المغتربات الليبيات

والله يا عيوني كان امنيتي انورك وانفيدك لكن انا من بنغازي
ان شاء الله وحدة من خياتك اللي معانا اتكون من طرابلس
وبعدين ماتقعدش خوافة هكي .. راهي القالب غالب يا قمرة .. :21_209::shy:

:Dالسلام عليكم ورحمة الله وبركاته كيفكم اوخياتى شنو امدايرين الف الف مبروك اختى اعشق دودى ربى ايتمم على خير ونقولك اللهم بارك لك وعليك وجمع بينكما بلخير اوخيتى بخصوص الكوفيرات انشاء الله البنات الى فى طرابلس ايسعدوك وانى انحاول انقولك الى نعرفه اولا بلنسبة للكوفيرة الى حد الان قاعدة نادية الجزائرية فى التوب لكن للاسف لازم تحجزى عندها قبل الموعد بشهور لان عندها زحمة ماشاء الله نتفكر فى اختى حجزت عندها قبل الموعد بسنة وفى وحدة تانية حتى هى فى الى يشكر فيها اسمها خيرة وفى صالون مشهور ومشاء الله ديما زحمة عريس بل30 فى اليوم حتى هما شاطرين مكانه فى قرقارش اسمه هبة للعرائس فى 1و2 يعنى فرعيين وفى صالون سيدتى الجميلة تقريبا عندهم لبنانية امممم وشن تانى ايوه الصالات فى وحدة راقية بكل ونازكة اسمها المندلة فى جامع الصقع او الهانى وفى وحدة حتى هيا تحفة اسمها ليلتى وفى خيمة اجاويد و هلبة مشاء الله مش حتتعبى وطبعا المهارى وكورنتيا وغيرها امممم نجوا للرزاطة والعبمبر احسن من ايدير فيهم اندير والحاراتى ديما اندير عندهم حاجتهم برفكت والحلوات فى هلبة ايدوروا واما العشى حتى هو فى هلبة معامل توا وفى وحدة ديما اندير عندها حاجتها انظيف ة ومرتبة واكلها مفرد(كلمة امى:smile:)وكان تبى رقمها راسلينى على الخاص وشن تانى ايوه وكانك ناويا اديرى الكونفيتى ( البنبونيرى ) احسن انك اتجيبى معاك من مصر على خيار عينك واحسن ما تنضغطى بلوقت وهدا الى نعرفه الى الان ما قصرت :D واى شى تانى اتفضلى وخيتك كيف طالعة من عرس .

اهلين حبيبتى اعشق دودى انى مخطوبة طلعنا فى نفس البلد ومخطوبات
بالنسبة لااسئلتك حتى انى حـــــايسة زيك واكتــــــــــر ولو عرفتى اى شى قوليلى
ان شاء الله حنكونو ديما على تواصل
وتبى اى حاجه تتفضلى
...........................
حبيبتى دلوعة حبيبها انى دكتورة اسنان عادى قصقصى براحتك
وعرس اختك الله غالب خليهم يبعتولك شريط الفيديو متاعها والصور وربى يصبرك ويحفظلك بناتك

اختى العزيزة ام ايهم نبى نشكرك من اول ماخشيت قسم المغتربات لاانك انتى تعتبرى جمعتينا من الاول
كل الشكر ليك
وبارك الله فيك اعطيتينا هلبا معلومات وفعلا صالة المندلة يشكرو فيها هلباااا وعاجبنى مدخلهالما نخطم بالسيارة ههههه لاانى ماشفتهاش من الداخل
مشكورة وماتغيبيش علينا

دكتورة لمار ماشاء الله عليك .. بس انا عندي فوبيا من الاسنان:tooth: يعني رعب مش عادي .:21_131:. :durr:ههههههههههه
من اول ما يقولولي بكرا موعد الاسنان الليل معش نرقده وتقعد بطني توجع فيا وحالتي حالة ... خليك من البكا اللي قدام الدكتور ..:cry::cry: وهذا كله كوم ولما انصبي من الكرسي راسي يدوخ ونقعد انحس روحي نبي نستفرعغ يعني حااااااااااااالة .. حتى بابا يقولي انا انحرم انشيلك للدكتور .. والمشكلة اني حاولت نتخلص من الخوف هذا لكن ما قدرتش مش عارفة ليش .. ومازالت الحالة مستمرة معايا للان حتى بعد ما تجوزت وجبت بناتي مازال نفس الشي .. ههههههههههه

