هلا خواتي
عضوات المنتدي
الصراحة بقولكم شي في خاطري انا اعرض العبايا واصور
علشان اتشوفون وانا اكتب واوقول
لكم عبايا اعراس ومناسبات
كل كوم
ويدخلن وبكل ثقة تقولج ؟؟؟؟؟؟؟
انا ما اشوف عبايا اشوف فستان :ast_green::ast_green:
ليش صابج عمي عيون
ما قامن ايميزن بين العبايا والفستان
مدري نوع من الطنازة ولا عدم الاحترام
وكل وحدة تتدخل وتفتي وتحلل وتحرم ليش هذا الاسلوب ؟؟؟؟؟؟؟؟؟؟؟؟؟؟؟؟؟؟؟؟؟؟
حبيبتي لا تزعلين
والناس اذواق والمفروض لما تحطين موضوع تعرفين ان في المؤيد والمعارض
لان الموضوع مش فستان او حذاء
الموضوع عبايه اسلاميه ولبسناها للستر وليس لفت النظر
وانا شفت العبايات الصراحه كثير مبهرجه ومستحيل
وحده بنت عوايل وقبايل تقبل تلبسها في مكان عام
اعذريني اختي بس الساكت عن الحق شيطان اخرس
واحب لاخيك ما تحبه لنفسك وهذا الشي اللبس ما احبه لنفسي
تحياتي
هلا اختي
اولا ارجو ان تتقبلين رايي
انا بصراحة شفت لج موضوع عرض عباية في منتدى ثاني
والكل استنكر هالعباية رجال ونساء
لأنها فعلا كأنها فستان مش عباية !! والله مافي فرق بينها وبين العباية
اختي العباية ليش يلبسونها ؟؟ للستر والا لإظهار الزينة
الله - سبحانه وتعالى - قال :" ولا يبدين زينتهن إلا ما ظهر منها "
اختي لما ردينا عليج نبي مصلحتج مش القصد الاستهزاء .. حاشا لله
حتى لو قصدج ان هالعباية حق اعراس ..طيب هي ماراح تركب مع السايق؟
محد بيشوفها وهي داخلة القاعة وطالعه منها ؟
اختي انتي راح تتحملين اثمج واثم اللي بتشتري من عندج هالعباية
وانتي وش حادج تبيعين مثل هالعبايات ؟ وتدخلين في الحرام -الله يبعدنا واياج عنه-
وحطي في بالج " من ترك شيئا لله عوضه الله خيرا منه "
وممكن تسألين أي مفتي معروف بهالخصوص( عشان ماتقولين اني افتي بكيفي )
اختي اتمنى انج ماتزعلين من كلامي لكن والله وبالله اني ابي مصلحتج وخايفة عليج
يمكن اسلوبي جاف ..معليش السموحة بس لأني اكتب في عجالة
اللهم أغننا بحلالك عن حرامك
هلا عزيزتي شمسه المهيري ..
اممم .. ماعرف شقولج .. بس حبيبتي انتي قبل ما تدخلين الانترنت ..
حطي فبالج انج داخله عالم بتواجهين فيه من جميع الأشكال و العقول و الأنواع والأساليب ..
لا تتوقعين كل الردود بتكون على ما انتي تبين ..
وفنفس الوقت .. هيئي نفسج لاستقبال اي رد .. حتى لو ردوود قاسيه
و قبل كل شي .. خلي رووحج رياضيه .. و لا تكدرين خاطرج
يمكن اتكوون وحده حابه تقدم نصيحه و ماعرفت كيف توصلها
اولا و اخيرا .. اللا هوو راي .. ما يستاهل اتكدرين خاطرج عشانه
تحــياتي ..
عسوله و بس
عزيزتي المسـك ..
يمكن الموضووع مب موضوعي .. وما يحقلي ارد عليج ..
بس انـا عن نفسي والله ما شفت ولا عباه من عبيها .. بس حبيت ابيينلج نقطه ..
ربيعاتي اغلبيتهن .. شو يسون .. يلبسن عباتين فالعرس .. عبااه فووق عباه .. فاهمه عليي ..
عبااه ساتره .. و عبااة اعراس .. بحيث انها من تووصل القاعه تعق وحده و اتم بالثانيه .. اتمنى كلامي واضح ..
بس حبيت اوضحلج هالنقطه ..
تحــياتي ..
عسوله و بس
يسلم كل مفصل في أصابع كفك يا المسك ..
و أنت يا أختي لا تعاندي .. الأمر يتعلق فيك لشخصك
أنت من ستحاسبين لا أنا و لا كل بنت نصحتك ..
قد تكون فعلا النصيحة جافة .. بس مش مهم كيفيتها أو من قايلها ..
المهم أنك تعرفين أنها حق ..
أو على الأقل تتوجهي لعالم عامل يتقي ربه و لمن يقول الحق دون مواربة و تستفتيه ..
و ما تمشي على هواك ..
