المغتربات الليبيات

نتمني تشرفو موضوعي ثالت على اثار بلدنا الحبيب ليبيا

وهادي المره على مدينة سوسة

مساء الخير

كيفكم يا عرايس

اموركم طيبة وينكم

ان شاء الله بخي الجميع

ان شاء الله نزوروا موضوعك يا طيوبة

تحيتي للكل

بنااااااااااااااااااااات اشتقتلكم

هااااااااااااااااااااااااااااي يابناااااااااااااات
والله من بكري ندور فيك دلوعة حبيبها ليا هلبه ماشفتكش في المنتدي
غبت هلبه

انا خاطمه انسلم

منورررررررررة والله ام ريسان
لكن ممكن سؤااااااااااااااااااااال
شنئ معني

اسم ريسان!!!

وتاني حاجة العزومة اللي مديرتيها لاخواتك شكلها يجنن

نونا يااااااااااااااااحلووووووووووووووة تسال عليك الصحةوالعافية ان شاء الله
غاااااااطسة واليوم متغديين برا يعني ما اظنش انخش ع النت لعند الليل


حنشتاقلكن



ام ريسان نورتي ومرحب بيك بين خواتك
هيا عاد احكيلنا عن نفسك اشوية بيش نتعرفو عليك اكتر

عروس ليبيا شنو الاخبار عندك يا سمحة

وين الباقي

ام ايهم ودكتورة لمار والسمسم والباقيين

اه صح ماقلتوليش شنو العسلوز وكيقف انديره

السلام عليكم كيف حالكم يا بنات غبت شوية معليش والله كنت برا المدينة من يوم الخميس شكرا على تواجدكم اولا اختى دلوعة حبيبها كيفك انتى وبنوتاتك وربى يعين يعنى انتى ما تعرفيش (العسلوز ) :rolleyes:توا انقولك لان تقريبا فى الشرق ما ايدوروش فيه العسلوز عشبة تطلع فى الربيع شكلها شوية زى الكزبرة وتطع فيها ورد اصفر طبعا لازم اتنحى الورق والورد والسقان هى الى تستخدم تتقطع وتتبوخ على الكسكاس وفوقها الكسكسى ويتقطع جزر قطع صغيرة وينسلق والبعض ايدير فى قرعة حمرا وبعدين اديرى صلصة بطماطم الحكة مش الاخضر وتحببى بيها الكسكسى يعنى اتخلطى الكسكسى والعسلوز والجزر او القرعة بلصلصة والصالصة لازم اديريلها ليمون احلى يميميم وبعدين يوكل بلهناء والشفاء .(y) ام ريماس شكرا لقبولك الدعوة اهلا بيك شرفتينا باهى باه يعنى اتزيدى اتسهفى فينا يسلموا ايديك.يتبع

اهلين اختى نعم الخلود اهلا بيك نورتينا :sa31:. اختى توبا اهلا بيك وتحية ليك على وطنيتك ومجهودك المبدول ومريت على الموضوع اكثر من رائع:clap:هونيدةاهلا اهلا وينك وربى ايعينك على المحوال ويوسع رزقكم انشاء الله:15: عروس ليبيا اهلا اهلا بعودك:15: سمسم هلا بيك معاش تغيى علينا. ام ادم وينك امغطسة وين لا هية هلا بعودتك(r) فاتنة ليبيا الحمد لله على السلامة وطهور انشاء الله :9_33:واهلا بكل الحبوبات ونتلاقوا على خير واللى اللقاء.

هونيدة .. الكتاكيت يسلمو عليك وقالولك يا خالتو وينك معش بنتي علينا ..
اشتقنالك



ام ايهم البنات بخير الحمد لله .. شكله عرس العسلوز هذا .. بس زالله ماعرفتها العشبة هذي وشكلها صعبة ومعقدة .. والكسكسو انموت فيه مووووووت ...
اندير فيه ديما لعند الغالي يقولي شكلك ما تعرفي اديري الا الكسكسو .. هههههههه
نعرف طبعا اندير عرم حاجات غير هوا مل منه

شن اخباركم اليوم ام ايهم كيف حالك انتى ياجارتى نحنا الحمدلله حال المرض العيال والله حال الحرارة والكحه شن نبى اندير حال المعاناه كل يوم مريض واحد
باقى البنات كيف حالكن يارب كلكن كويسات
ياعرب سويسرا شن اخباركم وشن الجو عندكم بصراحه سويسرا بلاد اتجنن وجوكم حلو ان شاء الله ربى ايسخر وانزورك فيها وشن اخبار شارع عشرين والله له وحشه بصراحه

ام ايهم;7683708:
. اختى توبا اهلا بيك وتحية ليك على وطنيتك ومجهودك المبدول ومريت على الموضوع اكثر من رائع .

