خلونا نعرف

موضوعج حلووو


انا اول مرة حسيت فيها نهاية الخامس يعني من كم اسبوع
شي عجييييييب الصراحة وستانست واااااااااااااايد اول وااااااحد خبرته طبعا حبيب القلب بو عيالي
هو استانس واااايد حط اذنه ع بطني ويلس يسمع بعدين يبوس بطني وكنت فالمستشفى
ما شاءالله ع حركاتها مثل نبض او فراشة تطير مثل موجة
والله ما اعرف اعبر من كثر الفرحة


والحين انا في الساس كل يوم احس فيها ما شاء الله عليها


الله يتمم علينا ياااارب العالمين وتكون ذرية صااااااالحة

موضوع حلو وله معنى خاص شوي انا حسيت بنبض في بداية الثالث تحت السره يمين بعدين معاد حسيت بشي وفي الرابع كانت المثانه مليانه وحيت تحت مره بحركه صراح شعور حلو الله لايحرم اي مسلمه منه يااااااااااارب.........

أنا في نصف الرابع ماأدري اذا حطيت يديني على بطني بعض الأحيان أحس بحركه بسيطة كأنها نبض

وأكيد زوجي هو أول من عرف ان البيبي يتحرك وبعدها الوالدة الله يحفظهاااا

وتشكرين على الموضوع الرائع حبيبتي

مشكورين يا حلوات


انا الحين في نهاية الرابع باقي جم يوم وأدخل الخامس

وللحين ما حسيت بشي:o


الدكتورة قالت لي هل جم يوم المفروض ان البيبي يتحرك


الله يتمم لنا بالخير

طبعا بالحمل الاول اول ماحسيت بالحركه بالشهر الرابع كنت بالمطعم انا وزوجي وحسيت بشي مثل الدلدغه يضحكني وطول الوقت تميت مثل الهستيريا اضحك والمس بطني ولا كلينا اكلنا انا والغالي زوجي الله يصلحهم ويخليهم لنا يارب ويرزق كل محرومه

وين البقية؟؟؟؟ خلونا نتشارك في تجربتنا




ننتظر البقية

موضوع حلو بصراحه ...

اممم حسيت بالحركه نهاية الثالث بداية الرابع تقريبا كانت على شكل رفرفه يعني كن شي يدغدغني ..

يوم حسيت بالحركه اول مره كنت جالسه بإجتماع مع رئيس مجلس الإداره و مع المدير التنفيذي وواحد من اعضاء مجلس الإداره و هم يتناقشون و فجاه لقو وحده الإبتسامه شاقه حلجها خخخخ هذي آنه ..
تحرك البيبي مرتين ورا بعض و استانست..

شعور لا يوصف فرحانه حسيت ان في حياة بداخلي في مخلوق قاعد يتفاعل معاي لما افرح راح يفرح لما ازعل راح يتضايق :) اتخيل هالأشياء و فرحانه وايد..

اول شخص خبرته هو ولد حمود رجعت البيت خذت يده و حطيتها على بطني و قلت لها ماما البيبي يتحرك يقول وين حمودي الا قام يضحك يضحك و يقولي ماما اسوي له بوسه قلت له ايه ماما عشان لما يجي هو يبوسك .. قام و باسه و لحد اليوم لما ارجع البيت من الدوام يقول لي ماما البيبي يناديني اقول له ايه ماما يجي يبوس بطني ..عاد امس الا يبجي يقول لي ماما عطيني البيبي ابيه يبيني اطلعه من بطني خخخخ..
و بعدين قلت حق زوجي و فرح و نزل راسه يسمع البيبي ..
و الحين دايم يسألني ها يتحرك البيبي ؟؟ يقول لي بمسح على بطنج عشان يتحرك..
لأن يوم كنت حامل بمحمود في الشهر الثامن تقريبا لما امسح بطني يتحرك و البيبي يكون كبير فيبان حركاته..
فهو يفكر الحين بعد اذا مسح على بطني راح يتحرك اقول له حتى لو تحرك الحين ما تقدر تحس بحركته انا بس احس فيها ..

و حركته الثانيه كانت عقب 4 او 5 ايام و عقب احس فيها كل يوم بس بأوقات متفرقه يعني مب وقت مين ..


تحياتي
أم محمود

أنا هذا أول حمل لي بصراحة ما عرفت أن هذه حركةللبيبي إلا لما سألتني زميلتي بالدوام تحرك البيبي قلت لها ما أعرف قالت بتحسين مثل النبض أو الرف وبعدها بجم يوم فعلاً حسيت برف عند المثانة بجنبي اليسار وكنت ببداية الخامس ما أدري شعور غريب فعلاً ولما خبرت زوجي جلس يضحك وقال بدا يرفس ؟؟؟؟ههههههههههههههههههه
الله يتمم للجميع على خير

للرفع

انا مره حسيت بها كانت على شكل نبض تحت السره بدايه الرابع ومكنت مصدقه انه تحرك وكان شعور جميل واول واحد خبرته زوجي وامي الله يخليهم لي

موضوع حلو حبيبتي

انا في حملي حسيىت بنبض وفي كل شهر يتغير

انا ما ادري احس بنبض تحت السرة بس اقول يمكن نبض قلبي و مرة حسيت بدغدغة ولا حطيت ببالي
و مرة حسيت بسائل يتحرك بس بعد ما ادري
هذا اول حمل لي وانا احين بنهاية الرابع