و أتمنى ما يكون زعلك لأنو كلام البنات ممكن يفسد عليك زبونات مستقبليات ..
3asoolah;6075997:
عزيزتي المسـك ..
يمكن الموضووع مب موضوعي .. وما يحقلي ارد عليج ..
بس انـا عن نفسي والله ما شفت ولا عباه من عبيها .. بس حبيت ابيينلج نقطه ..
ربيعاتي اغلبيتهن .. شو يسون .. يلبسن عباتين فالعرس .. عبااه فووق عباه .. فاهمه عليي ..
عبااه ساتره .. و عبااة اعراس .. بحيث انها من تووصل القاعه تعق وحده و اتم بالثانيه .. اتمنى كلامي واضح ..
بس حبيت اوضحلج هالنقطه ..
تحــياتي ..
عسوله و بس
هلا اختي
انا عارفة هالشي .. ولكن للأسف قلة قليييييلة اللي يسوون جذي
وبعدين اللي يبيع مثل هالعبايات وش ضمنه ان اللي بتشتري هالعباية بتلبس عباية فوقها ؟
يا اختي انتي الغلطانه
اذا عباياتج نفسها كنها فساتين شتبين الناس يقولون..؟؟
يقولون يا بخت بنات المسلمين
ولا يا حظ الاسلام
يا اختي العباة للستر وانتوا ضيعتوا انفسكم عشان الماده..؟؟
ترى كلكم راع وكلكم مسؤول عن رعيته
ادري بتقولين تخلف وها العبايات للمناسبات فقط
لكن الوحده ما بتلبسها فالبيت وبتيلس
دامها بتطلع يعني صارت العباة زينه ومنكر
خافو الله عاد
ذبحتونا وانتوا تتكبرون على ربكم
كيفك اخت شمسه
انا وحده من الي شافو عباياتك في المنتدى وكمان وحده من الي نصحوكي مدري امكن كانت نصيحتي دفشه زي ماقالو
وعلى فكره حتى يوم ماشفت العبايه خطيبي كان معايا واستنكرها اذا الرجال قال كدا ايش تبغي الحريم يقولو
بس كلامي كان من خوفي عليكي انا عن نفسي افرح لما احد ينصحني حتى لوكان دفش
بعدين كيف بتقولي كل وحده تفتي من عندها اخت مسك ماقصرت وحطت الفتوى كل الي نصحوكي كانو بنفس كلامها بس بطريقه غير وانا مع الاخت مسك في كل الي قالتو
والاخت عسوله بتقول انو نلبس عبايه فوق عبايه وليش كل دي الحوسه كل دا عشان الناس يقولو شوفي عبايتها
العبايه عبايه للفرح ولا للسوق ولا لأي مكان اسمها عبايه للستر وبس
بصراحه استنكر العبي الي تكون مطرزه بشكل ملفت تبغو تقولو عني متخلفه قولو اهم شي ربي يكون راضي عني
واذا على النصيحه الي زعلتك انسي اني نصحتك
تقبلي مروري
عيون الفهد
يااخواتي انتبهوا الاخت تقول البسوها بالاعراس يعني بدل الفساتين
يعني انتي رايحة عرررس البسي هالعباية تحت عباية الراس وهي حلوة وساترة وللمناسبات
ومثل ماقالوا الاخوات الامارات يسمون الجلابية عباية انتبهوا يااخواتي الاخت ماقلت شي انتم شفيكم ؟
يعني سؤالي لكل وحدة دخلت الموضوع من تروحين عرس وتدخلين القاعة شنو تكونين لابسة ؟
يعني قدام النساء لابسة عباية راس !!! والله ماصارت ولا شفنا وحدة جالسة بالقاعة لابسة عباية راس
يااخواتي حبذا تفهمون قصد الاخت تقصد للمناسبات وبالمناسبات البسي هذي العباية او الجلابية
ساترة وانيقة والبسيها تحت عباية الراس ومن تدخلين القاعة تطلع الجلابية ساترتك .
[
SIZE="4"]السلام عليكم
شوفي يا قلبي
ترى الاخوات ما يقصدون يحطمونك او يستهترون فيك
كل قصدهم النصيحه _وانا منهم_
يعني اللي ربينا عليه و اللي ربوا عليه امهاتنا وامهاتكم ان العبايه للستر عن الرجال
و بما انها ستر لازم تكون خاليه من اي فتنه من شك وخرز و الوان و كرستال و غيره
بس اللي قاعدين نشوفه ان العبايه صارت محتاجه لعبايه فوقها تسترها!!!!!
