قصة ولادتي ... بابني الغالي

السلام عليكم ورحمة الله


اشحالكم يا كروشااااات ويا امهات...

موعد ولادتي 15 / 5 .... و ولدت يوم الاثنين تاريخ 28/4...

يوم السبت قررت اني اشتري عشبة مريم عشان اجربها... وفي نفس اليوم نزلت السداده بس ما اهتميت فيها... لانها كانت بيضا على خضار...


يوم الاحد المفروض اني اداوم بس لاني حسيت بكسل فاخذت اجازه ... بعد ما طلع زوجي للدوام رجعت عشان ارتاح... واول ما صحيت حسيت بالم خفيف مثل الغازات... وبدا الخوف عندي .. معقوله اولد اليوم.... المهم قررت اني احسب الفتره بين كل الم... فكان كل ساعه ونص... تغديت واكلت زعتر ... اذا غازات بتروح... اول ما اكلته ارتحت.. الحمدلله غازات(:tongue:مستانسه الاخت) ... بعد ما رجع الالم.. اخذت حمام دافي بس بعد ما راح الالم.. وصارت المده اقل ( كل 45 دقيقه) ... اللي كان يخليني ما افكر في الولاده انه طول الشهر الثام انا بالمستشفى لاني عندي طلق ولاده فكنت اقول هذا الطلق اللي كان يجيني بالثامن...
شربت حليب دافي ورحت امشي على البحر مع عمتي... وصارت المده اقل... صليت المغرب وريحت شوي .. وكنت احس بغثيان ... ولما سالت قالولي في ناس يحسون هالاحساس بالولاده..
المهم صليت العشان واخذت اغراضي ورحت بيت اهلي لانه زوحي بالدوام...
صبعا كان الوجع كل ربع ساعه... وكنت اخاف راوح المستشفى لانه كانوا يقولولي اني راح اولد بقيصريه...

والالم يروح ويرجع... لين صار 5 دقايق.. وبعدها رجعت كل اللي اكلته.. طبعا ما تعشيت بسبة الالم...
لبست عباتي عشان اروح المستشفى.. واختي طبخت عشبة مريم عشان اشربها.. وعلى طول على المستشفى... كان الوجع كل خمس دقايق تقريبا بس اول ما شربت العشبه صار اقل بوايد..
وصلت المستشفى الساعه 12 ونص فليل..كشفت عليه الدكتوره وقالت الرحم مفتوح 2 ونص سانتي .. واعطوني ابره شرجيه ودخلوني غرفة الانتظار والدكتوره راحت تنام.. (( والله قهر)) وحطولي جهاز لقياس التقلصات.. ومن غير التحاليل... وانا اتالم.. عطوني اكسجين لاني تعبت وحسيت بصعوبة في التنفس... والكل واقف معاني زوجي واهلي... وكنت لما احس بالام احس ببروده.. واختي كلمت النيرس ولما قاست الحراره .. قالت فيها حمى في خطوره لانه نبض الجنين يرتفع...وعطوني مضاد... وبعد ما زاد الالم وما قدرت اتحمل .. كنت اترجى النيرسات يشيلون الجهاز ..

شالوا عني الجهاز اول ما شافو انه الحراره نزلت... كشفت النيرس مره ثانيه قالت 5 سانتي..(( يالله بعدني بصبر)) على قولت النيرس (( لسه شويه))

وانا اتالم.. بعد ما طفح الكيل قلتلهم مب قادره اتحمل...والقهر انه الدكتوره ما مرت عليه ولا شفتها..((نايمه في العسل)) واول ما صحوها وكشفت ((نطق الحجر)) 8 سانتي ولاده.. وجهزوني للولاده.. اول ما دخلوني غرفة الولاده رجعت الحمى مره ثانيه... بس الله ما ينسى عباده... حاولت اني اتنفس بعمق وما اصرخ واذكر ربي.. والحمدلله ولدت ..واول ماشفت ولدي نسيت التعب كله...


عقبال البقيه... والله يسهل على الجميع