:o:o:o:o:o:o:o:o:o:oشكراااااااااااااااااااا ام ايهم والله تحشمت:o
مشكورة ونورتي موضيعي
واللي جاي اكتر من اللي فات ونتمني كل مره تزورو قسم سفر وسياحة لاني
نجهز في مواضيع عديدة على ليبيا لازم نعرف على المناطق اللي في ليبيا كلها
:wink::wink::wink::wink::wink::wink:

والله منورات في قسم المغتربات يااحلى لليبيات(f)

om adm3;7684976:
شن اخباركم اليوم ام ايهم كيف حالك انتى ياجارتى نحنا الحمدلله حال المرض العيال والله حال الحرارة والكحه شن نبى اندير حال المعاناه كل يوم مريض واحد
باقى البنات كيف حالكن يارب كلكن كويسات
ياعرب سويسرا شن اخباركم وشن الجو عندكم بصراحه سويسرا بلاد اتجنن وجوكم حلو ان شاء الله ربى ايسخر وانزورك فيها وشن اخبار شارع عشرين والله له وحشه بصراحه

الحمد لله يا ام ادم تنشد عليك الصحة والعافية . ان شاء الله تزورينا ونستقبلوك يا حبوبة

اختي توبا نونا والله ماشاء الله عليك وعلى افكارك الحلوة والله عيب علينا اللي نحنا ما درنا موضوع نحكو فيه على بلادنا ولا على اي حاجة تخص ليبيا وتراثها

بس راهي انا درت في الطبخ البطاطا المبطنة بالصور بيش اتشوفنها هههههههه(وحدة تشكر في روحها)

بس نبي نسالك على معنا اسمك .. ومرة يكتبن البنات توبا ومرة تيوبا ماعرفت شنو الصح ؟؟؟

وربي يجزيك خير على مجهوداتك

(f)(f)بارك الله فيك يا دكتورة انشاء ما نغيبيش عليكم و لا تغيبوا عليا و الله اني عجبني الموقع هلبة و استفدت منه و سلامي الي كل اخواتي الليبيات و نهديكم طاجين امبطن :D_smil1:

[FRAME="1 70"]
مساء الخير كيف حالكم كلكم والله استاحشتكم هلبا كنت مشغولة عندي بنت خوي عرسها 20ّ / 11 وكل يوم انطلع فيها تبتت في روحها حوايج وحلوات والفيلوا هبلنا ما لقيناه لين بطلوع الروح والمزين والله نطلع من الصبح اروح العشرة والحداش في الليل تعبت هدا ليش ماخشيتش عموما نشكر كل من سال عليا ورحب بكل من انضم لينا وكل من يتصفح في الموقع واختي دلوعة حبيبها العسلوز عشبة تنبت في المزارع من غير زرع يعني بروحها ديمة تكون في حاشية المزرعة طويلة شوية عودها طري فيها ورد صغير عموما هي اكله حلوى هلبا انشالله اتدوقيها في الربيع
[/FRAME]سلامات تصبحوا علي خير

دلوعة حبيبها;7686983:
اختي توبا نونا والله ماشاء الله عليك وعلى افكارك الحلوة والله عيب علينا اللي نحنا ما درنا موضوع نحكو فيه على بلادنا ولا على اي حاجة تخص ليبيا وتراثها

بس راهي انا درت في الطبخ البطاطا المبطنة بالصور بيش اتشوفنها هههههههه(وحدة تشكر في روحها)

بس نبي نسالك على معنا اسمك .. ومرة يكتبن البنات توبا ومرة تيوبا ماعرفت شنو الصح ؟؟؟

وربي يجزيك خير على مجهوداتك

العفووووووووووووووووووووووو
مش مشكلة المهم واحد فينا يدير موضوع على ليبيا انتم بس زورو الموضوع واعطو رايكم

ونبي نخش لموضوعك نشبحه
واسمي الصح
توبا نونا
ويجزيكم مشكورررررررررررة:wink:

حبوبتي توبا نونا

شكلك بارمة على مواضيع كلهن
بارك الله فيك
قريت الردود اللي كاتبتيها .. تسلمي يا غالية

عجباتك البطاطا ... انا زوجي يمووووووت عليها هي والبازين والمصارين والفاصوليا

كان كل وحدة تكتب شنو الاكلات اللي يحبها زوجها

وعلى فكرة بنتي اللي امتعبتني الحمد لله توا اسقم حالها وقاعدة في درجاحتها تلعب

وحتى الاستغراب بطلاته وتوا عمرها 6 شهور

السلام عليكم ورحمة الله وبركاته حتى انى زوجى ايموت فى المبطن ورشدة برمة وحاجة تعلمتها من صحابى زواريا الهريسة ووكل الاكلات الا الملوخية على قولته هههههه