المغتربات الليبيات

اهلا بيكي :21_207:

السلام عليكم اخواتى اللليبيات و اكيد الاخت الكريمة فتاة الاسلام من مصر كل عام و انتم بخير و رمضان كريم

شكرا لكم اخواتي
وكل عام وانتن جميعا بخير

كل سنة وانتم طيبيييييييييييييييييييييييييييييين

السلام عليكم ورحمه الله

رمضان كريم عليكم ومباارك عليكم رمضان

كيفف حالكم؟ وكيف رمضان معكم!!!!

انا عجبني الموضوع كثيرررررر

انا ليبيه ومتغربه في امريكا
اتزوجت وجيت علي امريكا علي طول
بصراحه الغربه صاااااااااعبه وتقتل

وخاصا في هده الايام المباركه

اهلين بيك اختى الحسناوية بين خواتك و ربى يساعدك على الغربة و يحفظلك ابنك او بنتك

اخواتى مساء الخير حتى انا من ليبيا وجربت الغربة ولكن الحمد لله رجعت يارب تكونوا كلكم كويسين وانشاء الله عن قريب تروحوا وكل عام وانتم بخير وانا حبيت انى نسلم عليكم ونتعارفوا :)

اهلين اختي

الله يسلمك

بس حبيت اقولك ان ماعندي اطفال

لسه ربي مارزقني

هلا بلبييات
الله يكون في عونكم وخاصة في رمضان
صعب رمضان خارج البلاد
سلاااااااااام

السلام عليكم
كل عام وانتم بخير يا الليبيات جميعا .:)

اليوم خاشا وناوية على الهدرزة متع الليبيات الصح ايه ليا زمان عليها متع الطاسة التالتة باللوز والجلسة العربية والتقعميزة متع لين قريب اهل الحوش يلزوك هههههههههه لكن فرجت فرجت قريب المرواحة ايه قداش مستاحشة لعراس والحنة واللبس الصح وقداش خاطرى تضربنى الشمس لين خوخت فى جو اسكتلندة الممطر لمضلم والله توا كيف عرفت قيمتك يا شميستنا ايه على ليامات لما كنت نهرب منك على لاقل تنشرى لحويجات يجفوللك بسرعة اتطلعى لبساطات الله الله على تصييق الحوش من زمان ما سمعت ها الكلمة مش زى اهنى كله لوح كأنك قاعدة فى صندوق هههه صح تعلمنا من الغربة ويشهد ربى انى استفدت منها لكن الحنين يكاد يقتلنى حلوة يكاد يقتلنى مشت معاى معليش يا بنات نبى نكسر الروتين شوى ونتقل دمى عليكم ههههههههه تحملونى اكيد حتقولو خيرها هادى عادى لاكن الكساد قتلنى اغلب صاحباتى بدو يروحو وحدة ورا التانية الله على ايامات كنا نمشو للحديقة والهدرزة ايامات حلوة المهم سلامتكم يا بنات واللى عاجبتها الغربة ربى يهنيها واللى تبى تروح ان شاء الله تروح بلسلامة وانى ان شاء الله مروحة بعد العيد صح فرحانة بس خايفة نقول الله على ايامات اسكتلندة :Zd_bye_3:

alhanoon

انتي ليبية؟؟؟

خودي راحتك انسة كرامة

هدرزي زي ماتبي والله ماعمري جربت الغربة

بس اكيييييييييييييييييييدة صعبة عليكم

سلااااااااااااام

والله معاك حق يا انسة كرامة تعرفي انا اليوم خطرت عليا صاحبتي في ليبيا هي توام روحي والله كلمتها وبكيت نين ما سدني
امرايفة عليها بكل تزوجت وجابت بنت وانا ما شفتها
المهم خطرها ع الارضية اللوح انا بجد اشتقت للزليز والتسييق وقج المية والتوبو ههههههههههه والدروج وحك السيسان
هنا يا حنا كان جت نقطة امية عاللوح نجري بسرعة ونمسح انخافوها تفسد
الله المستعان

كيف حالكم يا بنات وصحة شريبتكم دلوعة حبيبها ان شاء الله ما تبكى على غالى وربى يجمعك بصاحبتك وسيور الغايب يولى لبلاده اهو ايام ويمرو ان شاء الله فى طاعة ربى
صار معانة مع اللوح زينى ها لاكن احسن حاجة عندهم رغم انه كل شى عندهم لوح لاكن معندهمش سمير اكيد عارفين من السى سمير (البشبو ):21_133:

اهليين بالليبيات المنورات و كلامك حلو يا انسة كرامة و مبروك المرواح و انشالله ماتندميش على شى اما اخت حسناوية انشالله ربى يرزقك بيبي حلو يملى عليك حياتك و سامحينى لانى فهمت غلط نحسابك قلتى جبت مش جيت

مرحبتين اختى مسرة أنا أم مؤيد مغتربة في بريطانيا وانحب نتعرف عليك انتى وين مغتربة

اهلين بالليبيات اهلا بالحبوبات شنى جوكم في الغربة

السلام عليكم مرحبتين حليمة العامرى بس حابة نساللك هوا تشابه اسماء ولا وحدة نعرفها

احلى مسا لااحلى ليبيات فى الوطن العربى كله منوراااااات:8875:

حبيت نسلم عليكم ونهدرزو (r) ا

أنى اختكم مغتربه فى مصر مع الاهل

ليه سنيييييييين :sm229:والحمد لله الصيف اللى فات انخطبت :smile:

ومش حنطول هلبا فى مصر بنهرب منها :21_131:وحنروح لبلادى

ليبيا الحبيبه

صباح الخير

مشاء الله على التجمع الحلووو والزايط

فاااتني انا اخر من يعلم معقولة ام ايهم على فكرة انا نحب نسمي ولدي ايهم غير يجي بوه وبعدين نسميه هو بعون الله

المهم مشاء الله عليكم والله تجمع عجبني لكن مغتربات وانا مش مغتربه انا في ليبيا لكن بنسالكم شنو حالكن في رمضان مع الغربه ,والله رمضان مش حلو الا في ليبيا وناسها وزيارات الاهل والجيران والاصحاب وهديك اللمة الحلوة.

ام ايهم عجبني موضوعك اختي وحبيت نشارك معاكم وبعون الله نتواصل معاكم غير هل الايام رمضان وزحمه عندنا بس بعون الله نلهى بيكم وانا شرقاوية راهو وعايشه في ليبيا.

بالنسبة للغربة انا مجربتها سنة بحالها وفي بلاد اوروربي وعانيت منها الكثير وحاسه بيكم وبشعوركم توا ربي يعينكم ,وتوا وقت الفجر والحال صيام بكرة نخبركم على اللي شفته في الغربه .

هيا توا نخليكم حبيباتي ونتلاقوا على خير