بكرية.. وهذي قصة ولادتي

السلام عليكم ورحمة الله وبركاتة.. حبايبي شخباركم عساكم بخير

الله يسهل على كل حامل ويعطي كل وحدة ماحملت... هذي قصة ولادتي

أنا بكرية والحمد لله ولدت من 22 يوم... بدأت قصتي يوم السبت لما رحت للدكتور وعمل لي سونار وقال لي الرحم مفتوح عندج 1.5 سم وفيج طلق، وكشف علي وقال لي انتي بتولدين بكرة طبعاً انا إنصدمت.. المهم رحت البيت وتخيلوا بدا الطلق يزيد علي كل دقيقتين طلقة وعلى هالحال لين الصبح نزل علي الدم (وإنتوا بكرامة) ويومها كان عندي موعد، رحت الله يسلمكم وعملت الدكتورة لي تخطيط وقالت بأكشف،هي حطت إيدها من هنا إلا الماي نزل علي من هنا ودخلتني الولادة على طول بس كنت 2 سم، هذا الكلام الساعة 8 الصبح، الساعة 11 الظهر شافوا إن الرحم ماينفتح وقالوا طلق صناعي، والله لا يوريكم إلي شفتة، في البداية كنت اسولف مع خالتي وأضحك وأقول لها شوفي اقدر استحمل الطلق كانت تضحك علي وتقول لي هذا ماهو طلق، ماكنت أصدقها لكن بعدين :confused::confused::confused: جاني شي عمري ماشفته بحياتي،جاني ألم في ظهري كنت أحس ان سيف يقص ظهري وألم في بطني ما أقدر اوصفه، تخيلوا كل نص دقيقة طلقة والرحم ماينفتح لين الحين 3 سم ما كان يخليني أرتاح ماتروح طلقة إلا تجي الثانية وبدون أي مسكن أو تخدير والمشكلة إن هلي كل إشوي يجيبون لي شي يحمي الطلق أكثر، فلما شافتني الدكتورة على هالحال إطلبت لي إبرة الظهر الساعة 4 العصر والحمد لله خذتها وارتحت وااايد عليها،وقالت لي إنها بتساعدج على فتح الرحم وصدق ماجات الساعة 8 ونص بالليل إلا وكنت 10 سم، و ولدت والفضل لله سبحانة.
إسمحوا لي إذا طولت عليكم، بس حبيت أشاركم بولادتي، وأقول لكل بكرية لاتخافين وإنتي تطلقين قولي يارب وإدعي وإذكري ربج وصدقيني كل شي بيهون، الألم تقدرين تستحملينه بس اللي تعبني أنا وخلاني أخذ الإبرة إن الرحم ماينفتح والطلق زاد وايد عندي ماكنت أقدر ارتاح واتنفس بين كل طلقة والثانية والبيبي تعب في بطني، الله يسهل عليكم وتقر عينكم بمواليدكم(f).