الطريقة السحرية لاطالة وكثافة الشعر

انا عضوة جديدة بالمنتدى وحبيت اقولكم على تجربتى مع الشعر علشان الكل يستفيد منها اولا انا شعرى مكنش بيطول خالص زى ما هو مش بيتحرك من مكانه كل ما اقصه يغيب سنين لحد مايرجع لطول اللى كان عليه وعملت فيه حاجاااااااااااااااات كتير اوى زيوت وخلطات والله مكنش بيطول حتى سنتى واحد عملت معاه البدع زى ما بيقولوا بردو مفيش فايدة لحد ما زهقت ويأست انه يطول اقولكم على شعرى الاول ودلوقتى
انا شعرى الاول كان قصير اوى مش بعرف حتى المه بالتوكة من كتر قصره وكمان قورتى عريضة جدا وشعرى خفيف من الامام ومنحول ودة وراثة يعنى طبيعى مش اتنحل نتيجة شىء
وشعرى كان شكلة وحش يعنى اللى يشوفه يضحك عليه وانا كنت بنكسف منه ودايما لما حد يزورنا اجرى على طول البس الايشارب علشان محدش يشوف شعرى كان قصير قوووووووووووووووى
يعنى مش شعر اصلا دة كان عبارة عن سلك مواعين من غير ما تضحكوا عليه حتى قرايبنا كانوا دايما يضحكوا على شعرى ويتريقوا عليه
اما دلوقتى فالحمد لله طول بشكل ملوحظ جدااااااااااااااااااوتقل اقوى وقورتى العريضة اللى بقولكم عليها صغرت واتملت شعر صغير كتيرمع انها وراثة لوالدى وقرايبنا اللى كانوا بيضحكوا عليه اول ماشافوا شعرى استغربوا لانى انا طول عمرى شعرى زى ماهو مش بيتغير و قالولى عملت فيه ايه علشان يبقى جميل كدة وانا طبعا مش هقولهم علشان كانوا دايما بيضحكوا على شعرى والله العظيم شعرى اتغير 360 درجة دة غير كمان انه اتفرد ونعم وكل شويه ابص فى المرايه وانا مش مصدقة والله مش بكدب عليكم ويارب لو كنت بكدب تحصلى مصيبة
سبحان الله ربنا رحمته واسعة الف حمد وشكرا ليك يا رب
يالله بقى عيزاكوا تسألونى عملت ايه فى شعرى علشان يطول كدة مع العلم ان الطريقة دى متعبة اوى دة بالنسبة لية مش عارفة بالنسبة لكم تبقى ايه وكمان هى طريقة اعتقد انكم سمعتم عنها وانا اعتقد انها من احسن الطرق المفيدة للشعر من حيث الطول والكثافة يعنى بلا عك زيوت وقرف اللى بتسد المسام لا فعلا طريقة سحرية والله لو جربتوها هتندهشوا من مفعولها انا لحد دلوقتى وانا بكتب مش مصدقة نفسى واول مرة احس احساس الشعر الطويل اللى عمرى ما جربته يالله بقى عايزة تفاعلكم معايا يا عرايس


الطريقة هى الرجير والسبرتو الابيض
تعصرى الجرجير وتضعى عليه سبرتو ابيض وتدهنى منه كل يوم من اول ما تصحى من النوم لحد ما تنامى يعنى كل ما ينشف ادهنيه لغاية بليل و متغسليهوش وتانى يوم كررى نفس العمليه حتى 6 ايام متواصله و فى اليوم السابع اغسليه وتانى يوم ابدئى من الاول تانى لغاية بردو 6 ايام وهكذا
واى سؤال انا تحت امرك