راكم تضحكو عليا :sm179: راهي وحده تضحك يصير فيها :UP202: ههههههههههههه

السلام عليكم اخواتى الغاليات زى ماقلتكم قبل انى فى مصر وجاية انكمل فى الدراسات هنا وتوه خشيت بش انفش غلى من القراية و الله امس روحت من الكلية من انشوفش قدامى من مادة نقرا فيها و خايفة منها بوكل تعرفوا فى المحاضرة انحس انى فى عالم تانى مانفهمش فى كلمة وحدة من الدكتور و كانى غالطة و خاشة محاضرات قسم تانى مش عارفة كيف اندير فيها ادعولى و النبى نقدر انصفيها لانها كابوس فعلا سامحونى كان ضايقتكم لكن قلت خلى انفضفض بالك انحصل شوية دعوات

حبوبتي السمسم .. فضفضي كل اللي في قلبك طلعيه نحنا خوات راهي ..
وان شاءالله ربي يسهلك امورك واتصفيها الماددة هذي والمواد كلهن
بس انا نبي انقولك حاجة .. لازم تبدي في المادة من الاول عشان تفهميها وتقريها واتخشي للامتحان وانتي مطمنة ..
انتي اكيد عندك صحبات معاك شاطرات او وحدات يكونن فاهمات الماده هذي عالاقل اتفقي معاهن وشوفي الاوقات اللي اتناسبكن وخليهن يشرحنلك من الاول وكل مرة خودي مجموعة دروس وروحي ذاكريها وكثفي جهدك وربي حيسرلك ويسهلك الامر ان شاء الله .. انا عن نفسي كنت اندير هكي انا وصحباتي مرة يشرحولي ومرة انا نشرحلهن والجميع يستفيد .. وعلى فكرة راهي اللي يشرح درس يزيد يثبته اخرى .. يعني انتي دوري على بنات مش فاهمات مادة اتكوني انتي فاهمتيها واشرحيها لهن منها اتكوني افدتي صحباتك ومنها اتكوني انتي راجعتي ومنها اجر باذن الله ..

ان شاء الله اتكوني فهمتي قصدي وربي يسهلك امورك

دلوعة حبيبها;7500467:
دكتورة لمار ماشاء الله عليك .. بس انا عندي فوبيا من الاسنان:tooth: يعني رعب مش عادي .:21_131:. :durr:ههههههههههه
من اول ما يقولولي بكرا موعد الاسنان الليل معش نرقده وتقعد بطني توجع فيا وحالتي حالة ... خليك من البكا اللي قدام الدكتور ..:cry::cry: وهذا كله كوم ولما انصبي من الكرسي راسي يدوخ ونقعد انحس روحي نبي نستفرعغ يعني حااااااااااااالة .. حتى بابا يقولي انا انحرم انشيلك للدكتور .. والمشكلة اني حاولت نتخلص من الخوف هذا لكن ما قدرتش مش عارفة ليش .. ومازالت الحالة مستمرة معايا للان حتى بعد ما تجوزت وجبت بناتي مازال نفس الشي .. ههههههههههه

راكم تضحكو عليا :sm179: راهي وحده تضحك يصير فيها :UP202: ههههههههههههه

راهو ضحكتينى بجديات:21_133:
الحق انه دكاترة الاسنان يخوفو:21_179:
حتى انى مرات نعانى من مرضى يهبلو فيه
ونحكيلكم حاجة قبل مانتخرج بعام كنت نخااااف هلبا( رقيقة)لما نعطى ابرة وايدى ترعش:21_186:
بعدين عااادى الحمد لله توة اخديت عالوضع
كان تجينى بااذن الله نعالجلك الفوبيا اللى عندك:shy:

اهلين حبيبتى السمسم
معليشى فى الاول كل شى صعب بعدين مع المحاولة والمثابرة والاصرار باذن الله كله يجى غر انتى تفائلى وادعى ديما وشدى حيلك
ربى يعاونك ويفتح عليك وييسرلك يااارب

هلا عزيزتى هونيدة الله يبارك فيك وشكرا عالدعوة الحلوة
وربى يخليلك صغارك

السلام عليكم

والله استحشتكم هلبا ليا هلبا ماخشيتش علي خاطر القراية الغبرة والمدرسة والله ملينا من المدرسة وهم الصغار انا ادارية في مدرسة والصدقوني تعبت المهم توا كيف حالكم كلكم انشالله تكونوا بخير كلكم بالنسبة للاخت اللي تنشد علي مزينة فية سهي الحسناء مكياجها مش عادي احسن من نادية وفيه نجوي التليسي حتي هي تهبل عيلتنا يمش عندها بس ومروى اللي في الفرناج وهلبا غير اللي سميتهم وبالنسبة للصالات فية الهناء وفيةهدة ليلتي والخيمة الدهبية واللبيب وقورينا السفينة الزرقاء وهلبا علي قريشاتك انشالله ربي يكمل عليك ويهنيك مسبقا الدكتورة ميار شكرا لانك خديتي بفكرتي وكلمتينا علي البلاد اللي انت فيها وكل من اعطانا معلومة علي المنطقة اللي هي فيها منورين كلكم

