت الين فجأه حسيت بإنقباض هو عباره عن طلقه اولى بس انا ما اعرف للطلق كنت فعديتها ..
و حسيت بثانيه عقب شوي .. قلت له برجع البيت فكرت روحي اني محتاجه اروح حمام و ن الطلقات هي مغص .. رجعت البيت دخلت الحمام و لكن لا شيء..

المهم جات الساعه 2 بعد نص الليل و حسيت بالطلق كل 5 دقايق رحت المستشفى قالو لي مفتوحه 3 سانتي ودوني غرفة الولاده.. عطوني ابره عشان تخفف الألم لأن كيس الماي اصلا ما انفتح..
المهم الساعه 1 الظهر شقو لي الكيس و نزل الماي و الساعه 2 بالضبط ولدت و جاني احلى محمود.. عقبالج يا رب..


طولت عليج بس عشان اقول لج تجربتي .. عليج بالمشي لين تتعبين ..


تحياتي
ام محمود

طيب الابره هذي وين عطوكي ايها بضبط وهي حقت وشو

الله يسهل امرج يارب

اختي ام محمود مشكوورة اذا وصلت التاسع بسوي مثلج

انا سمعت ان الخروع مفيد عشان الولاده

ابعد عن الشر وغني له

لاتستعجلين انا حاسه فيج ودج تشوفينه باسرع وقت

بس الاشياء اللي فيها شك ابعدي عنها

وعليج بالتمر كثري منه

والله يسهل امرج ويصلح لج ذريتج

تحياتي

أ ختي أكثري من اللاستغفار وأصبري و مثل ماقالت ألاخت أكثري من أكل التمر و أمشي كثيرا و الله يسهل عليك بس تري باقي بدري والله لم يجعل الحمل تسعة أشهر إلا لحكمه سبحان الله

-

الله يسهل امرك

ومن خاف سلم

اتكللي على الله واستغفري كثير

وامشي قد ماتقدرين

-

حبيبتي نصيحة لا تسويين اي شي غير المشي و اكل التمر هذي الشغلات ممكن انها تسهل الولاده بس انها تعجلها فلا لان متى ما الله كتبله انه يطلع بيطلع باليوم و الساعة اللي الله حددها يعني لا خروع و لا دارسين و لا اي شي لا تتعبثين بعمرج و بعدين انتي على قولتج نطرتي 4 سنين مو قادره تنطرين جم يوم .. صلي و كثري من الاستغفار و اقري صورة مريم و الزلزلة ...

اختي بقولج شي...........


انا هالشي عمتي ام زوجي قالتلي ياه

تقول عمتي:

(ان الطفل مثل الثمره متى مانضجت نزلت)

بس كلامها صحيح واقنعني صراحه

لان في فرق اختي بين الطفل الكامل والناقص

يعني على سبيل المثال الطفل معدته تكتمل يا فالاسبوع 38 او 36

فالثمره اللي ماتكون ناضجه صعب تقطفينها .. اما الثمره الناضجه فبمجرد ماتهزي الجشره تنزل وتطيح..


:)


صايره اقول حكم فديتني :)

الله يقومج بالسلامه يا رب

الله يسهل امورك وليش العجله صبرتي وبتنولين ان شاء الله وتتهنين بولدك

انا شخصيا المشي ساعدني كثير وولدني بسرعة .. انا كنت حامل وقد لي 21 يوم في التاسع وطفشت .. فكنت امشي بس مش بصورة منتظمة بس هذاك اليوم ... زوجي كمان خرجني وقالي نمشي ومشيت الى ان حسيت ان رجولي خدرت ماني قادرة .. مشيت ساعتين متواصلات ورجعت البيت وانا احس بالم خفيف وطول الليل وانا احس فيه .. والصبح على الساعة 8 الا واشوف ماء ينزل مني بصورة غزيرة .... اتصلت للدكتور ورحت لها العيادة وقالت مفتوح 3 س .. وروحي المستشفى علشان يعطوك طلق صناعي علشان يسرع الولادة وقلت تمام .. بس رحت البيت وطنشت كلام الدكتورة وجلست في البيت وشربت قرفة والالم خلااااااااااااااااااااص وانا فيني الالم امشي وادور في البيت ما جلست ولا دقيقة كل ما يجيني الالم اتمشي ... الساعة 2 رحت المستشفى كشفت الدكتور وشافت انه 4 س ... وظليت وامشي وانا فيني الم فظيييييييييييييييييع ... على الساعة 3 خلاص كان مفتوح 6 .. ومن 3 والا واني ولادة الساعة 5 العصر ... يعني الحمد لله اتسهلت على كثير .

طيب انتم تقولون التمر بس انا معي سكر حمل اذا اكلت التمر هل يوئثرعلى الجنين ابيكم تفدوني لئني خايفه على البيبي من السكر وهل كم اذا مسموح اكل تمر كم اكل والمشي كم ساعه يريت تفيدوني وعلى فكرا انا اذا سويت تحليل سكر عندالمستشفى يطلع 100 او 93هل هذا سكر عادي ام سكر سكر بضبط انا اسويه عندمستشفى العسكري برياض وحبيت اسئلكم عنه هل الولاده عندهم حلوه انا سمعت وحده تقول على رتب العساكر يقولون يعملونها معامله خاصه انا زوجي ملازم اول الي عندها فكره يريت تفيدني وشكرررررررررررررا

اختي العزيزة ... لا تخافين ولا تحاتين ... انا بعد ان شاء الله بعد فترة بوصل لهاي المرحله بس حاطه في بالي المشي بس اذا ما قدرت عليه الحمد لله العمل عندنا يساعد بس اشوي ارهاق .. وغير هذا التمر واايد مفيد وسبحان الله يسهل الولاده ... وفيه دوا الحامل تشربه اذا كن فيها الطلق يحميه واذا ما فيها شي عادي ما يسوي لها شي عند العطار ماادري بالضبط شو اسمه امي حليلها عطتني اياه ... وبالغصب لي ما شربته وزيت الخروع بعد مفيد ينظف البطن ويطلع الوصاخه حتى لو كنتي في المستشفى وعند السسترات عادي تسوينها عليهم وهو يعرفووون خخخخخخخخخخخخخخخ ... يا الله موفقه اختي وتقومين بالسلامه واهم شي الاستغفار والتوكل على رب العالمين

اختي الجماع يفتح الرحم ويسهل الولاده باذن الله

الله يسهل وييسر عليك

أكثري من الإستغفار بنية الولادة السليمة السهلة والعااااجلة آيااااات تسهيل الولادة وأكلي وأنتي تقرين (وهزي إليك بجذع النخلة تساقط عليك رطباً جنيا)

وربي ماااراح يضيع عليك تعب

وعقبال ماتكتبين لنا موضوع تقولين لنا فيه البنوته متعبتني مو مخليتني أناااااااااااام

الله يقر عينك وعين زوجك بشوفتهاااا وتزفينهاا عروس

اللهم آمين

حبيبتي اذا فيك سكر حمل ,,, على الريق أكلي 3 تمرااات وقبل ماتنامين 3 وان شاءلله ماتضرك