وانتي يا قلبي جالسه تعرضين عباياتك المزينه !!!يعني لو قلدتك وحده و فصلت مثلها و لبستها للسوق و عند الرجال راح تتحملين اثمها واثم كل وحده قلدتها وهكذا
اتمنى يا حبيبتي انك ما تزعلين
انا اقدر اعلق و اقول ( وااااااو ايش العبايه الحلوه هاذي و من وين شاريتها وووووو)
بس انا خايفه عليك و ما ابي اعداء الحجاب يفرحون لما يشوفون بناتنا تحولت عباياتهم لفساتين
ابيك تضلين دره مكنونه بعيده عن اعين الذئاب البشريه (وانتي كذلك بأذن الله)
ابي لما اقابلك يوم القيامه تقولي جزاك الله خير على نصيحتك
ومره ثانيه اقولك يا عمري لا تزعلين من اللي يبون لك الخير والله يشهد على ذلك
الله يحفظني و اياك وجميع بنات المسلمين من الفتن ما ظهر منها وما بطن
اختك اللي تحبك في الله muffin[/SIZE]
الصراحة انا ما بعرض شي خلاص ,,, بس انتوا شو تلبسن حق الاعارس ....
ووالظاهر انكم ما تفهمون مول اقول لكم عبايا اعراس
حبيبتي شمسه انتي اعرضي اللي يعجبج ولاا عليج منهم وكل وحده عقلها براسها وتعرف الحرام والحلال
وانتي بريتي ذمتج وقلتي للأعراس وخلااص
ماعليج منهم
هي الحرمه اطلبت منكم الأحترام بالرد مب تستهزؤون فيها ..
سوالك يالاخت شمسه وجهيه لبنات الامارات والخليج ,,, لان احنا عندنا في السعووديه مانلبس عبي في الاعراس ,,,
انا رحت الامارات وشفت في افرااحكم المعاازيم يقعدوون بالعبي والعبي تكوون سووده ومطرزه ومشغوول عليها
لانها تعتبر بدل الفستاان ,,,, صح ولالا ,,,
وانا رحت كذا فرح في الامارات وكانو لابسين نفس العبي الي تعرضيه يااخت شمسه,,, وكل الفائة العمريه يعني الكبيره والصغيره ,,,,
موفقه عزيزتي
وانصحك نصيحه ابتعدي عن هالديزينات الملفته لان مااورها الا الفاائده في الدنيا وليس في الاخره ,,,,
اختك
ام يارا
ا
اللؤلؤه السوداء
عروس ماسية
20-05-2008 | 12:44 PM
ان لله وان اليه رااجعوووووووون
يعني شمووسه بتتحكم في كل وحده تشتريهاا عباايتهاا؟؟
اضن كل وحده تعرف الحلاال من الحراام
يعني الحين الي يبيع المكيااج والعطوراات
بياخد ذنب البناات الي يحطوون فل ميكب في الشاارع؟؟ والكل يشم ريحه عطرهاا؟؟
والله غريب منطقكم
شموووسه لا تزعلين ولا تحطين في خاااطرش حبووبه
م
مرموم
نائبة المشرفة العامة
20-05-2008 | 01:07 PM
أخواتي
بدون مشاحنات لو سمحتم...
خلّي النقاش بيننا يكون راقي بدون ألفاظ جارحة...
و الإقناع يكون بالحسنى...و إبتغاء لثواب الله تعالى
بارك الله فيكم...
هلا حبيبتي شمسة
انا برد عليج لاني رديت على موضوعج مرة
وكان تعليقي " حلوة بس كانها قميص نوم "
وراح احلل كلامي، قلت حلوة لانها فعلا حلوة، ولما قلت كانها قميص نوم لانها "فعلا" كانها قميص نوم لان عمري ما شفت عباية يدها شفافة
وانتي لما تعرضين عباية بهالشكل، ايش يضمن لج ان اللي بيشوفونها بياخذونها على اساس انها للاعراس؟؟ يمكن ياخذونها او ياخذون الفكرة حق المنكر والتعري والعياذ بالله!!
علشان جذي الواحد يبعد عن الشر والفتنة افضل، وما تعرضينها يكون احسن لانج ما تدرين يمكن تدعين للفسق والحرام بهالصور
والله يهدينا جميع
Um.Abdullah;6080475:
هلا حبيبتي شمسة
انا برد عليج لاني رديت على موضوعج مرة
وكان تعليقي " حلوة بس كانها قميص نوم "
وراح احلل كلامي، قلت حلوة لانها فعلا حلوة، ولما قلت كانها قميص نوم لانها "فعلا" كانها قميص نوم لان عمري ما شفت عباية يدها شفافة
وانتي لما تعرضين عباية بهالشكل، ايش يضمن لج ان اللي بيشوفونها بياخذونها على اساس انها للاعراس؟؟ يمكن ياخذونها او ياخذون الفكرة حق المنكر والتعري والعياذ بالله!!
علشان جذي الواحد يبعد عن الشر والفتنة افضل، وما تعرضينها يكون احسن لانج ما تدرين يمكن تدعين للفسق والحرام بهالصور
والله يهدينا جميع
مشكورة غناتي ربي ايوفقج صح كل شخص لة راي الشخصي بس اتعرفين اختي يردون عليج باسلوب كانج اتقولين لهم البسوها واطلعوا في الشارع
ربي ايوفقج غناتي