[FRAME="7 70"]
السلام عليكم
شن جوكن اليوم مبروك للمخطوبات ويارب يتمم عليهن بالخير
اختى ام ايهم كيف حالك وحال العيال شنو عيالك يقرو انا بنتى تقرا قريد ون
دلوعة حبيبها صار حتى انتى بنغازيه من وين فى بغازى انتى بلكى نطلع نعرفك ههههههههه من صغرها بنغازى على فكرة انا عرفتك من منتدى تانى
دكتورة لمار بما انك دكتورة اسنان نبى نسالك انا ليا كم يوم سنونى هبلنى مش عارفه ان كانت لثه والا سنونى جهه اليسار من فوق وتحت وجع وتسطير جبالى زوجى حبوب مسكنه ساعدتنى شويه بس مازال قلت بلكى نمشى للدكتورة اتشوفنى انتى شن رايك وشن تنصحينى معلش ازعجتك
اختى هونيده انتى وين فى كندا وياريت تعرفينى عليك اكتر قصقاصه؟؟؟؟؟؟؟؟؟؟؟؟
باقى البنات سلام
[/FRAME]

اهلا اختى ام ادمع بالنسبة لسؤالك هل يسطر بروحه ولا لما تشربى سخون ولامسقع ولا لما تاكلى حلو
لازم نعرف هالمعلومات ونكشف عليك بالادوات
غالبا حالتك التهاب فى العصب حاد
نصيحتى تمشى من غدوة لدكتورة
وان شاء الله لاباس

يااهلين وسهلين بحبيبتنا الزنبقة
بارك الله فيك كفيتى ووفيتى عالمعلومات
وشكرا على دعوتك الجميلة
معش تغيبى علينا

طبعا سلااااااااااااااام كبير لي اخواتى اليوم مفتحتش كانوا عندنا ضيوووووووووووووف
المهم شكر خاص لكل من ساعدنى وباركلي ونرد ونقول الله يبارك فيكم وفي اسرتكم الكريمه
ويعطيكم ربي ويفرحكم ونوللللللللللللكم يلي في بالكم اااااااااااامين
وشكر خاص لي ام ايهم لان مخلتنيش من اول متكلمت وتواصل برسايل خاصة مشكووووووووووووووورة وجزاك الله خير

حبيبتى الزنيقة معليشى بنتعبك من فضلك نبيك تكتبيلى عالخاص او عالعام اسامى الصالونات
اللى مكياجها راقى
اللى قلتيها واللى نسيتى تقوليها وكل صالون ووين مكانه بالزبط
بالنسبة لسهى الحسناء حماتى تشكر فيها هلبااااااا مبين انه ذوقك راقى.. انى ليه 7 سنين فى مصر
ومانعرف شى نمشى فى الصيف زيارة لليبيا شهر ونروح ومعنديش صاحبات فى ليبيا هلبا
ومشكورة مقدما

اخواتى الكريمات دكتورة لامار و هونيدة والاخت دلوعة حبيبها شكرا لردودكم الرائعة وان شالله ربى يسهل عالجميع والاخوات المخطوبات ربى يتمم على خير و يكمل فرحتكم يارب

حبيبتي ام ادم .. انتي تعرفيني من منتدى تاني ؟؟ شنو هوا المنتدى .. وانا نسكن في شارع عشرين
دكتورة لمار شكرا يا عيوني بس توا الاسنان عندي تمام .. لما يصير انقولك ههههههههههه
اعشق دودي الف الف الف الف مليون مبرووووووووووووووووووووووووووووووك وعقبال الفرح يا رب

بس قوليلي دودي الي تعشقيه شنو اسمه الحقيقي
قصقصة ههههههههههههههههههههه

يا بنات بعد خطرها فرح اختي صار منه في 20/1 والجمعة الدفع على قد ماني فرحانه لها على قد ماني زعلانة اني مش حنحضر الفرح .. ربي يصبرني .. نحكي معاهم كل يوم عالنت ويسهفوني قاعدين يجهزو للفرح والله نقعد قريب ما ننهبل .. والعطيب زوجي قاعد يغيرلي في جوي بيش ما انتنكدش لكن اهو لازم منه النكد